| 高鐵 的个人资料網絡分享系統-網絡日記照片日志列表 |  工具  帮助 |
|
2005/11/30 今日睇了Rozen Maiden漫畫因為呢堂VAD只係理論堂，所以我通常一上堂就會問同學借漫畫睇，
不過今日同學借的漫畫唔合我口味，所以我就建議個同學「不如你借
Rozen Maiden啦！好正架~」(因為我睇電視版Rozen Maiden覺得正，
咁漫畫自然都好正，所以我就推介比佢啦)，不過呢個同學好似無動
力想借，但我唔會迫佢借的~XD 就係講緊Rozen Maiden漫畫的時候，下面個
同學居然睇緊Rozen Maiden漫畫(因為我見到雛苺)，所以我就立即問佢
借來睇，好彩因為我平時都係對呢位同學幾好(見到面會打招呼等等)，所以
佢立即借比我睇，咁上呢堂VAD就無咁悶了~XD 不過我一借就係借第
三本，因為我掛住翠星石，我好想睇下原註版的翠星石係一個點
樣的人偶！另外水銀燈都唔錯~XD
結果，就由VAD堂睇到OO Programming堂，由第三本Rozen Maiden漫畫睇到第
二本Rozen Maiden漫畫，不過第二本差2個部份先睇完，真係可惜...~~" 其實
今日OO Programming係有一份功課要交的，就係戲院訂位系統的
Design了，由於只係Design，暫時唔需要寫Program，所以我係琴晚只係
用了大約30分鐘就寫完，而落堂果時就交了份Design了。
返到屋企之後，玩緊TS KTK時因為見到屋企的寬頻線好亂，而且有部份地方
好鬆，所以我就決定固定佢，如事者用了1個鐘。之後我就係度等睇萬
花筒之星了，而今集利奧終於認錯，唔再想盡方法去毀滅空，另外美兒
亦都唔再自大，願意同空做朋友，呢兩件都係好事。
到了夜晚，我就開始去改善香港高鐵的Object，首先係改善列車先，
我改了部份圖，令佢像真度再真實一點，再將車底的機器立體化
(不過只係做了一半)，其餘的改善工程我諗住係聽日上堂時同埋係屋企搞掂佢。
P.S. 因為睇過本Rozen Maiden漫畫覺得好正，所以我有意購買同追睇佢...XD 2005/11/29 我就快受唔住了今日搭車的時候唔知點解特別多人，好彩我企了入車廂中間，先無企
係車門果度咁迫人... 不過如果你要係繁時搭中程或者長程的車的話，
其實最好就係行入車廂中間企，因為一來唔需要同人迫，二來可
以騰出空間給更多乘客上車，善用列車的每一角落。
返到學校上英文堂，我開始覺得有一個問題發生了，就係點解每次上堂
叫到我答問題的機會率都會係100%的？相反我熟悉的同學最
多都只係叫到50%，甚至係0%！我諗係我坐的位置有問題啦，之後
因為課堂太多燥音而改去第二個課室上堂，我就順路改坐位坐，諗住佢
無咁易見到我而唔叫我，點知最後都係有叫我...OTL 唔知係咪因為Hippo
呢個名太易上口呢？不過我記得我無做過出位動作架喎，點解Miss
記我個名又會記得咁實的...OTL
之後再上OO Programming，而家全班都真係覺得自已落了地獄，因為大半
班係唔明啊Sir講乜野，就算有Program底的人都唔明，而家仲話要繼續
交功課，哈哈，我真係想睇下啊Sir幾時至發現到呢個問題。老實
講，用15個星期所教的野就想寫到一套戲院訂位系統？咁係一件
無可能的事！學Program最緊要係要學的人明白！講得快又複
雜的話，就算明的人都會因為比佢的教書速度同複雜的詞語而搞到趕頭
趕命，最終都係唔明！仲話要教埋J2ME？不如用多點時間去教
下寫Java先啦！不過係呢堂我亦第一次係MSN用日文對話，對像係同學...XD
