| 高鐵 的个人资料網絡分享系統-網絡日記照片日志列表 |  工具  帮助 |
|
2006/6/21 今日同班同學燒烤~今日一大清早我就飛了去筲箕灣集合，同班同學去石澳燒烤~
結果我遲了 3 分鐘先到，不過仲有人遲過我。大約15分鐘後就齊人
了，所以就去凍肉店買肉，而另一批人(包括我)就去超級市場買
燒烤用品，大約又用了15分鐘購物之後，就去巴士站搭車入石澳，不
過係我地行到去巴士站的時候卻有一班人叫我們乘紅色小巴，並
說小巴收費平巴士$0.5元，不過最後我地都是選乘巴士，只因
我問了一條有切身關係的問題：「收唔收八達通」。
之後我地就繼續係巴士站等車，我又好奇望望一陣會乘搭的巴士，發
現是一部有高枕的短躉，因為我真係未搭過，所以非常之有興趣試
搭，結果一上到車就立即去了右邊頭位坐，而班同學亦坐了係附近，
之後部車開出，我發現引擎聲一去到高轉數就有點「吱~」聲，此時我
非常開心，因為這意味著這部是歐三躉！(歐三躉又名「飛機躉」
，故名意思，即係部車「識飛」，對於郊區又上又落又多灣的路
線來講，部車「識飛」的話會行程可以超快。)
結果部車就一直由筲箕灣巴總一直飛入石澳巴總，呢個師傅總算無浪
費到部車，部車的行車速度甚至拍得住小巴呢！之後就是去找爐，不過因為是正午，又非常好太陽，所以都無幾多位比我地
選，結果就選了個近的位，之後就起爐燒野食，不過燒燒下有一群生物
好似蒼蠅咁係我地的食物度飛來飛去，細心留意下竟發現是一群
蜜蜂！講真我第一次燒野食時見到的敵人唔係蒼蠅而是一群蜜蜂，
之後數量越來越多，最高峰時更多達20隻(另加一隻峰后)！而
呢群蜜蜂主要是做蒼蠅才會做的事，食我們的肉，飲我地的汽水...=.="
燒了半包炭之後我地就去了沙灘玩數字球(可惜唔夠人，如果唔係玩閃避
球啦~XD)，中途下過一場雨，下雨過後再玩了一陣之後我就因為體力透
支及太熱，之後返了去飲了三杯水同休息了1個鐘左右，之後
我就同班同學買啤酒，而我就係買啤酒後就自已行了去石澳巴總附近影下
個巴總，之後再行返去燒烤場，再休息15分鐘後，就落海灘聽了涼宮
同AIR的OP同影海景，返上去之後就有同學叫我同佢玩NDS，之後
我就借了人地部NDS玩，雖然比賽我輸到貼地，不過我幾鐘意部
機的連線，因為部機真係點放都連得好順！
到了1800時島，我地的神秘嘉賓出現啦，就係第二學期教我
地英文的Miss~XD
起爐後我地再燒烤，由於越來越黑，蜜蜂好快就「收工」，所以我地燒
得真係好輕鬆，不過因為家人要我早些回家，所以我無奈
地要在2000時就走人，走之前我再影夜間的海灘，真係黑到睇
唔到野架~XD
當去到巴士站的時候，我發現在巴總內的巴士竟是我乘來的同一部車！
而且剛剛開始上客，我又係第一個上車，所以順利成章我
又坐了係右邊的第一排位，等了三分鐘之後部車就開了，不過返出去時
個速度仲快過入來，而且石澳道的街燈好像有問題，無端端
整段關掉，之後又開番，變了部車係黑夜中的山路只以車頭燈照
明來高速行車，仲因為咁樣師傅差點見唔到有人係巴士站等
車而「飛站」(不過部車都係過哂巴士站先停到)，感覺好正！不
過同車的某位女乘客竟說部車行得慢，我真係無奈。
返到箕箕灣之後我發現部車入了2X線的月台，之後我終於明白
師傅「飛車」的原因，原來係佢趕住收工(不過佢手車真係好正)，而我
落車後就發現路線編號牌只打著「新巴」，我的估計非常正確~XD
之後我就慢慢行想聽下部車係咪真係用歐三引擎，結果又發現真係
，所以我今日搭到呢部巴士個感覺真係好正，和同學玩又玩得
好開心，今日真係過得沖實！
P.S 我終於都知道「明日之Nadja」內的露絲瑪麗點解會成為2004年日本動畫
最受歡迎人物的第一位，原因只有一個，就係因為佢心裡有一個無理的期望
