| 高鐵 的个人资料網絡分享系統-網絡日記照片日志列表 |  工具  帮助 |
|
2008/3/31 東京鬼隱之旅 後日談所謂的後日談，其實就是指我於行程三日內我覺得重要的，但需要詳細解釋的地方，
就在這個「後日談」內為大家一一解答的。
A)秋葉原的各類別店鋪是怎樣的？
秋葉原的店鋪絕大多數都是以整座樓宇為一個單位，以售賣二次元物的店鋪舉例，
通常一間店鋪有5層或8層，最頂層是搞Event用，一般時間不會開放。由地面數起每層主題
通常就是這樣的：
G/F：Figher / 新商品 / 扭蛋
1/F：電視遊戲
2/F：電腦遊戲 / 18禁遊戲
3/F：二手遊戲(不是每間都有售)
4/F：鐵路模型(不是每間都有售) ← 據日本定義，鐵路商品可算是二次元物哦。
5/F：動漫精品
6/F：動畫 / 漫畫 / 動畫CD
7/F：Cosplay服裝(不是每間都有售)
8/F：Event用空間
而售賣電器的店鋪都差不多，但我因為無需要買電器而深究過每層設計，不過略略看到它們是以
商品類別分類，例如數碼相機一層，LCD電視機一層，電腦一層等等。
另外想提一提各位的，就是要上去的話就要使用電樓梯，樓梯或升降機，但落的話就只可以使用
升降機或樓梯，要注意哦~
不過，秋葉原仍然有很多的店鋪是地鋪，集中在JR東日本秋葉原站電器街口，神田明神通以及中
央通內，不過商品種類當然少很多，但少得來又中正大家荷包的要害~XD 地鋪大多數都是售賣遊
戲或電器的，不過以售賣遊戲為例，因為就是單單售賣遊戲，所以新和舊遊戲(我指是推出超過10
年的遊戲)，你絕對可以在這裡找回來！另外我發現日本人認真念舊，連紅白機的二手盒帶都可以
賣到開地鋪！另外值得一提的是，我在這店鋪門口發現了一部新出，很細部的新型紅白機，只售
4000日元~XD
另外最後一提的是電子零件店鋪，它們全是開在JR東日本秋葉原站，總武線各停月台的下面，不過
同樣地，我無需要買電子零件的關係，我無入去看過啊~XD"
B)中野的二次元店鋪是怎樣的？
中野的情況和秋葉原剛剛相反，中野的二次元店全集中在「中野百老匯」商場內，全是商場店鋪。
而內裡大約可分為三類：
1)精品類(40多間)
2)動漫畫書籍及影片類(3間)
3)Cosplay服裝類(2間)
而呢個商場又有一個特別之處，就是你可以使用電樓梯或樓梯上去(因為只有四層高的關係)，但要留意
電樓梯只可到達2及4樓，如果要去1或3樓就需要行樓梯下去…
但各位其實係行呢個商場的時候不會不慣的，因為講真，設計和香港的信和中心，或元朗的合益商場的
店鋪設計差不多，只是人流較少(特別是四樓，很多沒有租出的鋪位)，通道很闊以及貨品價錢是日元的說，
亦基於這個原因，加上我又一次發現這裡所賣的東西，絕大多數香港都有得賣的關係，所以我快快看完後
就偷拍幾幅相之後走人了~XD" (日記編寫中…) 2008/3/21 東京鬼隱之旅 第三日因為昨晚(3月19日)睇魔法先生真人版之後，又繼續Upload相片，結果搞到半夜兩點先睡的關係，
所以今天(3月20日)去到早上8時才醒來，吃完早餐同用電腦上了一個鐘網之後，就Check Out了，
之後就去到酒店門口，同昨晚約好了的網友會合，再一起去池袋區的二次元店參觀選購了~XD
無錯，今日的節目就是和網友們一起參觀池袋區的二次元店~XD
首先，我地去到一間規模較大的二次元店鋪，該商店樓高8層，全部均是用來售賣二次元物品，
就在行到CD層時，我突然想起了我要買一隻魔法先生第二期的OST CD，因為那隻CD我使用了