返了屋企之後終於舒服哂，玩了一陣TS KTK來賺分，之後再唱沙羅
首歌「Return to the sea」(85分)，又預先睇了Pitch 22話之後，就等六叔版
Pitch播了，不過當然我唔係為睇了，我只係想知道可憐同沙羅係邊
個人配音，但聽到之後真係令我失望，把聲完全唔切合個人物，
正如網友所講，配音調轉的話就差唔多了。
P.S. 由聽晚起我會係研究下香港高鐵的路線可以怎樣去再像真，因為有人話路線
有部份地方失真，我需要用一點時間去跟進問題。不過我只可以盡量改，因為功
課太多，而功課又要時間想下點做，所以一段長時間都唔可能大幅改變Object的
面貌... 2005/11/28 今日TS KTK終於爆機！今日神咁早係八點幾起身，就係為了玩埋「Train Simulator京城，都營
淺草，京急線」裡面最後一條未拿S的路線「急行 / 快速 時間表1081K」，琴
日我講過，此線需時120分鐘才可駕完全程，如果我遲一個鐘先
玩，返學就有可能遲到，所以我咁早起身係有原因的~XD
如事者，我就係0908正式出發，大約係1120左右就駕完全程，但今次
玩同上次玩有點不同，上次去到總站只是拿到C級的分數，到最後再
加分時亦只是拿到B級分數；但今次玩未到總站我已經拿到S級分
數，全靠我找來一抽操縱性非常好的列車同一個操作良好的手掣，所以
總算放下心頭大石。而玩完呢條線之後，遊戲的背景音樂變了，第三抽
隱藏車出現(京急舊1000形)，連背景圖都變成了有一抽京成
車停站中呢~XD 而家的目標就係要賺到200000分，等第四抽隱
隱車AE形出現(此車已在1991年全數廢車及解體)！咁先係真真正正的
爆機！
爆了機後我就休息了一陣，因為連續駕駛了2個鐘頭火車係好累
的，之後就返學，順路交野比網友。但其實我今日真係唔敢返去，全因
為份測驗，我... 不過另一方面，我又好想返，因為而家教緊光，而
我差少少就聽得明，所以我想聽埋佢，結果都係去了上堂，不過呢
堂無講過關於測驗的事，總算放心了~ 不過係上堂的時候，下面就因為
裝修而不斷用鐵槌撞擊天花板，除了令我地感到震動外，
啊Sir仲好激氣，因為上星期二又是這樣，所以啊Sir就好想打電話
去罵，不過因為未到1400而算數。
上完堂之後，我就去2○8商場睇下有無80或128GB的HDD賣，順路去物識一隻
新的滑鼠，不過最終兩樣野都無做到，因為我一來唔知買HDD應該要
注意甚麼，二來滑鼠選擇太少。不過我反而看中了1GB的
SD卡呢，$400就有交易了~XD
返到屋企之後就繼續玩TS KTK，不過因為好累，所以集中唔到精神
駕駛，經常停車失準囉...OTL
P.S. 而家的細路真係過份，鐘意講乜就講乜，不過我連膠都費事俾佢... 2005/11/27 終於忍無可忍買了個新手掣首先祝香港高鐵南北線延線(土瓜灣至旺角間)正式完成，並
暫定於2005年12月3日開業！
而今日主要係做三件事，第一件事係學日文，第二件事係係旺角
影風景相比香港高鐵南北線延線開通用的，第三件事就係買一個新的
PS2手掣，用來換了果個壞手掣，因為我已經忍無可忍！
先講學日文，聽起上來無乜特別，而我當初亦覺得無乜特別，想輕
輕帶過就算。不過看來唔得了，因為我今日一去到學校，竟發現
停電！後來才知道原來學校所在的大廈因為要更換電力系統而需要停
止供電，而且暫定於2點(即是我上堂的時間)再供電，不過最終都係
遲了15分鐘先再供電，搞到我熱了15分鐘...=.="
上完日文堂之後我就行去西洋菜南街影街景，之後再行上去火車橋影旺
角的樓景(果度因為環境太差，所以我唔會係度影火車)，再行去先
