| 高鐵 的个人资料網絡分享系統-網絡日記照片日志列表 |  工具  帮助 |
|
2007/7/21 返工所聞至於呢份工，係IVE暑期實習果份來的，係當日17個見工的人之中，只係請了4個...
係返工的第一同第二日，我同另一個同組的同學非常清閒(←標準辦公室臃員兩名~XD)
只係因為我地的工作唔同其他同學，我地係負責整Printer，而另外兩個同學就係負責測試被退回的硬件有無
故障，以及將整部好似全新咁的壞機(其實只係壞了好簡單的野)搬上辦公室拆件等等，不過有部份的「測試」
真係極唔人道，因為根本唔係測試，而係整死佢...囧
不過，因為我地兩個實在太得行，所以都幫他們將果堆壞機搬上辦公室，聽講就係因為有我地的幫手，令搬
運速度快了兩倍有多~XD 不過我搬搬下果時發現，被退回的壞機不外乎係某四隻型號(至於牌子我唔想講，費
事影響買了果隻型號電腦的人的興致)
而係上星期開始，我地就過了去青衣做外判職員，而去的果間公司...其實都唔係公司咁簡單，佢係香港一間
有名大集團的其中一座物業來，由於只有該集團的人係度返工，所以保安好嚴密，每入一個室都需要拍卡。
而我地係去佢層樓做PC Support，所以即使佢保安好嚴密都好，我地都通行無阻，職員同保安都唔理~XD
不過，我地好明顯係一組經驗嚴重不足的新人，點去做PC Support呢？~XD 所以我地係呢幾個星期的工作，
只係負責將辦公室裡面的電腦(斷估有500部)全部都記錄底，比PC Support的人去做Database，辛苦情度比另外
一組低好多之外仲可以遲半個鐘返工，而困難亦只存在於點同User溝通~ 不過果度的缺點係好少餐廳(由辦公
室起計10分鐘的步程內竟然只係得一間大快樂，所以非常多人光顧...)，不過都好，除了可以係佢地的辦公室
沖佢地的飲品之外，附近仲有IVE，食飯同上網都可以好好咁利用下果度(係公司上網係好唔方便)，反正學生
證都未過期~XD
P.S.魔法先生「2時間目」終於都有點少進展，就係書店妹妹的屬性圖終於都拿到，但我估唔到書店妹妹原來
係咁大膽...(謎之聲：闇のどか再現！？)，我下一步就係要拿到千雨妹妹同依文妹妹的屬性圖~XD 2007/7/16 科大吾祭兩日報告琴日同前日，係一年兩度的科大吾祭，小弟作為一個唔活躍的Cosplayer，當然要去下呢類場合了~XD
2007年7月14日
係我搭緊車去科大的時候，收到網友來電...係喎！我而家先醒起我早前非正式咁約了他今日係會場裡面見~XD
去到會場之後，我發現人流比以前少，但活動範圍就比以前略大，其實都係一件好事來的，人少少又有休息室，
影夠了又可以休息一陣~
不過呢日其實無乜野特別，所以我係下午5點半左右就離開，行下坑口站附近的商場之後，就返屋企睇電視~XD
2007年7月15日
呢日我比人預約了做攝影師，所以係下午我就同她們搭車去科大，而另外亦有一個Coser想我過去探下她，所
以就係我果團的人換衫的時候，我就去搵呢個Coser影相，影完之後再返休息室等人，不過就係我去到休息室
之時，她們剛剛換好衫，但都未可以正式開始住，因為我地其中一個團員要比賽，所以我地先上去會場支持
一下，再等她換第二套衫後先可以正式開始影相~
係場外兜了幾個圈之後，我地再返休息室休息，呢個時間我當然要好好善用下啦，所以我就係呢個時間播
「旋風管家」來比大家輕鬆下~XD大家問我拿乜野播？當然唔係PSP，而係我果部私家Notebook啦~ 呢日亦
都係我部Notebook測試第三個用途，就係於Event中比團員即時參考番角色造形，動作及提供進階執相的時間
，結果當然係好成功啦，因為除了可以用來明串某個人之外，就連我部Notebook都變成了大小姐的道具之一呢
(同時亦係最貴的道具之一)~XD
係影完團照之後，她們就去換衫，而大小姐因為太可愛，所以我地(四女 + 一男)齊齊唔建議大小姐換番衫，Cos
住走~(謎之聲：高鐵你壞啦~XD) 所以我就同大小姐係飯堂等她們換衫之後，就齊齊出旺角食晚飯，而我亦因為
抵受唔住大小姐不斷對我講請她食晚飯，而且個樣又咁可愛，所以我就請了大小姐食晚餐，最後仲因為我的
蘿利魂突破了零的界限(謎之聲：高鐵你現形了~XD)，所以同她係旺角影了兩幅相~XD，仲同她們一齊行去巴士
總站搭車(我當然唔係搭埋一份啦！~XD)
至於科大的有關團體今次都搞得幾好，趕客的禮貌又非常好，而且個場又唔迫，又多了好多有冷氣的地方可以
坐下休息，如果可以為今次的活動評分，我會比約九成的分數比今次主辦呢次活動的團體，以示支持。
P.S.2 日記的次回預告，就係講下我第一份工的工作情況了~XD(謎之聲A：高鐵你又話搵唔到工的！？)(謎之聲B：日記都有「次回預告」！？) |
|
|