所有方法都找不到的關係，所以一直對呢隻碟有怨念，現在機會就在眼前，我仲唔上？？
最後，就輕易買了一隻魔法先生第二期的OST CD(內含第二期超鈴音的Cosplay卡一張)
不過，我另外想搵的「PS2 寒蟬鳴泣之時 祭」卻找不到，之後網友帶我去多兩間二次元店後，
就建議我再去秋葉原搵下有無呢兩隻碟賣，但在此之前，我們一起去一間日式連鎖快餐店吃午
餐，其實在那些店鋪吃午飯的難度比起西式快餐店低好多，因為你只需要看圖購票(可用散銀)，
之後坐到桌前，就會有人收票同送食物給你，基本上可以做到零溝通，對不懂日語的人來講很
方便~XD
當食完飯後，那位網友再建議我去秋葉原搵，結果我聽那位網友講，搭地下鐵(有樂町線7000系 ->
東西線 東葉高速2000系-> 銀座線 01系VVVF車)去秋葉原，去到秋葉原後，我搵了幾間店鋪後，就
突然想起我未影清楚TokyoMetro 02系的關係，加上有時間行去御茶之水站的關係，所以我決定半
跑半行下去到御茶之水，之後對準丸之內線的路軌，一見到有TokyoMetro 02系行過就按下快門，
結果當然係了結心願了~ 因為丸之內線絕大部份路線都在地下，加上TokyoMetro內禁止攝影的關
係，我先被迫在這個位置影車… 不過當日全日都下雨，而且時間緊迫，所以我決定不再等，直接
行返去秋葉原，繼續搵Game，結果終於在近JR東日本秋葉原站電器街出口的一間多層二次元店找
到舊版和新版「祭」。
不過中間發生了兩段小插曲
第一段是，當我拿隻舊版去櫃位用流利的英文問"This is a new item?"，個售貨員竟然比我呢句連
幼稚園學生都聽得明的英文玩起，我果時真係唔知笑好定哭好，結果我用日文話「新の物ですか。」
(這是新品嗎？)他先明…XD"
不過笑完人之後又到我腦殘了，當店員發現原來舊版無貨後，就叫我買新版(新版增加了圭一的
聲音等等)，我竟然腦殘到睇唔到呢隻碟唔係Plug In，睇來我真係返工返到Short了… 仲走去問個
店員"Only this can play"…囧
之後另一個略懂英語的店員前來解釋一番，我又用簡單日文溝通一番後，終算無問題，順利買了
新版了，之後就是以最快方法，乘車返池袋取行李，再去成田機場~
結果我上了抽去成田機場的京成3600形(京成你唔好玩啦！又派3600形行空港特急…囧)後，我打
開部Notebook，用來過相及插耳筒聽歌(！？)，之後又很冷靜地拿出電子機票睇起飛時間…等等，
個時間有問題喎…唔係1830起飛咩！？。□。||||||
原來我記錯了起飛時間！如果我不趕快到機場，我就上唔到飛機，到時有排煩了！！
不過此時車掌說「本班列車到達空港第二大樓的時間是17：21」…這是日本鐵路的優點，到站時間
及其他可轉乘的列車到站時間可以很早就說給你聽，等你轉車有預算，但車掌都說了到站時間，我
都急唔來，所以只好聽歌及欣賞風景…
結果到了空港第二大樓站後，我立即飛奔到Check In大堂，再問職員我的航班在那裡，而職員發現
我的航班就起飛之時，就立即帶我去特別櫃台，幫我出登機證及把行李寄倉，可能她見我很緊張，
所以就說了句「もう大丈夫です、安心して出発しなさ。」(這樣無問題了，安心出發吧。)，我點
頭後就出發了…
但話時話，她應該見到我果本係中國護照，點解仲可以用流利日文同我溝通的…雖然我識聽…XD"
結果我差點遲到，但飛機卻更遲起飛，不過都結果我只係比原定時間遲了15分鐘返到香港，係機場
用了10多分鐘WiFi後，就乘尾二班的機場巴士出市區… 因為是機場巴士，座位可以調校斜度，所以
