| 高鐵 的个人资料網絡分享系統-網絡日記照片日志列表 |  工具  帮助 |
|
2005/12/28 亞洲遊戲展的裡消息我相信去過AGS的Cosplayer以及電腦製品參展商都會好不滿今次AGS的
安排，另外早前因為消息混亂，所以我到AGS舉辦當日都唔知
道Cosplayer是否可以免費入場，所以係第一日(12月24日)買飛入場，
之後就去到香港某大遊戲製作商的攤位度問下我上年讀
過的課程今年仲有無開，結果他答我因為唔夠人而無開
班... 我打開了話題後，我就問了一條對我有切身利益的問題 -
今年AGS搞成點。結果佢答我「非常混亂」。原因是今次AGS
的主辦機構將資源完全放在電腦展上，相反係重點的遊戲
展就「愛理不理」，以至遊戲展的一邊是最多人，管理亦是
最混亂的一邊，進場口亦是因為想看PS3的人太多而曾
經被改動過。而我聽完之後就問第二個問題 - 今年Cosplayer
有無得免費入場。結果他就說「今年差點搞唔成」！由
於主辦機構將資源完全放在電腦展上，所以根本無聯絡過由那個團
體去搞Cosplay，但為甚麼又可以玩呢？原因是因為在臨開
場前3日，終於有一個團體接手搞Cosplay，所以先有得玩。
而他亦補充說詳情最好問接待處。
而我之後就聽他講去了Cosplay登記處問問Cosplayer是否可以免費入場，結
果登記處的人話「係」。不過我因為果日無玩Cosplay，所以
未發現到更多根本上的問題。
12月25日因為過了去荃灣同重製封印之匙而無去AGS，不過都有上網
睇過新聞，發現AGS內人流分佈失衡，遊戲展的一邊非常
多人，但電腦展的一邊卻出現人流不足(謎之聲：緊係啦！裡面
同外面賣的野同價錢一模一樣，點解我仲要比多$25但無著數
呢)。12月26日我就再去一次AGS，今次我會玩Cosplay，所以就
找地方換衫，不過很奇怪，我完全搵唔到有更衣室，所
以就去了洗手間諗住換衫，不過個廁所唔知點解會塞了，
所以會展趕哂所有人出呢個洗手間來通渠，不過因為無更衣
室，上同下層的洗手間又封閉了，所以我最後要係...(この件に関す
るお問い合わせはご遠慮ください)(有關這件事的事情請勿詢問)，而我係
玩緊的時候就撞到一位記者，而他亦向我說其實今年AGS的場唔應
該係咁樣，因為原先預計係12月17日(星期六)開始裝修的，不
過因為同晚灣仔發生由南韓農民引起，自1967年以來最嚴
重的暴動，交通中斷，所以裝修取消了，去到12月19號先
開始裝修，結果因為得三日時間裝修，所以根本用唔足
個場(有行哂成個場的人就知道後台位置其實仲有好位)，變成你
地所見到的場了。雖然我同情班南韓農民，不過佢地搞
到我地玩得唔開心，而且仲引發暴動，所以我都要罵
架啦~
12月27日，我再去會展玩Cosplay，係洗手間換衫時，清潔洗手間的職員終
於都不滿很多人在此換衫而罵我地在此換衫會影響其他使用者(是
實上的確係)，令其他使用者去了無開放的樓層的洗手間，所以
上頭怪責下來，要求我地離開，不過很快就有Cosplayer善意反
擊，說因大會無提供更衣室，所以要在這裡換衫，不
過職員很快反駁說你地應該向大會查詢，而這位Cosplayer
亦很快回答是大會叫他們在這裡換衫，希望他不要
罵我地，結果這個職員真是無再出聲及阻止其他人在
此換衫。
可能係搞得太急，所以唔夠時間預約組件來安裝更衣
室了，不過今次對於AGS的主辦者來講係寶貴的一堂。因為咁混
亂的事都可以發生的時候，佢一定會吸收到教訓，最少會
展會嘈佢先。
雖然我講的全部都係事實來，不過我就唔要求你地真係要
信的。作為參觀者的我並不覺得有任何問題，不過作為
Cosplayer的我來講，AGS呢四日的安排係近年最失敗，只
怪因世貿會議種出來的果...=.=" 2005/12/27 亞洲遊戲展四日所發生的事2005年12月24日 星期六 心情：^_^ → .\ _ /.
