| 高鐵 的个人资料網絡分享系統-網絡日記照片日志列表 |  工具  帮助 |
|
2006/4/25 開發大西北首先我要悼念於去年4月25日在JR西日本褔知山線上，因人為錯誤而發生
的出軌事故的107個死者(及207系N16編組)默哀。
入正題，今日因為有空，所以就特別去幾個月都無去過的屯門同
元朗玩，不過一出西鐵屯門站後等到的輕鐵就有點不正常啦，因為
右邊指揮燈一直亮著不滅(正常情況下要過波口就會閃，過完
就會關掉)，當我上車時司機已經把頭申出車外看過究竟，不過列
車經過了N個波口之後右邊指揮燈仍然亮著不滅，所以部車
去到屯門碼頭後就清客，之後回廠。不過此事並無影響我行程
，因為我一來要去屯門碼頭，二來部車係去屯門碼頭的
，仲好可以影到特見~XD
去完海○坊調查後就乘車去友愛影相，首先影了兩部九鐵巴士，之後想影
第一抽輕鐵的時候竟然被一部白色客貨車阻住，搞到我要等多八
分鐘先影到幅完美的相，原先仲想影下九鐵巴士同輕鐵鬥快架，但可
惜部巴士死都要跟住抽輕鐵行，影來都哂氣...
之後就係入元朗睇下果幾個例牌要去的商場，不過都無乜野好
睇，所以就去天水圍睇下有無鋪頭多了或少了，不過因為體
力的問題而行唔哂，但我發現重點商場裡面已經少了好多
有關動漫及電視遊戲的鋪頭，而其中一間更加開始兼售平價碟...
之後就搭車返南昌，再轉巴士返屋企，仲坐到上層右邊車頭位呢~XD
買了飯回家吃過後，我就帶埋西鐵的日票再出去影車，而今次的
目標係東涌線(謎之聲：咁同西鐵日票有乜關係？ 我：聽埋咪知囉)，
因為我收到極可靠的消息話東涌線的K-Train會作行駛測試，
所以就搭車去欣澳站等車，一落車就見到有三個鐵路迷(其中兩
個係我識的)，而他們有方法知道列車幾時到站，所以我就
跟住佢地等車了。
等了大約30分鐘後有抽東涌線列車接近，初時我以為是A-Train所
以無理會，不過到列車入站時我發現列車有點不妥，所以就
開相機，結果入站的是東涌線K-Train，我第一時間用影片
錄下停車音，不過錄開車音的時候我做了件好錯的事，而
我下次都唔會再做果件事！之後我們估計列車會走完全程，所
以就乘車去東涌再回頭，不過這時其中一個鐵路迷說「列車可能在
青衣側線調頭」，所以我們去到欣澳之後就坐下等車，而很
快就證實列車真是在青衣側線調頭試車，不出九龍，所以我們就
集中在二號月台錄呢抽東涌線K-Train的加減速音，而它的
VVVF音和觀塘線K-Train不一樣。
錄完後我發現因為限時就到，所以就乘車回程，不過因為時間不
足，所以我就係青衣出閘，飲完野後就再入閘乘車，去到南昌站之
後就再乘巴士回家，結果又是可以坐到上層右邊車頭位，
所以我就錄下部份的行車影片給自已回昧一番~XD 而張月
票基本上就係為了可乘搭免費巴士而帶的~XD 2006/4/22 全屋企第一隻PS2用AVG Game入手！但答案可能會令大家失望，因為我購入的不是
最近大熱的「Rozen Maiden duellwlzer」(TAITO社產品)，反而
在網上的拍賣中以2100日元購入一隻中古Game
(KONAMI社產品)。
其實令我咁買的主要有三個原因：
一
自睇完Rozen Maiden Traumend後就問網友借魔法老師的DVD及漫畫
來睇，結果我就愛上了麻帆良學園都市(同佢的學生)~XD 同時RM
的吸引力亦慢慢下降...(情形同Pitch一樣)
二
TAITO出的遊戲曾經有不良記錄，該記錄發生在該公司的經典
遊戲「電車GO」系列身上，當時「電車Go Pro 2」因為未做足QC
就公開發賣，結果被玩家發現遊戲內的錯誤多到難以按受，
令TAITO需要免費為買了舊版碟的人更換新版碟，亦間接令電車Go
人氣大下降，最終迫使公司為電車Go發行最後一集
「電車Go Final」，而今次事件我亦是受害者，所以之後我就對
TAITO出的東西持觀望態度。而KONAMI最出名的作品就
是「Metal Gear Solid」，此作品一直相安無事，而且非常好玩，
所以它給予我絕對的信心，所以對於同公司的產品亦有信心。
三
「Rozen Maiden duellwlzer」是一隻純AVG遊戲，只係睇字睇
畫，不過「魔法先生ネギま！ 1時間目 お子ちゃま先生は魔法使い！」
除了有應有的AVG元素之外，仲有動作同格鬥可以玩。
以上三點，加上「Rozen Maiden duellwlzer」是以天價出售的關係
，所以令我情願先買比較平同好玩的「魔法先生ネギま！ 1時間目 お
子ちゃま先生は魔法使い！」返屋企看門口先！
而Bid呢隻Game的時候好特別，因為當時另一件野競投失敗，所
以我就係 9 號上拍賣網滑浪，結果發現「魔法先生ネギま！ 1時間目
お子ちゃま先生は魔法使い！」(特典版)被人用1900日元競投
中，只餘下 5 個鐘就投完，結果我就用極快的速度拿齊
