| 高鐵 的个人资料網絡分享系統-網絡日記照片日志列表 |  工具  帮助 |
|
2006/12/31 上網設備突然時光倒流有關「網絡分享系統」運作的宣佈。
由2007年1月1日起，「小魔女風物誌館」將會停止營運，而「Pitch Web」將會轉手，交由其他人營運，
就是這個原因，兩個網頁均會退出「網絡分享系統」，敬請留意。
另外於同日起，各網友均可回應於「網絡分享系統」的網誌內容，但實際實施時間要視乎網絡穩定程度而定。
2年前的12月26日，南亞發生海嘯，雖然死了20幾萬人，但同我無乜關係。
2年後的12月26日，台灣南部發生大地震，我係屋企(香港)都感受到震動，當初以為只係台灣的問題，
唔關我事，點知...
係第二日發現我屋企的寬頻網絡竟然故障，到海外網站的速度變番做56k(甚至更低)...OTL
當初我以為係個網絡服務供應商的問題，但個答案好快就係電視新聞度搵到...(係電視搵到答案通常都無好野)
「由於海底光纜被台灣南部地震破壞，所以到台灣，韓國，日本及美國的網站速度會非常慢」
唔係掛！？點解條光纜會咁化學！？
到了後來又聽到一個具有震撼力的消息。
「接駁台灣的7條光纜，有6條被地震破壞，預計要下個月尾先可以修復」
就係因為呢個從來都未發生過的事件，所以直到下年，上日本同美國網站都要用56k的速度去連線了...OTL
不過係同一時間，發現接駁大陸，澳門網站的速度非常之正常，咁都好，因為我可以用BT，只要套片成功由
日本傳送到大陸的話，都唔會阻到我睇蔥頭的。
不過上唔到日本網站的日子真係好悶啊！！OTL
P.S. 蔥頭13話，首OP轉了，不過個旋律唔知點解咁似奈葉A's首OP，唔通係Kuso緊佢... 另外，我覺得蒔繪係新
一輯動畫版裡面好慘，成日比班長話佢「唔得」... 2006/12/16 終於見識到音樂館新作係點樣同一時間，我又再次玩Cosplay，今次係出魔法先生裡面的蔥頭(涅吉)~XD
(張相已經上載了係網絡分享系統的相薄內~)
但事前因為我要返學校做英文測驗，所以我就索性著住套Cosplay衫(蔥頭套藍色西裝)，費事去到
再換(當然係外面加件風褸了)，結果有幾個同學同一個網友因見到我的衣著而嚇親~XD
到達AGS會場後，因為我係Cosplayer，所以係登記後我就可以免費無限次進場，一入場我第一時
而我就試玩了中央線(新宿->四谷)同芝加哥交通局環狀線頭2個站，列車操作及速度計有少少分別。
最重要的係，我發現除了芝加哥交通局外，其餘兩條線都係求其影一抽車當車外View算，呢點係
Railfan唯一的美中不足了~
不過，我要玩呢隻Game，我就必須先投資$3120，之後再投資$468先玩得，點解？因為佢係PlayStation3
的遊戲來，我屋企無一部遊戲機對應到...OTL
之後同我一齊的網友就走了後，我就自己一個兜了個場幾個圈，結果搵到木乃香同我至愛的蒔繪，露易
絲，涼宮春日女皇Ban隊同閻魔愛。(有關圖片貼了係高鐵谷內)
只不過到了8點左右，我已經搵唔到想影的人，所以就決定離開了，不過返到屋企，壓力又回來了，因為
仲有好多好多功課趕住清...OTL
P.S.1 我硬係覺得今年AGS Cosplay登記入場的安排有點漏動...
P.S.2 我要多謝我個網友！佢同我Set個蔥頭真係Set得好好！ 2006/12/10 今日係香港大西北做了三件事今朝十點島，我就飛了入屯門，去搵遊樂場做我份影相功課。
雖然只係影相，卻要求用菲林機影來交，但因為我太早出發，菲林鋪未開，
結果我要去到屯門先買到一卷菲林，之後開始影...