我就將座位推到最落，很爽，可以一邊睡一邊看夜景，正~XD
成個行程就係這樣完結了，遲下我會再講下我係日本生活時的情況的~ 2008/3/20 東京鬼隱之旅 第二日今日(3月19日)其實先係重點中的重點！因為約了人之餘，又要去長津田一次！一東一西
朝早7點半我就起身，之後去酒店餐廳吃了早餐後，我就去了池袋站，去睇下人地的文化是怎樣。
不過一出酒店門口，就發現趕返工的人由車站只向著一個方向行，果個單向式人流令我流下深刻的印象，
所以我立即就影了幅相，之後逆流而上(感覺好似DN ED2裡的夜神月咁~XD)，去到池袋車站，參觀完幾間
鐵路公司的閘口後，我就搭JR去涉谷(205-0系)，出閘後係涉谷的街道，東急舊5000系及八公犬像前影了幅相
後，就去了東急涉谷站轉乘田園都市線急行列車(東急8500系Chopper車)，先去二子玉川影車~XD
係二子玉川，係有機會影到東急新6000系及東武50050系等等的新車，所以我決定停留一會等車…
但可惜新6000系是停在二子新地，距離太遠影不到，而之後田園都市線來的車都係中古車，雖然都影了，
不過硬係覺得食之無味，結果我決定快點去長津田好點…結果上了一抽由TokyoMetro負責派車的急行
(TokyoMetro 8000系)，直去長津田(謎之聲：你唔係搭東急線咩，點解會變成搭TokyoMetro的車的？XD)。
大家問一個鐵路迷，去長津田做乜？其實我係去影果抽「運用脫離」的東急8000系8001F，不過就係搵車廠
的時候，我發現向錯方向行，我迷路了！不過我仲記得點行番去長津田站，所以立即跑回去，再由JR出口
，沿東急路軌行，結果終於搵到車廠位置，再搵到抽東急8000系！我感動了！抽車仲係放得咁開揚，我立即
去影夠佢，用最大的相片Size及品質影清楚它！
不過就係迷路的問題，令我由長津田出秋葉原同網友一起遊覽的計劃受阻，結果我要選搭最近的急行，由
東急的長津田站不落車下去到TokyoMetro的三越前站，大家又可能會問不落車，又點轉線？其實我咁搭車係有
名稱的，叫「直通運轉」(香港應好好學習，合併不是唯一出路)，即是你乘搭的列車會直接去到第二間鐵路
公司的路線繼續行駛，免除轉車及出入閘時間，這是日本鐵路的一大發明啊！XD 可惜的係我搭的列車是
東武50050系，列車所有權都不屬我乘搭的兩間公司所有…XD"
結果我用了40多分鐘就去到三越前，之後出閘，行了三分鐘後再入閘轉銀座線去未廣町(秋葉原)，結果果程
因為未過30分鐘轉車限時，所以無收錢，不過因為遲了45分鐘先到秋葉原，要約的人早已走了，我失約了…囧
結果我只好一個人行秋葉原，不過都叫搵到野睇，就是Figher，Cosplay衫及鐵道模型~XD
但是，一個Cosplay都不見~XD
之後，就乘車(209-0系→E231-500系→E231-3000系→E233-0)系去中野，另一個秋葉原~XD
果度好啊！同我地元朗情況差不多，一樣都係多鋪但少人行，結果我連之前JPTimeTV搵過的果幾間鋪都搵到，
仲睇過下貨品咁啦~XD
之後，我決定從JR月台乘TokyoMetro東西線(TokyoMetro新05系)，轉2次車(南北線 TokyoMetro 9000系，
丸之內線 02系Chopper車)去池袋，不過天公不做美，呢個時間居然下雨！！搞到我要留係酒店不出街…囧
不過回酒店上網後，被我失約的那位網友真好，他們願意上來拜會一下我，和約定明天一起睇二次元物~XD
到了深夜，我先行出街，睇下很靜的池袋是怎樣…不過人仍然很多，是車很少而已…果然是一個人口有