○廣場買手掣。但點解我要買個手掣呢？因為個舊手掣的左同下箭咀
壞了，各位可能認為可以用ANALOG來搭救的，不過唔係隻隻
都可以用ANALOG，好似Train Simulator(TS)呢類Game就無可避免要使用上
下箭咀玩，就係因為個舊手掣壞了呢個咁關鍵的掣，所以就搞到我玩TS
成日拿唔到S，而且我有多餘的錢，所以我忍無可忍，決
定換手掣！
買了個手掣同返了屋企之後，就立即再玩「Train Simulator京城，都營淺草，
京急線」，由於舊手掣有問題，所以我只玩淨兩條線，一條係京城電鐵
Skyliner 時間表7AE1(京城上野至成田空港，行車時間約62分鐘)，另一條係急
約120分鐘)，兩條線都係因為個手掣的問題而拿唔到S，所以而
家我就用呢個新手掣挑戰了京城電鐵Skyliner先，結果好輕易
就拿到S，還成功令兩抽隱藏車現形~XD 不過全隻Game係有四抽
隱藏車，而家只係出到兩抽，所以我要努力挑戰埋急行 / 快速線，拿
埋其餘兩抽了。
遲下可能仲會買多個手掣返來，等同哥或者朋友玩2P時可以用。
P.S.1 我今日睇了Rozen Maiden Traumend第六話，首先我祝水銀燈終於都復活了，
不過佢睇來比真紅親自去道歉而赫親，以為真紅撞邪囉...XD
P.S.2 今日睇Suger，班魔法使不斷同沙嘉講「你同佢地搵閃耀光輝的話一定會搵
到」，搞到沙嘉一頭霧水，不過唔可以直接講比沙嘉聽乜係閃耀光輝又係好煩的... 2005/11/26 今日翻新了張電腦枱+去了立法會參觀其實個計劃係琴日諗的，因為張電腦枱已經好黑，而且經常有小生
物係枱上出現，所以我必須要同張電腦枱作翻新，以杜絕這些小生物
的存在。結果我就係中午開始，用清潔劑同一個刷不斷係咁刷張枱，
之後用清水抹乾淨佢，再用風筒吹乾佢，結果發現張枱真係白番！
之後我就抹埋張枱的其他部份，結果就抹到張枱好似係新的一樣，而
且枱面仲平滑了，家人都比張枱竟然係半日內突然漂白了而赫
親~XD 但張枱要抹的話好花時間，所以我只係做了一半，拾埋掛係枱
上的野之後就係下星期做埋果另一半。
做完之後就食了個自已煮的拉麵，不過食食下又諗無可能就咁樣就過一
日架，所以我就諗下有無地方想去，結果想去的地方就係新聞裡面找到答
案，原來今日係立法會開放日(之前我都知，但唔記得了係幾時)，而且
見無野好做，所以我就去立法會參觀了。到了中環站同上了地面之後，我見
到好多人等入場，但條龍都算短，所以我就跟住排了，雖然立法會的通
告話要排90分鐘，但實質上我只係排了40分鐘就可以入去參
觀，立法會的職員效率真係快。
入到去之後，帶隊的職員就向我地介紹立法會大樓的歷史，之後就行上二樓，
去會議室B，而會議室B同C都係用來開無咁重要的會議的，之後
我地就行去會議室C參觀，而會議室C係全個立法會之中最細的會議室
來。而行去記者招待會室時經過主席辦工室，發現真係好大喎~XD
至於記者招待會室，就係平時我地係新聞見到議員用來開記招的
地方。之後再行去記者採訪室，而呢個室係比記者訪問用的，裡面有電
腦，收費影印機，打印機等等。之後行去會議室前廳，呢道係一眾議會休
息的地方，而呢間房放了一個銅羅係度，銅羅主要係用來提醒議員
要開會用的。行了咁耐終於都到了會議廳了，呢道就係你地係新聞裡面
見到，議會討論的地方，其餘的野就唔需要我多講了。之後就係上
三樓，參觀下宴會廳，呢道主要係用來招呼人同比議員食飯用的，
而食物則以到會方式由附近的酒店提供。至於之後經過的議員
室，其實即係辦公室，不過立法會唔容許主席以外的議員係度辦
工，所以果六間議會室其實係無人用的，不過議會可以以先到先得形
