| 高鐵 的个人资料網絡分享系統-網絡日記照片日志列表 |  工具  帮助 |
|
2007/5/18 原來屯門IVE的Notebook數量係多過摩利臣山IVE...我一入到屯門IVE個圖書館，已經發現有超過十部Notebook係度運作緊，但睇番摩利臣山IVE，由我入學至而家
，連埋我果部，都無五部Notebook...可能係學校的電腦本身夠強，唔洗帶自己部私人機返來用了。
(謎之聲：高鐵話學校的機無獨立Display，又成日比人霸住來玩，所以自己帶部機用安全D)
其實我今日入屯門的目的係為了視察下屯門IVE的環境，不過今日之行的結果係完全唔能夠讀取任何資料，
因為果度剛剛來一次大裝修，有好多地方都搬到亂哂龍，包括可以用來休息的圖書館...OTL
(謎之聲：所以，高鐵去的係臨時圖書館)
因為外邊太熱了，所以我留了係圖書館約2個鐘，搞埋我個3Ds MAX Project之後，我就搭車去屯門碼頭同安定
行街。就係另一個旺角行街果時，我聽到有人玩Age of Empires III的聲音，當初我以為係一個人玩啦，點知聽
到對面同隔離的鋪頭都出現同一聲音... 我大約都估到當時三間鋪的老闆究竟搞乜鬼...
原先都想去埋元朗的，不過就係去到兆康時，見到個天好似天黑咁黑(果時大約係下午5點，理論上應該仲有
太陽光)，再行多一陣，個天竟然落起暴雨！就係咁，我決定開Notebook繼續打文... 跟住實有人問落暴雨仲開
Notebook，唔驚佢會壞咩？ 我就係唔驚！因為我果時係搭緊滴水不漏的SP1900，我係車廂裡面一邊打文，一
邊欣賞外邊的暴雨~XD
不過抽車去到天水圍，我居然望唔到果堆高樓！只係見到灰黑色的天空... 明明朝早好好太陽，又好熱，但下
午就風雲變色，後來又知道元朗出現強風(於列車內感受唔到)，果場雨的確幾可怕的...
返到南昌站果時，我發現抽SP1900行得快過果堆雷雨雲，我立即把握呢個機會，衝番屋企，否則我部
Notebook就真係會壞！就係入到屋企之後一分鐘，係元朗果堆雷雨雲就係我屋企上空發揮作用...不過，都同
我無乜關係囉~XD
P.S.1 好彩我係搭緊車果時落暴雨，否則我係元朗果時佢先落暴雨的話，咁就大件事了，元朗果時風大雨大，
部Notebook實報廢都得...
P.S.2 赤松魔王終於都承認蔥頭會推出真人版，但我真係對佢不抱有過大的寄望... 2007/5/12 今日試玩WindowsVista今日，我借了網友部用Windows Vista的Notebook試玩，我發現裡面有好多野放的位置都唔同了，
一時間真係好難適應，例如好簡單咁搵部Notebook的系統資料，要左兜右兜先搵到，而且個Vista
食Ram又食得勁(部機得502MB的Ram)，又唔知點解乜野都要Loading，開個好簡單的程式，甚至係開個
「電腦」(我的電腦)都要搞好耐先開到...
不過，其實今日我係幫人Set無線Router，先可以任玩Windows Vista，都好的，因為平時有Vista的
地方都係賣電腦的地方，或者係M$搞的體驗活動先可以見到，如果係果時去試玩Vista，一來會比人
趕，二來又會比人吹，根本唔可能試得真。
雖然我暫時對Vista無乜好感，但兩年後我會考慮轉唔轉用Vista，因為到時XP好大機會無更新可以做。
而言，係幫人Set無線Router的時候，我都帶了我部Notebook出去，雖然部機無實際係Set無線Router果時
用過，但就係搭火車返去的時候，我就試下係搭車果時用，其本上係搭火車果時用Notebook做文書處理
都唔係乜野大問題，因為列車的震動情況比想像中細。
P.S. 但我點都要讚下自己，搭火車果時一上車就搵到個心水座位坐，真係難得~XD 2007/5/6 「ネギま！？どりーむたくてぃっく」終於都玩完歷時3日+1日(唔係講笑，1日要玩8個鐘先做到呢個時間)，成隻「ネギま！？どりーむたくてぃっく」
終於都玩完，而我亦都見到KONAMI社係有吸收到上次3時間目的教訓，今集做得幾有誠意~
講今集最深刻的地方呢，我就有兩個推介~
1)「西遊記」內飾演「蒔繪同學」的佐佐木蒔繪
呢個角色擺明就係亂來，心水唔清的人都知道「西遊記」根本就無個咁的角色存在，雖然個人上角色
好想跟原註，不過如果你唔選蒔繪做唐三藏，又唔想她做八戒時，蒔繪就會變成自創角色，不過係八