如事者，我由屯門搵景，經天水圍搵到去元朗，結果只係搵到五個景...
唉！只好無奈去食飯啦~
食完飯之後，望望電話上的時鐘，「時間都差唔多了」。
之後就搭車去錦上路了，但果度咁荒蕪，去果度有乜野可以做？咪就係九鐵開廠囉！
當初我以為佢係租旅遊巴載我地入廠的，點知去到接駁巴士站，先發現載我地入廠的全部係九鐵Trident！
(雖然全部都係二手短Trident...)
雖然到最後我都係唔夠時間參觀所有設施，但我覺得今次九鐵開廠開得好有誠意，因為我唔係太覺得佢將
有關鐵路的事蓋到實一實(最重要係同參觀污水處理廠時一樣，好多野都可以用手觸摸)，而職員亦都願意去
解答一點比較專門的問題，亦都會比時間你諗問題問。
之後就搭接駁巴士離開車廠，返到屯門。(謎之聲：你做乜又返去屯門？)
我返去屯門的目的，就係為了尋找係屯門的第二個「旺角信和」。
果然，經過另一個好多理髮鋪的商場後，終於比我搵到呢個裡面超過15間模型、電子遊戲同漫畫鋪的商場！
沙漠中的綠洲呀！其實早前我都覺得屯門唔似咁少野行，因為屯門咁大，而且少年人口又多，無可能一間專
賣蛋同Game的商場都無，加上見到PS3代理店之中有一間代理店係呢間我未去過的商場裡面，所以我決定今
日去睇睇。
之後就係搭車再轉車到旺角拿野，一落巴士，去到女人街，就發現一班類似高中學生井井有條咁排隊入女人
街，但我發現佢地的髮型同校服唔似本地學生，所以就打探佢地睇睇係由邊度來的學生，結果我竟然聽出佢
地講的係日文...這是日本學校來香港做修學旅行，我係第一次見...
之後我再去拿野，但因為對方發生了點問題未拿得，所以我改去買「魔法先生ネギま！課外授業」的攻略，
之後再返去女人街睇睇係日本邊間高中來香港做修學旅行，結果我發現佢地集中係某一個區域(好似係等旅遊
巴)，所以我就去搵下佢地所搭的旅遊巴停係邊，再查查果間係乜野高中。
但又好似查唔到乜野...XD"
而且今日都行得好累了，係時間返屋企，結果今日就係咁樣完結了。 2006/12/8 從今日起屋企有無線網絡用囉計劃了大約3個月的無線網絡化計劃，今日終於都可以實行了~XD
從今日起，屋企裡面任何一個角落，例如係我張床，我媽張床，洗衣機頂或者廁所板上面，
我都可以用Notebook上網，而且連線速度仲好快呢~XD
不過個Router係二手的，所以暫時對應唔到其他頻率的無線網絡，如果我夠錢的話，我會
換一個可以對應全部的頻率的Router，之後啦喎~
任何一本Notebook，大腦，PSP，PS3，要係我間屋一齊上網已經唔係乜野問題了(謎之聲：你要做網吧？)~XD
仲可以將所有的寬頻線都棄掉(咁當然我會保留連接Router的寬頻線了)~XD
而講起PS3，我昨日終於都試玩了。
同PS2相比，個手掣輕了好多(因為無了震動功能)，不過個手掣好似無了PS2手掣有的壓力感應功能
(即係細力按同大力按的輸出係不同)，所以玩起Gran Turismo HD感覺上唔係太方便，個油門因為個
手掣而變了得一格力...
而畫面方面又的確細致了，而且部機輸出強了，無了塞下塞下的感覺，只不過我覺得PS2要做到果
種畫面就唔難的...睇下有無心去做架姐...