式借用一日。到最後就係去到會議室A，呢個就係新聞裡面見得最
多的會議室。過埋呢個室之後整個行程就完成了，而我係走的時候亦收
到一份記念品呢~XD
不過我要讚下立法會的參觀安排，一點都唔急，仲有時間比你
試下坐齊咁多間會議室，記者採訪室同會議廳的坐位，
而且職員唔會吹你行得太過份，一定夠時間影相，呢點亦應該
讚下佢地的，而我已經係每個停留地方都影了數幅相，另外
亦錄下了參觀時職員所講的野，相片將於不日上載來同大家分享。
P.S. 參觀完立法會之後，我就過了去S╳G╳尖沙咀店睇下有無我想要的野賣，不
過我強烈建議OTAKU，如非購買日本飲品同食品的話切勿前往！因為果度係無日
本書店(但不代表尖沙咀區無日本書店)及玩具部的，所以去到你地實後悔。 2005/11/25 係演講室食牛肉飯真係特別好味因為今日的OO Programming的補堂係中午的食飯時間，所以我就要
早點去學校附近，去吉○家買了個牛肉飯上堂食，買的時候因為
未到食飯時間，所以好快就買完，由落單至拿到手不需30秒！之後
我就拿住個飯返去學校，準備上堂食，而我上堂用的演講室亦都因為之前
果班上完堂而入得去，不過我當然唔會咁快就食啦，我要等啊Sir來
先開餐~XD 所以我就係呢個時候準備食野(事實上亦得我一個係
上堂的時候食野...XD)，而啊Sir一入來，我第一件事就係問佢「啊Sir可以食
野呵？」，而啊Sir就答「你鐘意了」，之後開始上堂，而有個同學見到我
食野之後大叫「嘩你唔好食這些咁香的食物啦！」，之後我就話係啊Sir容許的，但啊Sir立即補充話佢無容許，只係佢鼻塞，聞唔到有
香味，而且亦見唔到有人食野~XD 而今堂唔知係咪聽過親戚講解過
程式語言的原理，睇的時候感覺上真係易了少少~
上完堂之後我就上緊接的WAG堂，今堂係要一次過做兩份Lab，但
係做第一份Lab的時候，我因為之前醒起我無帶今日要交的Game MAker
功課返來(謎之聲：高鐵你咁失魂架！)，更已經約了同學係圖書館
等，所以我就離開了課室，上了圖書館問呢位朋友Copy一份，之後改佢
的來交功課(因為個個人手上的Game都係一樣，只係啊Sir要求加
特技上去，所以就可以Copy人地果份啦，但當然我係完全去
改)。拿完之後又急急行番去上堂，不過原來已經走了好多個步驟，
所以我要快些追番，好在得到隔離的同學幫手，總算有驚無險，順利
追番哂~而後面的練習，因為唔夠時間的關係，亦都押後到聽日
先繼續做埋佢。而落堂前，班長就提醒我地要交Java的Homework，而我發現全
班應該只有一個識做Lab 5，所以就算佢識做都係唔好抄了，費事比
啊Sir問起果時就仆直啦，而且因為得佢一個識做，其他人做都無做
過，分數應該仲有得調節的~
之後就係上CGD堂的Lab，因為Copy了之後都無時間搞，係去到而家呢堂先
有時間去改，所以我就併命去改，結果改改下因為有野唔識，所
以都係叫了啊Sir同我隔離的同學幫我睇睇有乜問題發生，最後我終於
都將問題解決了，所以就立即叫啊Sir過來評分，好彩成功過關，而
交了呢份功課之後，亦代表歷時一個月的功課測驗潮終於都完
結了，雖然唔係代表無功課做，但要交的功課可以遲兩三個星期
先交，所以我而家的壓力細了好多，輕鬆了好多~
P.S.1 係我去完洗手間之後洗手的時候，我諗起琴日有個清潔工人竟然係洗手間
外讚我用乾手機乾手真係好，而事實上我當時係好冷，所以用乾手機吹乾隻手
佢，不過我平時都係唔鐘意用紙巾來整乾隻手，因為一來紙巾品質唔好，二來唔
環保。但我點諗都諗唔到果位清潔工人點解要讚我囉，因為學校用品都係政府比
錢買的，學校唔需要自已出錢買...