資料，係最後距離完結不夠 1 個鐘頭飛過去一間新找到的鋪
頭找人Bid野，順路試下佢幫我拿貨的速度快唔快，我就Set個
上限係4500日元，不過當我加入競投後，價位就一直保持係2100
日元這個位置，直至拍賣結束... 結果我成功投到佢，第
一樣試完，之後就係試佢的運送速度。
1 4 日後的今日，因為我乜野消息都收唔到的關係，所以我
又飛了去旺角追單，順路睇下1GB的SD卡的價錢，結果係追單的時候
發現隻Game原來已經運了過來，所以我就順路找數，我
原先是落了$300訂的，而且我覺得可能會仲貴點，所以早就
帶多個錢去拿Game，不過到找數的時候發現果個差額係開心價
來，竟然只係差$12！(成隻Game折合港幣$312)，我直情係
唔相信平到咁，所以叫老闆再計一次，結果發現條數無
錯，所以我比了$12之後就帶了隻game返來，不過係走的時候我都
有檢查過隻Game，結果發現隻Game好似新的一樣，我
有時真係唔明日本人點解可以玩少少就賣了隻Game...(有點甚至未
開封就當二手野賣)
之後我就帶住開心的心情反轉成個旺角搵平價SD卡，結果
我真係搵到！不過今日唔會買住，要買的話都係聽日
先啦，因為我累啦~XD
P.S.1 結果我發現間鋪係無打電話來通知我有得拿野，不過照運送時
間來睇都仲可以接受。價錢更加令我「不作他選」啦~XD
P.S.2 但隻Game最快要到後日先玩到，因為家裡三張Save Card都爆哂
，所以要係後日買新Save Card先可以繼續玩新Game囉...T^T
P.S.3 前兩日我以超快的速度搵到「Super Gals!」及「愛麗絲學園」的
OP同ED，而「Super Gals!」更加就連BGM及漫畫都係同一時間搵到
同Download到，至於「Super Gals!」及「愛麗絲學園」的OP同ED我已
經實裝了係我部MP3內，而兩套野的OP我都已經整了電話鈴聲，實裝
了係電話內~XD
P.S.4 太好啦！以後玩KONAMI的Game唔需要再做軍人敬禮，因為由
今日起已經有第二個選擇囉~XD" 2006/4/9 原來訪問外國人係非常困難當初我以為外國遊客幾好人的，如果有學生找他們談天他們一定會
答兩三句，但過了今日之後，我已經唔會再相信呢個傳說...
今日應組員的要求去了灣仔某間有名的西方快餐店開會看看可以怎麼
辨，而我就順便食埋早餐...其實都唔可以話順便的，因為後來個個都
有買~XD 食完之後就正式開會，初步發現問卷有很多的問題發生了，
不過都可以一一解決。而同一時間有一個外國人在這餐廳吃完早餐，所
以我同另一個同學立即上前問他，結果很成功地完成了一份問卷。
就係我地對前景充滿信心的時候，惡夢就來了...
我地先去灣仔碼頭找外國人做訪問，不過找到的人通常得兩種回應：
1)「No」
2)沒有回應我們就走了
我好清楚記得我地係有比正常的笑容來問他們，不過每次當我地講
「Excuse me」的時候佢地就走了去。之後我就建議唔好搵去碼頭
的人，因為佢地可能會趕船，所以就去了金紫荊廣場找，雖然果度
自由神很多，不過都找到一兩個正在休息的外國遊客，不過個答
案基本上同前者無分別...OTL
再返到鷹君中心後，我再建議中止今次的訪問，因為再找下去
答案只有一個，倒不如提早解散，之後找英文好的朋友
來訪問，或者會有進展。結果他們接受了我的方案，之後就解
散了。
而解散後我就去了影幾幅巴士相來做素材(仲有收藏~XD)，之後就搭車返
屋企睇人打機，之後再返日文，就係搭車的時候我撞見我的舊中
學同學(現IVE的隔離班同學及日文班同學)，坐下後我立即同佢講找外
國人訪問係好難，並且叫他要小心，他聽到我咁講亦覺得驚訝，因
為他過多一星期左右就要開始做問卷，所以我亦建議他找熟人做
好了。
落堂之後我決定用我向組員講過的方法，找英文好的朋友來做訪
問，結果就找兩位大學生同學來幫我做訪問，過程很順利呢~ 而係呢
段時間我亦找我的舊中學同學來做訪問，亦順利完成，所以我現
在已做起三份+錄了音，只要再做多兩份我的責任就完成一半，下半場
就要作埋報告書。
P.S.1 好開心呀！我終於都成功Bid到「魔法先生ネギま！1時間目 お子ちゃ
ま先生は魔法使い！」(中古品，不過是特待生版)，仲只係用了2100乍！
全靠我在拍賣時間完結前1.5小時(但其實唔夠1個鐘)就下注競投，結果個價
位升到2100時就無再動過，不知是我好運還是隻野有問題，不過隻野現
在未到，所以我不會下結論住。
P.S.2 另外今次亦是第一次找第二間店鋪幫我Bid野，我想用呢隻Game幫我
睇睇間野的送件及入手價係咪平過之前搵的果間。
P.S.3 其實我有同學係某間有名的西方快餐店打工，而今日開會的地點，剛
剛就係果間，所以我一入去就見到佢~XD 不過要佢幫我拾食完的野(不過我
食得好企理)，真係唔好意思...^^" |
|
|
