| 高鐵 的个人资料網絡分享系統-網絡日記照片日志列表 |  工具  帮助 |
|
2006/3/25 今日去了做工作人員至於果個節目就係「第一屆全港校際機械人挑戰賽之星空探索任務」，因為
我要賺果個好煩的KeySkills要求學生做的課外活動時數~
我係做招待員，返下午班的，不過返到去之後我做的第一件事
竟然係...食免費午餐...XD"，因為我返到去的時候剛剛撞正工作人員
食午餐的時候，佢地因而唔接受下午班報到，所以叫我「你食了午
餐先啦，放了係外面」，結果我拿了個茄汁豬排飯，一包陽○檸檬茶就開餐
了，同一時間又見到其他同學，所以就係食的時候有講有笑~食完之後
我地的啊Sir就搵我地，講解下一陣點樣應付參賽學校來報名，我報到後
發現距離兩點仲有很多時間，所以我就同其他同學繼續談天及
影相證明自已有係度出現，不過在檢查証件時竟發現有一間小學神奇
地出現，又有一間小學的証件數目不足，所以我地就在這時處理
好。準備就緒後我就請啊Sir叫所有小學出去招待處報到，報到期間我一
直都有幫手，之後叫人入演講室坐聽介紹。
過了半個鐘之後，要來的都來齊，未來的都唔洗理佢，所以
我就入去演講室聽埋一份~XD，抽完簽之後我都有幫手引導人
去比賽場地，亦有引導部份要等候的學校上「賽○會演唱室」坐，話
時話呢個演講室係全新的，係用1000萬豪裝的禮堂的一部份
，不過到了今日，第一排的坐位都未裝上去，要今日先裝完，另
外坐位亦非常硬，不過我仍想啊Sir預約一次係度上堂~XD 到落番地
下之後我就入了呢個時候無人的演講室用電腦上網，仲得到
准許呢~XD
不過用係我完電腦之時，招待員的工作都完成了，所以我就變了有職
位的「自由身」，除了可以幫其他人手之外仲可以周圍睇
人比賽，不過到了四點幾的時候我肚餓，所以就拿了個「干炒牛
河」同一包陽○檸檬茶食(謎之聲：點解M記無干炒牛河賣！)
，一路食野，一路睇人比賽原來係好正！XD
再同其他同學睇了大約一個鐘之後，所有的比賽都完成了，在啊Sir講
解比賽結果時，竟然有同學收到一張理應是學校工友先會拿到
的紙 - 要在禮堂後部放置 12 X 12張的考試用的，供後天部份課
程需要考試用的，呢張紙原來係啊Sir比我地的，我同其他同學
一起叫「唔係掛，點解要做埋呢D野」，不過係講呢句的同時我自已
亦開始幫手排...XD" 中途因為要拿同椅，所以就進入了兩間
最大的儲物室拿，由於有車仔幫手，所以經過一番努力之後
同椅都放完，而我見無野做的時候我就和同學一起走了~XD
至於果個用$1000萬豪裝的禮堂，其實我係兩日前先接觸到它，果
時我記得禮堂的燈全部關掉，並且一個人都無，不過在台上的銀
幕及兩邊的等鋰子電視卻播放電影！不知是否是控制室見到我地，所
以就停止播片，升起銀幕及開燈，之後我地就等啊Sir來繼續整埋機械人大
挑戰要整的野，不過係等的時候我就順路睇哂大半個禮堂，包括
後台的位置，我發現個後台又黑又好玩的呢，仲同幾個同學係
後台玩人~XD 之後啊Sir來到，我地就開始整野，整了大約個半鐘左右，
我就因為要回家吃飯而走了。整體來講，呢個禮堂應該係最正果個
，而第二正的應該就係SBI裡面果個禮堂了。
加埋今日去過 「賽○會演唱室」坐同入了儲物室拿野後，整個禮堂的
每一部份我都已經睇過~XD
P.S.1 而且係當值的時間我仲影了少少相，想睇的可以問我拿架~XD
P.S.2 係今日我總共食了兩個飯，飲了5包飲品呢~XD
P.S.3 2005年12月版的東涌線發車時間表我已經完全入手了，在短時間內搭
東涌線都可以計準時間上車~XD 2006/3/17 今日發生了件大鑊野今日上OOPA堂時因為發現負責借機的女同學未出現，所以我立即上課室
搵她，發現她原來有數不懂計，所以慢了離開，當搞了15分鐘之
後啊Sir容許她遲交，所以我地就一起出去，而同行的同學之中包
括一個經常失蹤的女同學。當去到四樓後，我地的課程主任發現
了該個女同學，所以就捉住佢，之後問她為何經常失蹤，亦都好