(簡稱痴線或系統失常)，原先露絲瑪麗係要排期做系統修正檢查，不過因為
Nadja係28話出現係上流人的舞會內而令到露絲瑪麗的系統出現暴走的情況
，所以需要立即做系統修正了~XD 不過亦由呢話起「明日之Nadja」將會非
常之好睇！ 2006/6/20 我幾時都話香港的西北區係福地~XD因為我今日居然入了元朗兩次！不過我對於入兩次元朗沒有太
多不滿，反而係近來入得最開心的一日~XD
第一次入屯門
我今日第一次入屯門的原因，主要係想睇下屯門同元朗主要售賣動漫物
品的地方有無新貨到(雖然旺角係最齊，不過因為屯門元朗同旺角有
段距離，所以屯門元朗其實一直以來都是自成一角的，我有必
要為這區作定時更新)，另外就是去屯門巴士廠睇下有甚麼新巴
士裝配中，以及想尋找我想影的ES字頭車牌的Dragon。
去到屯門之後就立即行去巴士廠，不過可惜無新貨，只見三部Evrio
500裝配中，之後諗住去巴士廠入口，因為這裡通常有大量巴士停了出來
任影，不過當去到這條街的時候卻見到有大量的貨車在這裡，兜完整
個廠後我都唔見我想影的目標，所以就行返去輕鐵站乘輕鐵去屯門碼頭做
番第一目標先，不過太早到(時間約下午2時)，有目標鋪頭未開，
真可惜呢~
之後行埋附近果兩個商場之後我就乘輕鐵去屯門泳池，因為我望到巴士廠
內有一個特見同一部我想影，不過係我準備影時卻被除牌廢車
的巴士... 之後再去豐景園影奇景後就行去友愛乘車去市中心，之後再行埋
該區最大的商場後，就再去一次巴士廠希望有奇跡出現，但
可惜大多都係一般貨色...
之後就乘車去元朗，之後轉輕鐵去大棠路，再去一個有極多動漫物
品的商場行個圈，最後就是去一個比較難察覺的商場睇下果
三間有PS2 Game賣的鋪頭看看...
結果我就係呢三間鋪頭的其中一間尋到寶！
當我以快速過目的時候居然發現了「魔法先生ネギま！課外授業
乙女のドキドキ♥ビーチサイド」(請注意我係講緊正版)，當我睇
完個價錢後居然發現係$388，仲係全新，比旺角某鋪頭的
$588平了整整$200！因為價錢合心水，所以我就記下了這鋪頭有我
想買的Game，之後就乘輕鐵，西鐵，之後再轉巴士返屋企休息，原先其
實係無諗過係今日買的。
大家可能覺得奇怪係車費咁高的年代點解我可以左搭右搭呢？
原因就係我買了一張西鐵日票玩，一張$20，抵玩之餘我仲有賺呢！
(因為我來回南昌站至屯門間的票價已經遠遠超過$20，仲未計
乘輕鐵的車費)。
第二次入屯門
係我詢問過家人的意見之後我就決定再飛入元朗買，因為計埋車費，
隻Game只係用$388就買到(因為我再次由屋企出發，所以張車票變成
免費車票)，用了約一個鐘就去到日頭來過的鋪頭，之後很快
地買了返來，而今次買Game有點特別，因為我係第一次將隻Game
拿上手，由該間Game店一直拿住返屋企，中途無放過入袋或
離手(因為我驚整破隻Game)，最後成功運送。一個鐘之後就返到屋企
了，雖然今日行程非常順同好開心，不過代價係我隻腳勁痛...OTL
P.S.1 係買九鐵車票的時候我只是講了三個字：「唔該哂」，大家可以留意
到我無講要甚麼車票，不過我可以同你地講我的確係買了張日票，主要原
因係因為我未行到票務處，一拿張$20出來的時候在票務處的九鐵職員就開
始準備好日票給我，當我行到去的時候就已經可以立即拿到，所以話這些
才是「心的服務」，但隔住一塊玻璃的地鐵職員就唔可能比到同樣品質的
服務我，最激氣就係地鐵仲要係車站貼廣告，內容是「地鐵職員將乘客掛
在心」...=.="
P.S.2 雖然「魔法先生ネギま！課外授業 乙女のドキドキ♥ビーチサイド」
入手，但未來幾日我都唔會玩住，等過了星期三同三集捉馬騮入手先開始
玩，咁暑假就唔會悶~XD |
|
|
