| 高鐵 的个人资料網絡分享系統-網絡日記照片日志列表 |  工具  帮助 |
|
2007/9/18 瑩之祭Day 1+2所見所聞今次去瑩之祭... 我承認我主要係為了想談天先去~XD
不過，兩日我都忙過不停，分別幫兩個團的人影相~XD
瑩之祭Day 1
呢日因為某三個網友要上台表演，所以我係1300島就到觀塘IVE，由於去到舞台之時節目未開始(其實係遲開)，
所以我就搵番上次係CW見過的果檔的人談天，結果緊係搵得到了，因為一早已經有聯絡過我會去~XD
同一時間，我係那檔的介紹下，識到兩個魔法先生同好者~XD
結果我一直同佢地吹水吹到舞台表演開始，並一直去到1500，我先開始去搵番早前被預約了的團去影相~
不過，腹黑石同小不點真係好可怕，我一退後她們就追過來...XD"
當影完她們個團的團相之後，我就開始搵想影的Cosplay，一直搵到下午，突然有人截住我！原來，又係那個
係漫畫節時幫他們影過相的Naruto團呢~XD 當然他們都係叫我留係度幫手影相了，所以我都留係果個團度幫手
影相~ 如是者，*一直影到夜晚~
係幫完他們影相之後，我就跟住果個團的團員一齊係飯堂食晚飯(？)，不過係食完之時，我發現外邊開始搞
夜祭的高潮-跳盆舞！不過係同一時間，我突然感覺到果首盆舞歌應該係一首我好熟的歌(講明先，我聽唔到
首歌的)。之後我立即飛出去睇，果然佢真係用緊Doremi Dokka~n的ED2來做盆舞歌！
瑩之祭Day 2
唔知點解，我突然覺得我好似重複緊自己的人生咁...(By我某個網友)。
我又係1300島到觀塘IVE，不過今次不同的係由於舞台表演早了開始，所以我拍唔到網友表演的其中一段片...囧
不過，今日其實係交貨日，所以我就帶埋果本剛剛整番好的Notebook去方便交貨，又剛好佢隔離果檔失了蹤，
我可以借埋佢張桌來用~XD
不過部Notebook就唔可以長開的~所以中途我都出了去搵人影相，結果就順路幫老夫子造了個由人排成的「45」
字出來~XD 事後發現參與的人雖少，但效果不錯呢~XD
最後，我再開部Notebook，貨就即場交了，仲即場改正埋呢~XD
結果又到了夜晚，我就同其中兩位有份表演的Cosplayer一起吃晚飯，再到旺角玩，再結束當日行程~
(...呃，應該係「睇人玩」至對...XD")
*當我地出去搵位影相之時，我聽到有人唱「Negima！？」的「１０００％ＳＰＡＮＫＩＮＧ！」
(蔥+明日菜+木乃+小剎版)，不過唱得就真係呢... 但我世估唔到下一首居然仲係赤松魔王名作，而且係香港
未播過的「Love Hina」OP「サクラサク」，嚇到我O嘴... 。□。|||||| 但同樣地，佢地的唱功呢... 2007/9/4 份工打完，好壞參半。其實我份暑期工係8月31號就打完了，不過我之後幾日我又無時間去寫日記，所以係今日先打番期間的經歷~
自從做了外判職員之後，我就一直係一間有名的上市公司的辦公大樓內返工，主要都是抄存貨清單，
而挑戰性就在於要「眼明手快」，因為你要細心留意User係咪有空，以及抄的動作要迅速，唔好阻住人地。
另外仲要有禮貌咁問User可唔可以比我抄，而大多數的User都係因為見到我有禮貌，而非常合作之餘，
仲幫我聯絡埋其他未抄的User，叫他們準備一下~
雖然話要長時間於同一地點返工，但有時都要出去其他同公司的辦公室抄機(辦公室港九新界都有~XD)，
而且亦因為咁，我地連常人都入唔到的地方，例如Call Center，放滿電腦的Store Room同保安情度更嚴密
的Server Room(我指係成層樓用哂的Server Room)同要打指毛的控制室都可以輕易進入而無人懷疑~XD 呢幾樣可以話係我打呢份暑期工的學到同吸收到的一大好處~XD
咁當然，每份工都會有唔開心的事發生架啦，我都唔例外，係我身上發生的不愉快事件，全部都係由
辦公室政治引起的~
我就係唔明白，某個同事係都要針對我(不過都講明係辦公室政治，根本唔需要明點解~XD)，不過好彩，
兩次都比免死金牌救了我，令佢插唔死我之餘仲幾激氣~XD
第一次，我取得Store Room的鎖匙後，於點貨中途離開了間房，落了去同另一拍擋交代我之後會做甚麼，
會幾時再上番去，幾時會再落來，我相信任何一個人都唔會覺得我呢種處理方法有問題。不過就係第二日
，果位針對我的同事就大大聲同我講「你做乜一句聲都唔出就走了去，你知唔知我地入唔到去！」可惜，
我用番上面的原因，加上將我地兩人只有一張ID Card，要定時聯絡，免得其中一個人會被困辦公室內的
事講比佢聽，再加上我拍擋認同我的話後，佢立即無聲出~XD
或者有人會問我，點解唔用電話聯絡？其實因為果度有特殊的原因，其他電訊商唔方便入去鋪線的關係，
所以我用緊的果台係果座大樓裡面係收唔到的~XD
第二次，可能係我講野真係大聲了點，佢咁樣同我講「喂！你講野可唔可以細聲點？你阻住我訓覺啊！」，
但之後老闆出聲叫佢冷靜點，佢先無再繼續食住上，而我亦作出最低限度的致歉來冷卻一下。而我又有點不
明，當時他睡覺的地方起碼有八個人，兩個人打緊機，兩個人正談天，而我就問另一位同事有關電腦的事，
我唔明佢點解會選擇係呢個最容易產生燥音的地方訓覺，呢件事佢都要負起部份責任。(都話係辦公室政治，
根本唔需要明點解~XD)
而到我離開公司前的最後一日，佢不斷咁讚美我的拍擋，擺明就當我唔存在，但可惜係得佢係咁諗，其他人
都知道我的存在，而且仲知道我做得野~XD 所以到我放工，同共事個半月的同事講聲再見之時，我都無去搵
番果條友就離開了公司，可以話係完美的完場~XD
其實點解我對辦公室政治應付自餘呢？就係因為我係第一日返工之時就提醒自己「要小心辦公室政治」，
所以係工作時特別慬慎，加上唔去由果條友負責管理的地方幫手點貨，先無發生嚴重事故~XD
呢份係我第一份第一次見工就成功的工，亦都係我第一份完成了老闆對我的期望後離職的工~XD |
|
|