好彩我八掛走去聽，如果唔係我就會未能及時發現該個女同學
原來一直以為是同我們一組的。
當啊Sir要求我比答複她是否真是加入我果組時，我答不是，因
為有以下的原因：
1)我不是組長，無話事權
2)組長原先都唔多想佢加入
不過呢件事實在是來得不合時，因為我病了未完全好番，而我
果組的組長亦感冒無返，所以應變力非常差，一時間啊Sir迫
埋來的時候，我只好打電話比組長，說明當時的情況，結果她就將決
定權交給我，而我亦立即說需要三日時間討論(因為這件事在
星期五發生，而且不齊人，就算今晚有答案，明日及後日都是放假
，想通知啊Sir都唔得，另外仲有時間比對方冷靜)，而呢三日我們
真是會討論今次的事的。
不過果時個女同學知道我地原來一直都無將她加入我地果組時，
加上我的處理方法因不夠經驗而可能不夠好，所以她很氣憤
地走了，不過我記得係佢提出想加入的時候我已經通知了她
我地組夠人，唔會再加人，不知是否是太耐她記不起。
她走了之後我就同啊Sir解釋我們不想加她入我地組的原因，主要是因為她
很難找到，因為一星期四堂，將四日夾埋，她只是返了半日，
而且已經有好多堂都點唔到佢個名(連我地的課程主任親自
教的果堂都點唔到佢個名)，咁樣的出席率真係會令我地擔
心佢會唔會係我地要拍片的時候她失蹤，到時就真係會好麻煩。
啊Sir都明白我地的困難之處，所以就同意比三日時間我地
開會，而答案亦可以是否決她加入的。
不過好彩是在未開始拍片時就發現呢個問題，如果真係開始
後先發現，咁就大件事了！
P.S.1 今日食完飯之後去了打網球，不過因為有人要上網球堂的關係，所以
打了30分鐘之後我地就轉戰至乒乓台，不過我只係最後果三分鐘打了陣，
其餘時間去了用電腦~XD
P.S.2 因為我比課程主任捉住問問題45分鐘，加上要打電話報告比有關的人
聽，所以最後果堂OOPA都只係上了5分鐘，不過好彩我同啊Sir講時啊Sir都
明白我點解咁遲上堂...XD"
P.S.3 原來部DV機唔包DV帶的，所以都係要搵我地的課程主任拿帶，不過
因為他走了，所以都係搞了15分鐘先同借機的女同學走。另外部DV機原來
係用輕觸式瑩幕，從班主任口中得知佢售價是$15000，估唔到DV機已經咁
先進... 2006/3/12 今日參觀污水處理廠 + 新相機入手今日係昂船洲污水處理廠開放日的第二日，原先我想去搜集
關於污水處理廠運作的資料，所以想係0930出發的，不過最後卻睡到
1040先醒，所以就急急換衫，搭車去長沙環，再搭接駁巴士去呢個全東
南亞其中一個最先進的污水處理廠。
入場後，我就聽工作人員講，先去泵房參觀，去到泵房之後，就搭電
梯落去位於30米深的泵房底部，一落到去我就發現在我眼中的場景
在教育電視亦出現過的。巨型的水管，運作中的大馬
力水泵，高高的屋頂，果刻我真係感到又驚又開心~XD 聽完介紹
之後先知，原來我所在的位置是在污水的中間！因為牆壁的後面就
是剛剛由深層污水隧道中抽出來的未處理污水！
之後就上了去控制室參觀，而且仲睇了PowerPoint，了解控制室怎樣
運作及部份瑩幕上的指示是指甚麼，之後就行出去污水處理池繼續參觀
，而有樣特別的是運作中及完全抽光了污水的處理池我都可
以在參觀的通道上清楚看到(甚至你只要跨過鐵柵就可以跳入
污水中)，不知是否是渠務處特別安排還是該處真是暫時用不
上。
之後就行到另一個介紹點，該介紹點主要是給你看未處理的污水，
處理後的污水及污泥是甚麼樣的，而且因為用了容器裝住，所以
我亦可以拿來自已睇。(當然這些無用的東西我不會拿回家
了~XD)
之後就行到污泥處理設施，我見到有很多存儲缸，不過可惜因為今
日不是拿污泥去堆田區的日子，所以我無緣見到裝配的情況。之後我
就入去脫水室參觀，仲睇了脫水機的開機，處理同關機過程，仲
係室外睇到裝置的內籠呢~
睇完展覽版，寫了問卷及睇完昂船洲污水處理廠的興建及深
層污水隧道的興建，污水流入及抽出的過程後，我就去
了參觀通渠車等等的東西，還找了職員來詢問怎樣通渠，雖然他