個故事，咁多個人物裡面，蒔繪可以話係演得最神似的果位，因為她根本就係演番自己，而且仲可以
係故事裡面惡搞~XD
2)同大Boss的對話
個大約有50幾歲的大Boss不單阻住蔥頭同蒔繪的婚禮，仲要大聲對住其他果七個由蔥頭自選的後選新娘
面前大叫「我要同蔥頭結婚」，「邊個人同他結婚我都要佢一世得唔到幸福」，我心諗你皮膚顏色又怪
，又係巨乳，如果要我娶你，咁不如一槍打死我啦！點知就係我咁講之時，美紗突然爆句「蔥頭唔鐘意
啊嬸！」，我承認呢句真係講得好，非常應景(同時我亦都從呢道得知KONAMI社有花心思設計對白)，不
過亦都係呢句，搞到蒔繪比呢位啊嬸捉了，最後係7個學生之中，我係損失了3個學生的情況下，成功解
決了果位啊嬸，救番蒔繪~XD
另外，故事內戰棋的易難度適中，最後一關的人荒壓力比較大，而且敵兵數量又幾多，幾耐玩~XD
不過呢隻Game都有美中不足的地方的~
1)背景圖係手畫
2)出戰前畫面比較難操作
3)Loading完Save之後自動繼續進行遊戲，有點不方便
4)首ED唱得比較差
就係玩完隻Game之後，我又發現了標題選單內多了一項叫「自由戰鬥」模式，基本上果個模式可以用來做
戰棋訓練同專拿各學生穿婚紗的圖。另外一定要提的係佐倉愛衣同高音今次都會出場，有聲有畫之餘仲同
其他3-A學生一樣有穿婚紗的圖睇，而且可以利用她們出戰(只限「自由戰鬥」模式)，她們的攻擊力又強
，真係好玩~XD
咁先至係KONAMI社遊戲應有的水準嘛~XD
不過後來睇完邪道攻略之後先發現，故事內的戰鬥係有好多隱藏圖，所以遲下真係要再花點時間去玩了。
P.S.1 依文妹妹終於都將我想講的問題帶入遊戲內，果條問題就係「仲記得『共步』事件嗎？」(暗指她知道
圖書館島太多危險圖書，而且太易給人帶出來)，帶過果兩本書回來的圖書館檢索部成員應該要好好檢討下了！
P.S.2 個Windows係執圖果時無端端操作異常，Boot機之後仲忘記了我的設定，後來發現原來係過熱引致，M$
野就係咁樣架啦... 2007/5/1 「ネギま！？どりーむたくてぃっく」試玩感其實，都唔係試玩，係真係開始玩啦~XD
一打開呢隻Game，首先望到的就係特典之一：茶茶丸的新版契約卡(謎之聲：點解蒔繪的契約卡全部都出係第
二度...OTL)，之後我先至開隻Game來玩~一入到隻Game的標題頁，首BGM同1，2時間目的BGM一樣咁震撼！不
過咁都唔代表甚麼，要試玩先知KONAMI社有無吸收到3時間目帶給它的教訓。
而入到遊戲裡面之後，如果唔理手畫背景圖的話，感覺上就好似玩緊2時間目的延續版！因為呢集承繼了好多
2時間目的優點，例如搖鏡，BGM播放位置及沒有無謂的Loading畫面等等，而且又新增了幾個字幕效果，所以
玩玩下好快就感覺番玩2時間目時的感覺~XD
最開心就係玩玩下先發現原來隻Game要完成所有小故事先可以爆機，而小故事有八個，每個小故事大約要用
1-2小時去玩，連埋玩文字冒險果時的時間，最少要用3日先玩完！因為上次都要玩3日先玩完的就係二時間目，KONAMI社已經有一年無同魔法先生系列出過長編故事啦，所以我先感到開心~(謎之聲：二時間目之後出的兩
集都係短編故事嘛，故事去得太快，又要玩好多次，好悶...)
而戰鬥方面，亦唔係過往的動作類遊戲，而變成了戰棋類遊戲，雖然我N先前都玩過戰棋類遊戲，不過都好多
年無玩過，所以當初玩得好有壓力，不過就係有壓力先好玩架嘛~XD 結果故事去了一半，幾次係運用策略下輕
易勝了，一次勝得好辛苦，一次因為走錯一步，主角比電腦幹掉而輸了...OTL
而我對於個故事，真係好想講一句「圖書館島真係太多危險圖書，係唔係時間整頓一下裡面的圖書呢」？
上次(2時間目)，又係由圖書館探險部的人帶來的一本魔法書「Co-walker and Coexistence」(與夥伴散步及共存)，
搞到蔥頭頭都痕埋，而家又係由圖書館探險部的人帶來的一本魔法師訓練書累事，仲搞到全班人失眠，係咪係
時間整頓一下裡面的圖書館島裡面的圖書，以及圖書館探險部呢？(書店，夕映夕映，春春姐姐同木乃香控唔好
打我啊！講事實乍！>_<")
暫時來講，隻Game內容豐富了之餘，玩法仲可以有一點改變，呢個先至係KONAMI社應有的水準嘛~XD
P.S. 當玩完成隻Game之後，我會繼續講下玩後感架啦~XD |
|
|