果日我同三個網友(後來連我在再加到七個)約埋一齊去AGS打機，但
首先就係要帶其中一個網友去拿我幫他BID的野，因為在此之前一日我
幫人BID的兩件野都同時到步，所以我就決定係24號一齊拿。而
之前我地去了幾個月前去過，係灣仔的同一間專賣粥的連
鎖專門店食午餐，而最搞笑的就係，呢間分店又一次落錯單
，來多了一個糉同一碗粥，雖然職員發現造多了個糉而拿走了，
但由於多了的粥係無落單的關係，所以...XD
之後我就帶一個網友去拿他差點等不到的東西，而我亦拿了幫
人BID的東西，但埋單時發現同之前預計的有少少分別，
令到我財赤早了2日來...OTL。去到會場入口時才發現無錢，所以
我立即去銀行拿錢再入場。雖然我對於今次AGS奇望不大，所以入去其
實只是想找香港某大遊戲製作商的職員來談天，但行行下我
突然發現一個非常之驚人的Game可供試玩，果隻就係在未發
售時首次在海外公開的 - Mobile TS KTK！對於我呢個玩TS KTK時已
經可以購買到AE形的人來講，Mobile TS KTK的吸引力非常細，但
重點係製作呢隻Game的公司音樂館從來唔注重海外市場，今次竟
然全力支持今次係香港舉辦的AGS，還設有未於海外
公開的Mobile TS KTK供香港人試玩，令我地呢班係香港的TS迷很
感動！(後來仲知道音樂館社長都來了香港做宣傳！)
玩完Mobile TS KTK後，我就同班網友就行了一陣，中途見到由TY IVE所
設計的電腦遊戲及一個我果時好驚見到她的人，之後就離場
了。不過離場之後我都無做過乜野，只係填了抽獎卷同放了
係抽獎箱內。另外今日想出Cos亦因為打機打得好開心而
臨時決定唔出。
到了再見到果個人的時候，我回心一想覺得呢兩個月知道自已做
錯了好多野，而我其實都想搵機會道歉的，所以我就拉了其中
一位網友，問佢我道歉有無用，那個網友就說道歉係有用的，而
且他還說不應繼續令此事進入膠著狀態。所以我當時是決
定想同她道歉，不過我想等時機再成熟一些才這樣做。所以
我就跟了他們一起吃晚飯同行了去時代廣場，最後就係將我幾個月
前的承諾一次過兌現，一次過請了六個人食雪榚，
但由食飯時開始，我發現很像有些問題發生了...(この件に関
するお問い合わせはご遠慮ください)(有關這件事的事情請勿詢問)
P.S.1 由於今次音樂館是首次正式在海外的大型Game Show參展，所以我立即影
底了Mobile TS KTK的橫額，祝Mobile TS KTK首次可以在海外試玩~XD
P.S.2 另外仲見過亞洲首次公開的Play Station 3主機同玩過死魂曲2(東京遊戲展
版)，但前者段片我就無睇過了而後者只係跟佢個步驟玩，玩玩下就一關啦，
令我唔覺得死魂曲2同死魂曲1有甚麼分別。 2005年12月25日 星期日 心情：^_^
開心的原因不是因為去AGS打機，係因為同媽媽行街，我一口氣
買了4件新衫，一支金色模型油同兩個發泡膠球，仲
一齊食午餐呢~^^ 食完後我就立即去荃灣看那個玩具展同
香港漫畫歷史展，玩具的一方吸引力真是很細，而且因為
揚聲器太大聲，如果長時間留在這裡會傷耳，所以我就去搵果
個香港漫畫歷史展了，係搵的時候，我就找到一張巨形Pitch
漫畫海報，大約有2層樓高的，而海報上就指明了展覽地
點。不過去完果度之後，我就立即向在觀看展覽時所見到的網友
爆粗，主要原因係因為掛了Pitch海報卻見不到有Pitch漫
畫賣，是否有玩野之嫌呢？
之後就將成個荃灣最多野行的地方都一次過行哂，再帶其中
一個網友返地鐵站一齊搭車走。返到屋企後我就立即繼續重新