們組織說話的能力較差，但仍然可以將重點話給我聽。所以我
知道這班人應該真是負責通渠的那班人。
參觀完污水處理廠後，我發現已經夠鐘上日文，所以就急急搭接駁
巴士，再轉地鐵返日文，不過接駁巴士這時卻等齊人先開，浪費
我不少時間，不過在巴士離開時又發現該廠有基本處理設備，
專處理由西九龍來的污水(即是我的家無緣使用深層污水隧道，
污水就去到昂船洲污水處理廠...XD")，返到去長沙灣地鐵站時發現已出
現長長的人龍等待去污水處理廠，好彩我去得早。就是因為這樣
令我足足遲了45分鐘先返到去，雖然係遲了，但好彩我決定上
堂，因為就是這個決定而令我可以以超低價購得我心儀的相機！
就係放學之後，我就去附近的電器鋪睇CASIO社出的Exilm Zoom Z120(720
萬CCD)，因為得呢部機符合我的要求，不過正常售價是$2200
左右，而琴日我又係某商場發現Exilm Zoom Z110(600萬CCD)的售價是
$1980，所以有少少想買Z110的，不過行到去一間最近不斷開分店的大型連鎖電器鋪時，竟發現它為Z120做特價，只需$1990
就可以買到了！所以我立即將Z110的記錄從腦內清除，之後就立即知
會媽咪我會買新相機，之後我再去其他鋪頭格價(包括同一間連鎖電
器鋪的分店)，確認無一間低過它後，我就立即去發現平價相機的
鋪頭，購買了我第二部數碼相機！
由於我想搜集的資料已經完成，加上心儀相機又可以用低市價
購得，所以今日真係又好玩又開心！
豆知識(香港的污水處理)
在1960年，維港起了很多基本污水處理廠，不過就是因為處理過程太「基
本」，所以令未經處理的污水直接排落維港，令海水變差，所以在1980年
代政府決定興建一個集中設施去處理污水，順便改建現有的污水處理廠。
昂船洲污水處理就是根據第一期海港淨化計劃的內容來興建的，是世上同
類型處理廠中佈局最密集及最先進的污水處理廠之一。這時一間一級處理
的污水廠(第三級為最高)，而處理後的污水會直接排出大海。至於要處理
的污水是由九龍及香港島各污水處理廠，經深層污水隧道(深150米，約50
層樓高)將污水輸送到這裡作處理的。(所以如果在參觀時要停止污水處理
廠的運作，這樣就會令半個香港出現即時性的排污問題~XD)
豆知識(我買相機的要求，可供你們買相機時作參考)
1)必須使用AA電以方便無電時容易在便利店購得電池，而使用AA電數目
越少越好。
2)像數要高(400萬或以上)。
3)可自行調教的功能要多
4)輕盈
5)開機速度要快(低於1.5秒)
6)要錄到無限秒有聲片(必須為*.avi)
就是因為多了第一項要求的關係，所以得Z120符合我所有要求。
P.S.1 其實我去污水處理廠之前都無寄望渠務處會開得多地方給我地睇，不
過去到後竟發現有部份設施可以給參觀的人觸及到(例如抽水馬達及區型水
管，控制櫃) ，甚至參觀者可以在部份運作中的設施上自由走動！所以我覺
得今次的開放日做得很好，抵讚！
P.S.2 污水處理廠內部的部份地方是有少許臭味，平時我一定忍唔到，不過
呢道係污水處理廠的話，有味都係正常的~XD，不過呢間污水處理廠亦有
缺點的，就是排污時令荃灣的海灘受污染，所以要進行第二期工程，搞番
好荃灣的水質。
P.S.3 新相機將於星期二啟用，舊相機於聽日用完後就會比哥哥用，所以唔
好向我部機打主意了~XD
P.S.4 關於昂船洲污水處理廠的相我會盡快公開，而這些同時應該是舊的相
機QV-R40最後一次為我服務的證明。 2006/3/9 今日是充滿傳奇的一日我今日做了一件非常之耐都無做過的事，就係在0750起身
(因為要趕在0830上的堂)，至於平時我是不會理時間的，通常睡醒都已經
是0830，之後才慢慢出門口乘車，返到去通堂遲30至45分鐘。
不過今日返到去都只是0840，原則上已經遲到，但啊Sir話0845先
至點名，所以我唔算遲到~XD (不過後來發現是收功課時才點名)
不過呢堂Java要同時間交兩份Lab，但我搞了成堂都只係做到
半份Lab，我真係感到無奈...
