| 高鐵 的个人资料網絡分享系統-網絡日記照片日志列表 |  工具  帮助 |
|
2007/11/15 半個月來大約做過的事今日是「網絡分享系統」開業2周年記念日~XD
為了呢日，我買了一份禮物送給呢個網誌，就係於月初買了隻A Train 4 Evolution(即PS版A4)~XD
因為對於呢版A Train，我最有怨念，因為早在小學三年級的時候已經有玩，只可惜因為當年電腦
改用M$ Windows 95的關係，無辦法玩番果隻Game，我先被迫放棄…
不過係上月尾發現，呢隻A4用的地圖同車輛都係同果時的一樣，加上發現香港有現貨的關係，所以
就立即買了返來玩，結果只是花了我兩日時間，就做番以前的規模…唔係！係比以前更大！
而呢隻A4亦都係最奇怪，只靠鐵路賺錢真係要食麵包皮渡日…XD"
所以我開始興建靡天大樓賺錢，又真係賺到喎！XD
不過好景不常，我個城市開始了成三年(仲唔知幾時完…囧)的經濟不景時間，收入無了2/3…囧
而家我要減班賣車賣樓先圍得住，做鐵路真係唔易，但我唔會因為咁而忘記鐵道才是我的本業！！
以上就係月頭幾日所做的事。
係近月中的時間，我去了見工，不過過程就唔好提了，連續犯上三個嚴重技術錯誤，呢份工已經無希望…XD"
而係今日，因為要辦點事，所以去了火炭，就係搭東鐵的時候，發現早已經換了的路線圖又變番九鐵用開
的路線圖，可能同隔離公司做的新路線圖做得太馬虎，出現了嚴重的地理錯誤有關…
老實講，我覺得九鐵果張路線圖大張，清楚同簡潔好多，新果張文字太細，字體又多角位，根本
睇唔清楚同唔靚，但隔離公司認為呢個「新」規格靚，迫人換都無計…
……
唔開心的野就唔好提了，希望今後的時間我可以寫到一點開心的網誌內容出來啦~XD 2007/11/6 臨時決定去的活動代價是很大呢個是電視台活動來，個活動於11月4日搞的，其實我原先諗住只係去呢個活動做兩件事，
之後再入屯門~
1)找一個網友，並詳細解釋上次幫不到這位網友做攝記的原因 (如找不到會直接做第二件事)。
2)在Cosplay比賽進行時影數幅相，之後行一次荃灣。 3)為熟人影相 4)又為熟人影相 5)再一次為熟人影相 6)將放在我家很久的鞋還給人 ※淺灰色字為在無預計下而突然增加了的事件。
因為本身不肯定這位網友在這裡，所以事前只是為了影未更改設計的九廣西鐵指示版而只準備了
一排兩粒的叉電。當我去到會場後，發現全部Cosplayer都集中在後台，但由於發現看門的人都是
較熟的Cosplayer，所以他就帶我入去找人，結果我的估計無錯，係後台最深處找到這位網友~XD
不過由於已到電視台活動開始時間，所以我只好出去看看比賽詳情，不過就係呢一睇，令之後相
機電源非常緊張！因為由電視台辦的Cosplay比賽的幾位參賽者之中，竟然有一位熟人！當然要幫
這位網友多影數幅相吧~！由於禮貌上要幫其他參賽者影相，所以要不斷開著相機待命，但由於那
裡燈光太散，所以我要連續影數幅相來防炒，就在那裡開始浪費了相機的電力…
到了影合照之時，我才嚇然發現還有三個熟人在此！！ 這很明顯就是對我說要大殺電力了~XD"
此時，主持說可以使用舞台去影相，而且可帶攝影師入內，所以我立即大叫這位網友，希望這位
網友可帶我進去，幸好又得先前帶我入後台的Cosplay幫手，令我成功名正言順突破保安防線，進
入舞台位置，幫這幾位網友影相~
結果，我比原定離開的時間遲了1小時45分鐘，還因為要將鞋還給網友，所以要取消了荃灣的一段，
直接乘車回家，又乘車到荃灣還鞋後，就立即乘車到屯門，但結果都比原先遲了3小時才到…
幸好我沒來錯屯門，因為屯門站仍然未被污染，我仲可以在最後機會影點相留念，不過因為要找
Game的關係，去行下「第二個旺角」都非常重要，所以我已經立即搭車過去，不過最後都是找不到…
(但那隻Game找不到是正常，找到是奇跡~XD)
不過就在此時，相機的電源因為之前不斷影相錄音而非常緊張，搞到我影相時非常之害怕會無電而
將錄映的資料刪除，最後有驚無險，要影要錄的都順利完成，真是太好了！XD
不過下次就算是臨時決定去，亦無計劃長時間停留的話，都是叉多一排電好一點，費事有突發事
件時都有預備電源用，唔需要心掛掛相機會無電…囧
P.S. 雖然本身對呢個活動無期待，主要原因是因為該活動由電視台舉辦，不過去到之後又發現活動辦
得很好，電視台很尊重Cosplayer，又借出舞台給我們影相，免得給人圍影，今次真是值得讚~ |
|
|