製作我支封印之匙，今次我選用了一種名叫PVC的膠管，而
PVC膠管即是膠水管，強度比電線管強好多，而且我貪佢有
凸了出來的位可以用，所以我就買了佢來改造，另外仲改用
金色貼紙做底色，這樣我的封印之匙就唔會好似10月1日
時這樣，一回到家就要報廢...XD"
2005年12月26日 星期一 心情：^_^ → ^_^ → ~_~
呢日我決定使用面對面方式同果個人道歉，因為我覺得我做
錯事就要勇於承認錯誤，而且咁樣做即使對方唔接受，
我都可以對自已說「我盡了力」，壓力細了，個心亦會好
過點。而今日我就會出人魚旋律PichiPichiPitch的劍士Hippo，不過在換
衫時，唯一可供換衫的洗手間居然塞了，廁所水不斷
排出，所以我地就被迫去找其他地方換衫，至於我就係一個
你地好難想像的地方換衫...XD"
換完後，我就同一班網友一起去登記，之後就拿埋支封印之匙
，帶埋其中一個網友去玩Mobile TS KTK。玩完後我就行番出場返
去大本營放低支封印之匙再入去，玩了一陣之後我又出番來，
但這時我見到她，所以我就想找機會向她道歉，結果我終於
找到機會，並直接對她說出我的真心道歉說話，但她
的反應無我想像中的大，而在場亦有兩個較為關鍵的網友都聽
到我對她道歉。今次我是認真道歉的，係道歉後我會繼續盡
力去改善自已，而且希望她及大家可以比多次機會同
時間我去改。
道歉完之後，我就再一次幫她們影相，其中一個原因係我答應
了其中一個網友幫她影相，結果一直影到晚上，連我
特登為提升攝影質素而買的腳架都出動埋，而呢個腳架亦
令因為在晚上會場較為黑暗時相片因手震而影唔到的機會大幅
減少，仲拍到無手震的短片呢~XD 之後我們又一起去吃
晚飯，不過吃完後，我在前日感覺到的問題又再出現...(この件に関
するお問い合わせはご遠慮ください)(有關這件事的事情請勿詢問)
P.S.而係今日我亦第一次被人請去同佢一起影相，這個人是女性Cosplay來的呢~XD
2005年12月27日 星期二 心情：^_^
今日我主要是Cos人魚旋律PichiPichiPitch的劍士Hippo，拿入場證來打
機，順路測試下在今日做了強固工程的封印之匙，因為琴日
的結果顯示支匙的強度非常不足。不過裡面實在太多人
，所以最終我都只係玩了Mobile TS KTK就算...OTL 不過因為行
了出會展影相，又要等人出去玩的關係，所以最終都係唔
夠時間打機，只不過測試結果顯示做了強固工程後的封印
之匙強度非常足夠，即使是粗放亦沒有問題，今日來總
算有點用啦~ 而今日有點不同，就是各自回家吃飯了，這
時我終於發現到之前兩日究竟發生了甚麼問題啦！(この件
に関するお問い合わせはご遠慮ください)(有關這件事的事情請勿詢問)
P.S.1 換換下衫比負責清潔洗手間的人罵我地阻住個洗手間，但好快就被第二
個Cosplayer反擊，說大會無提供更衣室，只是叫他們去洗手間換。明日會詳細
介紹為何其他Cosplayer會這樣說。
P.S.2 遊戲展後我基本上已經決定買一隻PS2 Game，而呢隻Game將會是一隻我
未玩過的Game來的。
而2005年12月28日(明日)是專用來休息同打埋下半節的日記，因為我真係好累...OTL 2005/12/23 關於以後由我所影的相的使用權限新的使用權限已經制定好，並根據相片性質分開了做幾個不同的權限。
1)「風景相」相薄內的相
各位可自由使用，如果想要原圖的話歡迎問我拿。
2)「鐵路相」相薄的相
除教學用途外，嚴禁將「鐵路相」相薄內的任何一張相轉載到各網頁，新聞組，