P.S.2 今晚又打了場PangYa，而我終於都再升了Level了~ ((((( >O< ))))) 2005/11/24 Science測驗當場慘死今日我特登早點出門口就係為了係測驗果時坐到個好位，而搭車果時我都
有溫過Sinence的，而且我因為誤信了測驗時有公式可以睇而沒有
太過留意公式，但返到去演講室之後，原來係啊Sir安排座位比我
地坐的，但啊Sir竟然安排我坐係講台前，我前面仲要無野擋
住...OTL (唔知係咪同係金鐘站轉車時上唔到車浪費了時間有關...)，而我做的係
A卷，不過我細心留意過份卷之後，係就係有比到式，不過得一條，就
係g=10N(地心吸力為10N)，其他的公式我真係見唔到有...OTL 結
果，我就係因為溫書時無留意公式，唔識計而當場慘死，只係識做
半題...T^T + OTL 更加慘的就係，因為我的朋友坐得高，所以可以同其
他同學交流意思，甚至係問人點做！但我因為坐係啊Sir面
前，而且佢成日企係我面前，搞到我乜野都做唔到...>_<
之後就係去上VAD堂了，係上去的途中我問了同我多野講的同學佢地係做
乜野卷，結果個個都話佢係做B或C卷...OTL 而今堂VAD堂就係教做
包裝，點樣用Photoshop去做一張包裝紙同設計一個包裝盒，啊Sir就求求
其其咁示範過比我地睇大約係點做，而且又比了其他班的製成品
我地過目，不過佢越睇越激氣，因為好多學生只係求其做個樣比
佢，有兩個甚至係互相參考，啊Sir就話呢兩種人都唔會比分佢，不
過呢個時候就有同學提義，互相參考的果份功課，只比分其中一人，如果是
原創的人得不到分數，這樣抄的果個人就會現形...XD 由於設計包裝盒
需要兩星期，所以我今日就搞掂個盒先(係一個六角形的盒來)，下
星期先集中研究包裝紙點做。
到了食飯的時候，我首先就係應約，在第一個網友手上接收Flash MX，
再過十秒，我又再應約，找到第二個網友，一起去吃午餐，而
選址亦係上星期四的日記所講過的果間有宗教團體色彩的餐廳。當到
了果度之後，果然係繁時都唔需要花時間就找到位，坐定之後就點野
食，不過我好似比平時花了更多時間選野食呢~最後我就叫了一個波羅咕
嚕肉餐，而網友就叫了個特餐。係食飯的時候，我同我網友談過兩件事，第
一件是這裡真係好少人，要找超過4個人的位好容易，而且選擇
又多，價錢又好正常，所以有機會而唔趕時間的話會再來食，至於第二
樣啦喎...XD (この件に関するお問い合わせはご遠慮ください)(有關這件事的事
情請勿詢問)
食完飯之後，我同呢位網友就係188兜了個圈，兜完圈之後佢手上就多了兩本
漫畫了~XD 而我同佢都要繼續上堂，所以就分開了各自上堂，而我就繼
續上WAG堂，不過今堂真係無野好做，啊Sir話今堂係用來做Flash Project
的，不過我果組的Project因為全部資料都係我提供的關係，如果我唔
做的話咁樣就等如完全停工，所以我今堂點都要做點事，就是
畫AWS，ATP同SCEAM信號系統的運作圖，畫完呢三幅之後就落堂了，所以我
就上埋最後果堂CGD，不過係上堂之前已經有好多人走堂，因為實在
太悶，而我就選擇睇下佢有乜野講先決定走唔走，不過上了一半之後我
都係決定走，因為真係好悶，不斷係咁講人地份計劃畫點好點
唔好，而且佢教的計劃書唔係商業向的，如果聽佢講的話將來可能會
出事，而且我要趕住學Java，所以就決定走人~
返到屋企附近，我就去了找親戚問Java的野，如事者2個鐘之後，我就真
係問到野，不過問題係我問到的設計係C++適用的，雖然Java同
C++係好似，不過裡面有少少野都係唔同的，所以問了都要配合番個適
合的程式語言先可以實淺...