之後就和同學去買早餐吃，不過到我想買野食的時候有同學同我講想走
堂去食壽司，最後因為想用多點時間去和同學談談一些事，所以我
最後都走了堂(不過就算唔返都唔會有太大影響，因為果堂無野
派，教的野又可以係聽日的Lab問番)。
而果度的壽司有樣好，就係$44任食，不過我唔係大胃王，所
以食了9碟島已經唔想再食，只係飲茶同談談我想知的事。之後我就
先走，去北角找一條很出名的免費巴士線，不過我找的目的不
是為乘車，而是影車，因為經營呢條巴士線的巴士公司，就是曾經
盛極一時的前專利巴士公司「ChinaMotorBus」(中華汽車有
限公司，即中巴)。
現在車隊只餘下8部丹尼士飛鏢，1部購自城巴的富豪
B6及1部白水廂(此車不能載客)，而得9部車的原因是為了迎合法
例要求—上市巴士公司最少要有9部可供載客的巴士及最少經營一條巴
士線(因為中巴要靠自已的名字來搞地產)。不過我最想影的反而是
DL2(丹尼士禿鷹12米，配亞歷山大車身)，因為有車主最近將它修複
，好似新的一樣，仲拿過出街行呢！XD 不過CX6有怪聲，我
驚佢過多一年就要退役...
如事者我搞了2個幾鐘，影完之後我就返學校，再和同學談我想知的事，
之後就上最後一堂了，而呢堂出奇地很快就完成了啊Sir想我地做到的野
(雖然有部份都是引入外來技術，不過今次亦投入了好多自已
的技術去做，所以先好快咁完成)，而呢堂無Java咁惡搞。
唔好以為我已經講完，仲有下文！
放學後我和同學做完一些私事之後，我自已就乘船去紅磡抽獎，不過在船上竟然又撞到另一個同學，之後就有講有笑地去到黃埔花園玩抽獎，不過我用了$20，都係抽唔到...XD"，所以就走人，和另
一個道別後就搭東鐵回家。話時話好似已經用番ATO行車了...
去到街上時我突然很想買杯西瓜汁飲，不過反轉2/3個太子
區，居然一間有西瓜汁賣的鋪頭都搵唔到！真係激鬼死囉！
豆知識
ChinaMotorBus：全名為「中華汽車有限公司」，即中巴，公司在1933年取
得專利權，在香港島經歷巴士服務。不過因為在80年代期後服務質素下降，
所以在1998年9月1日被取消專利權(不過在1996年起中巴購買了很多新巴
士，規格甚至與當時九巴的新巴士看齊)，在1998年9月1日，中巴的車隊從
700多部急降至只有11部(8部丹尼士飛鏢，2部富豪奧林比安11米及1部白水
廂)，在數年前，中巴用兩部富豪奧林比安11米和城巴交換了一部富豪B6
(城巴車隊編號1355號)回來，此車成為中巴第一部，亦是最後一部低地台
巴士。
P.S.1 最近我好似對某樣野失去了興趣，不過這樣亦令我可以抽走所有資源
，集中係其他地方上~
P.S.2 有關中巴的相我已經放了係網絡分享系統內。 |
|
|