討論區或任何可將相片公開給人看的地方內，唯需要轉載的話可以預先通知我。
(不偷相是鐵路迷應有的基本常識)
3)特別相薄內的相(不包括Cosplay相)
在某些日子，我會因為參加某些活動而影了某些平時無機會影到的相(例如在
2005年11月26日的立法會開放日所影的相)，這些相嚴禁轉載到各網頁，新聞組，
討論區或任何可將相片公開給人看的地方內。
4.1)Cosplay相-如相片是影你的話(不適用於不是正在玩Cosplay的人)
被攝影者可以自由將這幅相用在任何地方而無需知會我，但如果你在公開相片
時會註明攝影者的名稱的話，請你務必寫上我的名稱，如果相片被打亂而分不
清相片是否是我影的話，亦請你找我幫你檢查那些相是我影的。至於公開時不
會註明攝影者名稱的話，則可以無需寫上我的名稱。
4.2)Cosplay相-如相片是影團體的話
請你聯絡同你一起影相的人，詢問他 / 她是否可以將相片公開，之後才好公開，
否則我不會為因為無問過人而公開相片後所添上的麻煩而負上任何責任(但不
代表不能公開相片)。另外亦請依照第4.1項所定明的規則去公開相片。
4.3)Cosplay相-如相片沒有影到你的話
請你切勿在任何一個網頁，新聞組，討論區或任何可將相片公開給人看的地方
內公開圖片，否則我會追究責任及我不會負上因公開這張相而出現的問題的任
何責任。
4.4)Cosplay相-其他
請你向我查詢要怎樣做。
5)其他相片(包括影人相)
請你向我查詢要怎樣做。
至於在「權限」制定前(即2005年12月23日前)已經給了人去用的任何相，則會
依照第1項所定明的規則去公開相片，我不會再追究責任。
另外對於早前有網友因為我沒有制定使用權限而引起使用權限誤會，我在此
向她再一次致歉，如有機會的話我會多點溝通，避免再發生誤會。
如有查詢，歡迎使用MSN(如適用)或E-Mail找我。我的E-Mail是hkhr@hotmail.com
祝大家有一個快樂的聖誕節！^^ 2005/12/14 韓國農民果然係勁琴日班農民推一推警察，就令到我地今日唔洗返學。今日班農民
搶了警察的防暴盾(後來已經還番比警察)，就令我地今個星期都唔
需要係灣仔出現！果然係勁！XD，呢次應該係自SARS之後需在一般時間停課
停得最耐的記錄，但同SARS果時創的記錄仲差好遠...(SARS時共放了
22日假)。
因為班農民送了日假比我，而且我個假髮已經係琴日運到，所以我就
係用呢段時間去拿。之後就行去買蚊油，去到一間家私用品連鎖店，我
唔見有(以前支蚊油係果度買)，之後就去到一間以藍色做背景色的
連鎖超市買，雖然搵到個盒，但職員話無貨，最終買唔到，無得賣
就唔好放個盒出來嘛，排到我先知無得賣... 之後再去第二間
同一集團經營的連鎖超市買，呢道仲精彩，直情係無得賣！，之
後就去了一間以紅色做背景色的連鎖超市搵搵，結果同之前一
樣... 最後，我係第三間以藍色做背景色的連鎖超市搵到我想要的蚊油，
原先我想買兩盒，但全店都只係得一盒(四間超市都有特點，就是其
他牌子蚊油滯銷)，所以我就買了果盒返屋企用，因為屋企好多
蚊...OTL 但我唔明點解我想買果隻蚊油的缺貨率會咁高囉... 至於果個假髮
呢，我到執筆之前都未試~XD 應該會係打完呢篇日記之後去試下的。
睇完「萬花筒之星」後我就同媽再出街睇少少野(但結果果樣野唔合媽心
水)，之後去了食飯，唔小心入了一間都好貴下的茶餐廳，雖然一個好
普通的飯都好貴下，但佢送埋甜品同服務態度都幾好，所
以比錢都比得條氣順啦，好過灣仔某間餐廳...