P.S.1 只係差兩日，我就買到一樣好想要的野！
P.S.2 「ネギま！？3時間目」正高速爆機中，但我發現隻Game起碼要玩31次先可以拿哂所有的圖...OTL 2006/12/4 我真係對「ネギま！？3時間目」有點失望其實係買的時候已經覺得隻Game係有少少問題，因為佢只係B級(12禁)，但魔法先生係一套後宮型作品，
應該係賣麻帆良學園的女學生至係(但咁樣最少都要18禁)，唔知係咪等級問題，搞到隻Game的內容怪怪地...
雖然今集的背景非常多，但可惜背景全部都係畫出來的(包括課室，本校地面的大堂，體育館前廣場，宿舍
內等等原先係用立體顯示的場景)，唔夠1時間目同2時間目的立體場景好睇。
而且我硬係覺得今集的BGM無前三集咁好聽，而音樂仲好似怪怪地咁...
而過場又係突然性的，完全唔將畫面黑掉之後先轉場。SavePoint又處理得唔好(有個SavePoint居然同上
個SavePoint隔了20秒就出現了，另一個就係於選擇進路後突然走入SavePoint)。
人物本身只有手，頭等部位先會變動，唔似得1時間目同2時間目，人物可以左右移動來代表某些動作。
最激氣就係經常出現的「Now Loading」畫面，但又唔見佢Load得耐，我都唔知佢想Loading乜野！
另外戰鬥果部份亦係！完全唔順手，有幾次差點打輸！而且敵人的強弱亦差得太過遠，係對付平常的
敵人時你有大把時間處理，但最後的雙頭西洋龍簡直係屈機！超難打，視點又Set得唔好！搞到我死
了一次，之後用了20幾分鐘先搞掂(仲唔係用魔法)，唔似得1時間目同2時間目咁，可以係10分鐘之內用
魔法好高速咁打勝敵人...
而故事內容，連接性比之前三集都要弱，有部份甚至唔應該好似佢咁接法...
不過！隻Game都唔可以話缺點多多，優點，都有少少的...
1)小太郎終於有聲出(CV：松本 さち)
2)因為改用畫畫方式去畫背景，所以背景多了好多，有新鮮感。
3)蔥頭係使用魔法時會將整段魔法咒語念出來(但永遠唔夠時間去念就被敵人攻擊)。
但總括而言，我同日本的玩家都有同一個感覺，就係覺得呢一集比之前三集都要差，KONAMI唔似係會
出呢類貨色的公司，品質唔可能會差成咁...
P.S. 我有信心聽日可以爆一次機，因為呢集太簡單，唔太需要分析都玩到...唉... 2006/12/3 今日去考日能試3級就係咁，昨晚特別早睡，就係為了今日可以準時起身去試場考試。
而我要去的果個試場係大圍的，係一間很新的中學(新到校舍係2005年先交吉)，而試場更有免費接駁巴士
載考生上去，唔駛行得咁辛苦...(謎之聲：你睇睇其他係香港舉行的公開試有無呢種優惠啦？)
廢話我唔多講啦，直接講講份卷。
份卷一打開，發現難度比起校內測驗同做練習時更低(又可能係錯覺)。而聽解的一部份，聲帶係慢到我係
第一次夠時間抄底對話同分析答案的...
不過離開會場果時又混亂了點~
因為好似有一大班人睇完演唱會後離開會場咁，成條路都係落山的人(點解唔出動接駁巴士呢？)，我同我
朋友都覺得場面好壯觀~XD
雖然結果係下年三月先知，但希望今日的日能試3級考試可以合格啦！
P.S.1 今日大廈電梯工程開標，標書同我的預想差得太遠。我當初諗住得幾間細公司用代理電梯入標，點知
細公司就吸引唔到，反而吸引到全球三大電梯生產商用正式名稱(不經代理)直接入標...@@"
P.S.2 係開標會場，我啊Sir又話要比Project我地做，但我地仲有大把野趕住做趕住交，今次慘了...OTL |
|
|
