網絡分享系統-網絡日記: 2006年8月

2006/8/19

咁當然，我無咁笨，最後都係無事走甩了啦~XD

件事係咁的，今日我個舊同學約我出來，咁我等佢來到之後，佢就帶了我去某商廈度，話介紹個朋

友比我識。只不過上到去之後，我發現個場同係警訊裡面見過的情景差唔多，而且佢又不斷咁介紹

果間公司的野比我聽，所以我未入去已經有戒心，隨時準備Say No，入去果時仲有保安睇我張身分

證(但保安無做任何記錄)。

入去之後佢就帶到我去某張度，初初就真係同佢介紹果個人談天的，不過講講下佢又講到空氣污

染，又講到鼻敏感，仲要講一大乍數據比我聽，我果時好開心，因為我終於等到佢現形啦~XD

之後佢真係開始拿單張比我睇，又點著某件產品比我睇，講佢的功用，只不過佢講的野對我來講好

悶，所以我決定走，就作了個理由離開，只不過呢個時候果位舊同學又搵另一個女職員過來煩我，

果個女職員不斷係咁同我講「你對公司未熟悉，希望你可以聽埋先」，又話我唔需要比錢出來，我

想拿單張回家慢慢看，佢又話唔係會員或者職員唔拿得，不斷游說我多留一回。

最後搞了20幾分鐘我先係電梯大堂甩了一個，再係地鐵站甩了另一個，只不過果個舊同學我仲未甩

到，所以我只好聽歌，唔理佢講的野，結果到了九龍站，佢就因為同事吹佢返去而乘回頭車(但之前

佢同我講今日只係來吹水，唔係返工，好明顯佢係前言不對後語)。

事後，我認為呢間公司有問題，所以我就上網查查呢間係一間乜野公司，結果係網上搵唔到呢間公

司的網頁(佢仲話自己係跨國公司)，但是卻看到兩個有趣現象：

1)慈善機構的刊物上有呢間公司的名

2)各討論區上有關於呢間公司的負面新聞

所以我更加肯定呢間公司有問題！但為了吸收下反層壓式推銷陷阱經驗，所以我自己點都要親自試下。

但是我真係幾欣賞果兩個職員的口才，講得好順之餘仲無停過口唔比我思考，可惜我唔受呢套~XD

P.S.到了南昌站之後，有一位中年的姐姐問我D2出點去，但最嚇人的係佢居然話自己出了閘！(但我

同佢都係地鐵收費區度)所以我知道佢用錯轉車閘，就教佢由地鐵的閘出閘，但因為佢驚比人扣錢，

所以都是向職員查詢。看來轉車閘指示唔夠清晰...

2006/8/10

有關「網絡分享系統」運作的宣佈。

由今個月起，日記的關鍵字我只會用紅色做標記，不再放大，以節省編輯時間。

不過係清之前，我會同佢裡面的有用資料做數碼化。

但就係做數碼化工程的時候，我先發現原來我係無好好利用過果本野...OTL

因為我係檢查有用資料的時候，竟然發現裡面有好多我而家想睇的動漫，

再睇睇本野的出版日期，竟然係2003年中，我讀緊中四的時候！

原來我呢三年已經忽略了現在很多覺得好睇的動漫，究竟我當時每個月花$30買返來做乜？

調查過後，我發現當時係為了Doremi先買的，我記得當時仲需要偷運本野返學校...OTL

雖然呢個係我當時犯下的一大錯誤，但我諗住今年9月再次引入呢本雜誌，因為

日本又開始一個新的好睇動漫推出周期，我要好好把握呢個機會，學下用果本野...>///<

P.S.至於數碼化工程大約係聽日就可以完成，之後果批雜誌會棄掉。