係行返屋企的時候，我接到網友電話，話學校會因為班南韓農
民而放多幾日假，我當初都唔多信，但五分鐘後就收到學校的
SMS短訊，真係唔洗返囉...LOL，但我驚停成四日會唔會有問
題，因為我好驚佢地會趕住教書，要補好多堂，仲有我果兩隻借出
作教學用途的PS2 Game...
就係咁樣，雖然我好想返學，但聽日同後日我又要搵其他節目做啦...LOL
P.S. 今日，TS KTK終於都爆機，已經購得隱藏車AE形了，但我而家先發現我真係
唔識去點樣駕駛呢抽車，因為抽車的加速設計好怪，說明書又無講點操作...OTL 2005/12/12 訂的野果然唔同係街度買的野~XD因為上星期五果堂CGD部PS2比同學霸住來玩高達，搞到我同我同學帶了
來的Game都無辦法介紹比啊Sir聽，所以今日我地就要早點返學校開番
果幾隻Game來介紹比佢聽了。搵到啊Sir之後我地就一齊去到503室
，因為所有的設備都係哂呢間房裡面。
雖然我地唔係件件野都要玩齊，但係呢間房工作的職員都將所有的野拿
哂出來「哂馬」... 亦都係因為咁樣我地就清楚哂學校買了幾多樣
野了，詳 情如下：
1)三部70000代PS2
2)三個70000代PS2直立腳座(未開)
3)一個PS2手掣
4)三隻Game(鐵拳5，GT4中文版+所謂的攻略及一隻需要使用身體動作來玩的
遊戲，內含PS2用鏡頭一個)
5)兩個LXgitech社出的PS2用軚盤。
6)兩張Save Card(未開)
全部都係有SXXY及LXgitech Logo的大紙皮箱載住，訂番來的野果然係
唔同的~
之後我地就玩了1隻RPG Game，1隻動作Game同玩了場
GT4，係第一個圈我落後於對手，但第二個圈我搵番比賽的節
奏，反敗為勝~XD 不過啊Sir話隻隻Game(包括學校買的果3
隻Game)都覺得悶，唔知係咪佢同我地因為有代溝，所以唔係太了
解我地點解咁鐘意打機呢？
不過咁，玩完仲要作文架~不過只係用中文就果隻Game寫幾行
交比佢來係星期四果堂CGD做介紹用姐，不過要由我地來打~XD" (謎之
聲：點解高鐵你地做的野咁似應該係下年先要做的野的？)
P.S.1 之後又發現了一堆消費低而送上食物速度又快的茶餐廳群，呢堆茶餐廳群係
駱克道市政大廈裡面，由於係市政大廈裡面，所以環境亦唔好得去邊。而係呢道
我竟然見到一個好熟的網友，而我的同學之前亦提及過我可能識Join的呢班人裡
面的其中一人。
P.S.2 今日起灣仔區會變得好危險，仲有機會暴動呢~ 而今朝起灣仔站已經駐了重
兵來防止有人搞事，但我希望呢批人最終用唔上啦... 2005/12/8 今日首次用投映機玩PS2今日上CGD堂果時，啊Sir就想用設置於演講室內的兩部投映機來開PS2，不
過最初駁完部機之後，只係有聲但無畫，而且搞了好耐都只係得聲
音，所以啊Sir就叫了技術組的人過來幫手搞，而啊Sir就係呢個時間點名(事實
上由開學到而家都無係呢堂點過名，可能係怕好似上星期咁無
人上堂啦)。
搞了大約半個鐘之後終於都整好，影像線就要借DVD機的線來用，聲音
線就要用插頭，配線搞到好亂... 之後啊Sir就開隻「鐵拳5」出來玩，不
過連埋我在內都無人想玩，所以啊Sir就示範比我地睇，不過我地見啊
Sir可以打到咁順，仲要勝了幾局的時候，我地都大拍手掌~XD 之
後就係A班同B班對戰，不過因為B班無人玩過鐵拳，所以輸得好慘...XD" 之後
就係A班同A班對戰，不過呢道無野值得講。而啊Sir帶呢隻Game來講的目的，都係
為了話比你聽GameMaker都可以做到同一樣野。=.="
雖然同學好想帶一些好玩的Game過來玩，不過可惜大多數都係翻版，所以
都係無謂帶啦... 而我亦決定應啊Sir要求帶MGS 2同BIOHAZARD OUTBREAK
呢兩隻非常出名的動作Game過去比佢地睇下...
