| 高鐵 的个人资料網絡分享系統-網絡日記照片日志列表 |  工具  帮助 |
|
2007/3/25 天文台開放日今日係天文台一年兩度的開放日，我係下午過去睇過。
由於天文台係尖沙咀，所以我決定搭火車到尖東，並諗住由天文臺道上去，但花了一段時間之後先發現入口
係彌敦道...囧rz
結果我又花了一段時間先去到彌敦道的入口...
不過入去的時候就幾順，都唔太需要停底，不過天氣預測設備的名牌就放得比較遠，睇得唔多清楚...
之後就參觀天文台部測量伽瑪射線(即輻射)的搖控車，不過部車只係走來走去，悶了點(謎之聲：咁就當然啦！
如果部車測到有野啊！你就大件事啦！)...
經過天文台的舊翼後，就去到其中一個參觀點-生態參觀，不過因為時間關係我無去到，所以就直接去到百周年
記念樓內的展覽廳繼續參觀，不過最裡面的展館唔知點解係專講核能...(謎之聲：天文台唔係負責氣象架咩？佢
想做埋核能？)
出番去大展館後，所介紹的野先叫番正常點，之後去到會議室，再參觀下點樣預測天氣同地震之後，就出番去
正門的花園了...
呢個時候，我見到天文台開放日最後一個景點，就係天文台長係度簽名...講真，我欣賞佢的鬥準時放工遊戲，
除此之外沒有其他了。
不過就係行行下的時候先發現，這竟然是一個單向式的開放日！因為條路根本就只係會引你出天文台，唔會有
路引番你返轉頭！！
雖然天文台裡面都有野可以玩，例如估輻射含量，打電話問天氣，測量地震，扮天氣報告主持等等，但有點重
要的地方卻沒有開放，例如預測中心(唔知係咪咁叫)，舊翼同埋存放古董天氣測量裝置的地下室等等，同都是
政府部門的渠務處污水處理廠開放日(有關日記內容請按此)相比，好明顯係失敗，另外單向式行走並無一個折
，佢更加係大大失敗！
不過天文台年年都係開果幾個地方，我諗拿完一次資料之後都唔需要去第二次了...
P.S. 有關相片遲點會上載到相薄內。 2007/3/7 我喜愛蒔繪的十個理由首先祝魔法先生內其中一個角色，出席編號16號，佐佐木蒔繪生日快上！
係上年差唔多的時間，我先開始睇蔥頭系列，而當初我看到蒔繪後我就立即迷上了她，不過果時仲未知點解...
不過就係最近，我終於都發現了原來我喜歡蒔繪的原因是同我喜歡女性動畫人物的性格取向有關！
就我喜歡的女性角色性格類型，大約可分為以下十點(我會用三套記憶最深的動畫內的人物做分別)：
1)她不愛打鬥。
出局人物：明日○，奈○，古○，裕○，依○，茶○，真○
2)她做事不拖泥帶水。
出局人物：書○，亞○，相○，星○
3)她不會過份文靜。
出局人物：大河○，Za○，初○
4)她不會將「拯救世界」掛在咀邊(即使是拯救一個虛構的世界)。
出局人物：鈴○，○西亞，○娜(我亦了解到點解睇了年幾，但無一個人物特別鐘意)
5)她不會搞GL。
出局人物：剎○
6)她思想要帶有一點H味。
出局人物：可○，諾○兒
7)她身材高度要合比例。
出局人物：○長，五○，風○，史○，○花
8)她是貧乳的！(絕對不可以無，但其實胸部大多少少都仲可以接受~XD)
出局人物：長○，千○，美○，櫻○，釘○，朝○，夏○，波○，可○
9)她不是「外冷內熱」型的人。
出局人物：○雨，○羅，愛○
10)她不要過份聰明(或扮聰明)。
出局人物：夕○，春○，聰○，音○
最後，就只餘下Doremi，桃子同蒔繪符合以上十點...
不過今日係蒔繪生日，咁自然Doremi同桃子都要出局啦~XD
所以我而家終於都明白到點解我對蒔繪的感覺唔同其他同學或者動漫角色~XD
將來找女朋友可能都會用呢套理論呢~XD
P.S. 打了格仔的人物名稱不等如我討厭她，只是對我她不太有感覺，敬請各位見諒...^^" |
|
|