6000萬人的城市呢！
買了野飲之後，我回到酒店房沖涼，之後準備睇魔法先生黑歷史版24話… 不過同香港的網友「一同」睇完後，
我突然更討厭超鈴音…
明天有很多事要辦，要睡了~
※有關我直至目前為止所影過列車的相，各位可到NAS Server的Muitimedia Station觀看呢~ 2008/3/18 東京鬼隱之旅 第1日如果近呢兩日有開MSN的網友應該知道，我係MSN同大家講我今日起比羽入鬼隱了~XD
其實，今日係我出發去東京的大日子~XD 我相信實有人問，點解唔話旅行，會叫鬼隱？
其實最主要的原因是我唔係太鐘意香港的文化，而且我喜歡的野早就係上年12月已經消失了，
香港已經無乜野值得我留戀…
再加上東急於今年的年頭要將我的愛車之一，東急8000系運用脫離，我驚再唔快點到日本見它
最後一面的話，就要去伊豆同印尼先可以再見面…
就係呢兩個原因，令我決定改今次的名做「(於香港)鬼隱之旅」起程去日本搭火車，玩夠佢！XD
係香港的野我唔講咁多，就由去到日本的一刻講起，唔知點解，雖然我係自由行客，不過我覺得
反而無言語溝通的問題，因為關卡的人講的英文都好簡單(甚至係你英比文他們更好)，而我本身
又懂少少日文，入國根本不成問題。
但最大的問題反而就係出自購車票的一關！
我其實好早就知道Suica可以係售票機買到，但去到成田空港第二客運大樓站果堆JR售票機，先發
現係無得賣！！點算呢！？
之後，我用好流利(？)的英文問JR東日本的職員那裡可購得Suica，她教我要去有人櫃位購票…囧
最後，我用好流利(？)的英文+日文單字之下，成功購得一張普通版Suica(內有1500日元)，再增值之後
，我去搭京成電鐵！XD 或者有人問為何不買PASMO？我的答案係PASMO雖然平，但Suica可以係JR東
日本，JR東海，JR西日本，及東京的私鐵的大部份路線用到，加上使用後10年內有效，使用範圍比
PASMO大好多倍的關係，所以最終以方便再去日本時有得用為由買Suica。
由於在等候行李同購票用得太多時間，已經走了兩班特急，不過日本比香港好，佢地的開車時間表會
貼出來比乘客睇，等你知道列車幾時到，如事者我等了10多分鐘，見到一班Skyliner AE100形同隔離公
司的253系及E217系停站後，我搭的車終於都到…
「唔係掛京成！你搵抽咁的野招呼我！？」
原來我搭的果班特急，是用京成3600形行，仲係8連界磁車…囧
令我更無奈的係，今日行特急的列車，不是京成3000形就是京成3700形，其餘的京成3600形
(包括6連VVVF車)，全都停在宗吾參道車廠，我搭的果抽係今日派車的一千零一抽！囧 結果呢抽京成3600形
3678F就成為我自上年12月後，第一抽幫我開年的火車…
之後，我又唔知點解，好順利咁使用轉車閘(香港遲下無得玩，好好珍惜)，由京成電鐵轉車到JR東日本
的路線，再搭山手線E231-500系第28編組去池袋，不過搵酒店卻搵錯方向，浪費了唔少時間，但最終係
我對地圖敏感的情況下，我搵到間酒店，同Check In~XD
之後就是飲食問題。
其實飲的問題唔算煩，因為成街都係自動售賣機，你唔可能買唔到野飲的~XD 反而食的問題就大點，因為你
睇唔明佢有乜野食，又唔知收費，貿貿然入去食的話可能唔夠找數都似！XD" 因為這樣，我決定去便利店買
住壽司頂住先，反正於便利店都無需要點溝通(熟食除外)，之後又用自動售賣機買了兩支野飲，所以三餐又
不成問題了~XD
今日講住咁多先，聽日先係戲玉~XD |
|
|