P.S. 原來天后站附近的商場都有野係合我行架喎，仲估唔到數量係超過5間囉~XD 2005/12/5 Rozen Maiden漫畫入手今日係測Java的日子，我無溫過書，所以B Part基本上係完全唔識
答的... 不過我將我做過的題目都講哂比之後要測的朋友聽，反正份卷
都一樣的，希望咁做幫到佢地...
之後就係行了去跑馬地，不知不覺間就行到去跑馬地(上)巴士總站同跑
馬地駕駛考試場，之後就同網友食飯，食完飯後就去188睇漫畫，結果我係
一間曾經搵過有無RM漫畫賣的地方，一次過買了頭3集RM漫畫(總共
$87)，但我果日搵過明明係無架喎...
之後就係上Science，不過呢堂的題外話非常多，由星體結構講到去普
選大遊行的人數統計方法等等，而最觸目的事，就係世貿
部長級會議時我地的上學安排係點，結果我地知道校方仍然係度
睇情況而決定加唔加多一兩日假期比我地避難，至於星期二的
避難日，所有分校的老師都會去開會，所以果日所有的IVE應該都
唔會開門架啦...XD" 而且我地的啊Sir都願意調堂來避開會議，而我地亦
可以按自身安全狀況而決定返唔返。 2005/12/2 今日真係可以係課室玩PS2今朝早，我為了盡快儲到足夠的分數，係TS KTK裡面購得AE形，所以我
就主打短路線同停站少的路線來賺分，不經不覺間我已經儲到100000分
了，而且有車要檢查的關係，所以我就去了管理的部份，睇下果抽車要幾
多分去整，而我無意中亦發現了AE形已經靜悄悄地出現了，不過因為我未夠
分買，所以都係用了少少分來檢車就算，而且我已經想好一套計劃去
點樣係短時間之內賺多100000分。
食完飯之後，我就帶了「Train Simulator京成˙都營淺草˙京急線」同「A列車で
行こう 2001」返學校做教材。不過係果堂之前先要上WAG堂，但今日係
專用來做Flash Project，而我只係負責寫資料，所以今堂除了將檔案抄比同
組的同學之外，根本無野好做...XD" 而到了CGD堂，就係我打機的時候
啦！而係上堂的時候，啊Sir就去Book部PS2過來比我地打機，講真，除
了中四的聖誕聯歡我見到有人玩PS2之外，我未試過係學校裡面見
到PS2，甚至可以玩...XD 由於之前知道的人太少，所以好多人見到
有PS2玩都感到驚奇，而我亦順利成章，做第一個係堂上玩自
已的Game的人，而第一隻Game就係「Train Simulator京城，都營淺
草，京急線」！不過就係我想玩的時候，剛剛就輪到我果組做報告，所
以我就要留守原地，幫手回答問題，但這時班同學已經開了我隻TS
KTK，仲用都營5300形玩了幾個站...=.=" 而我答完問題之後，就正式開始係
CGD堂玩TS KTK了，首先就係用京急新1000形由京急浦田去都營泉岳寺，賺了
2000幾分同Save低了(謎之聲：你竟拿上堂時間來做私人野！？)
，之後再駕駛了京成3400形同3600形。基本上因為無人帶了Game來，所
以部機可以由我霸住來玩！XD
就在我駕駛京成3600形時，全班都已經做完報告，所以啊Sir就來到我呢道，
叫我介紹下隻Game，不過佢覺得好悶。雖然咁都無計架啦，但作為
教材唔應該用悶或者唔悶作為考慮因素囉，如果要講呢隻Game的
話，一樣可以講好多做呢類Game需要注意的地方(但有部份唔係今年
要學的野來，所以我都係唔諗住講)。而我最終無開到「A列車で行こう
2001」來玩，更加因為玩夠而收了機來休息番下，這時有同學在討論
今年最難學的科目，結果全部人都選擇了Java係最難的科目；
而選擇了Java係最難的科目的人的原因亦只有一個，就係因為啊Sir係當我
地係識的咁教，實質上，全班都唔識，而身為我地課程主任
的CGD堂啊Sir，係意識到問題的嚴重性後，亦話會搵教Java的啊Sir洽談
下，仲話叫班長收集意見，之後交比佢，等佢開中期會議時可以反映
下。就算今年我不能受惠，我都希望下年班同學可以受惠。另外咁做亦
可能幫到我地係交功課果時唔洗做得咁高難度。
P.S.1 係堂上所用的PS2係70000代來，所以我估學校所買4部PS2都是70000代來，但
同學對70000代PS2劣評如潮，主要係因為有同學試過部機因為太容易過熱而燒了。
P.S.2 另外用來玩PS2的電視機亦好舊，似係15-20年前的款式，而且揚聲器有怪聲
出現，所以我好驚部電視會出事。
P.S.3 而我今日亦賣了個PS2 HDD Network Adapter，賺了$180，預計好快會入銀行。 2005/12/1 好彩有上最後一堂為慶祝網絡分享系統啟用一個月，所以我連續寫了30日的日
記來祝網絡分享系統運作順順利利。而今日起我就唔會日日都寫
日記架啦~XD
琴日我講過，因為香港高鐵的Object出了問題，所以我要拿上堂的時
間來改Object，而首選堂就係Science後的VAD堂，因為果堂除了可以
用電腦之外，仲因為我之前已經完成了整包裝盒的兩個工序之中最
麻煩的一個，所以今堂只係用來上顏色，而顏色其實係好容易就整到出
來。而因為快速完成的關係，所以我就有時間改Object，結果我就好
快咁改了HR200系，HR300系，HR300R系及隧道內Object的光度。
而食飯果時，一如以往，係搵唔到位食飯的，而我亦都聽了某網友的
話，試下比多點時間去等，不過過了半個鐘頭都係無位，所以我就決
定去果間有宗教色彩的餐廳食飯，不過就發生了不愉快事件，真係對
唔住...(この件に関するお問い合わせはご遠慮ください)(有關這件事的事情請勿
詢問)
而WAG堂只係好平常咁做Lab，之後同同學談天，並無特別。而最後的CGD
堂，除了A班之外，B班(我果班)的人唔見了一大半，而C班(41983升上來)
亦只係餘下兩人，可想而知呢科係幾咁唔受歡迎。不過我因為見到
佢開了隻For 3至6歲小朋友玩的迪○尼電腦遊戲，所以我就
有興趣坐足全堂聽下啊Sir點樣去介紹呢隻遊戲。不過就係因為咁樣，
我收到個極可靠的消息，就係下星期四的同一堂，啊Sir會盡量係演講室
整部PS2出來比我地睇下做一隻Game要注意乜(仲可以打機呢！)，
但我早前講過學校只係買了一隻賽車同一隻格鬥Game，所以基本上係唔足
夠去做介紹的，而啊Sir亦因為聽到同學講佢地願意帶Game來玩，
比佢試的關係，所以就叫今日有聽書的人聽日帶隻Game(當
然無PS2或者無Game的人可以唔帶了)來比佢係堂上介紹下，而我因為手頭
上有好多模擬同經營Game，而我亦唔見啊Sir為模擬同經營Game作詳細介
紹(他可能唔知香港有模擬Game賣，而坊間題材又不多)，所以我自薦我
會帶模擬Game去比佢睇，啊Sir知道我有模擬Game之後亦叫我聽日上堂時帶去
比佢播介紹。我一定會不負所望的。 (謎之聲：高鐵你想打機就
打機啦！) |
|
|