媽放了工之後，我就同佢一齊去食米線，但我因為太餓，所以都係叫了今
日最想食的四川回窩肉飯來食，真係又平又大份又好味架姐~XD 2005/11/23 終於都影番果幅相啦今日因為係VTC的畢業禮，我又暫時未需要出席畢業禮，而且
呢日又無堂需要補，所以今日就放假一日。原先我想去屯門
IVE借書的(謎之聲：高鐵你真係勤力啦~)，但諗到今日係畢業禮，有
可能因為全部人都失蹤而唔開門之後，我就改變主意，係屋企休
息了。
不過食完飯之後，我就諗番起上星期六影SP1900時因車太密同SP1900太少
而失敗的事，而且我仲未影4燈頭式AWS信號機，所以我就立即出門
口，去到火車站搭車去大學站再戰！而搭車前先去了增值...XD
搭SP1900去到大學之後，首先就係試位，而試位用的列車就係SP1900...XD 不過
幅相因為影到月台邊而失敗了，而上次因無電而影唔到的停站
相，我亦係佢停車的時候影了4幅補數。之後我就睇番頭先影的相，發
現太光，就算影到都唔合格，而且下班SP1900都應該唔會咁快
到，所以我就等多一陣，順路去搵番上次去影的果個位，結果搵得番，所以
我就係果度準備了~
等了無耐，終於都再次有一抽SP1900入站，由於已經Set好位，加上仲
係D201編成(但呢個D201車頭本身是2次車來，因為D201的
1次車係日本試車時比車輛製造作的人整爛了，所以唔可以用
來載客。而家真正的D201 1次車車頭就放了係西鐵的錦上
路車廠度做零件及訓練車)所以一影就已經影到好完美(但美
中不足的係光了點)。由於任務完成，所以我就搭回頭車去沙田，行埋
未行過的部份，不過去到車頭，又因為想起可能對功課有點用，所以我就
影埋SP1900同鳥蠅頭的車頭側面相先離開大學去沙田。
去到沙田之後，就去了玩具○○城睇下最近有乜野新玩具出了，不過以
我雙眼所見，種類好似比以前更少囉，之後就係去附近的玩具店睇野，
結果又係令我失望，因為果度的野太貴同太少，而所賣的Game好
多都係日本遊戲的美版，我睇唔上眼囉~ 之後就行番去新城市廣
場第一期睇下其他商店，不過商場進行緊開業以來最大的翻新工
程(暫時見到商場新增了不下十部的電樓梯)，好多鋪頭比人趕了
出去(但翻新完後佢地可以返來做生意)，所以無乜野好睇，我只係
用過果部好特別的電樓梯之後就返去沙田站搭車返去了。
不過因為抽鳥蠅頭的冷氣實在太舒服(謎之聲：熱就熱想涼冷氣乍你！)，所
以我決定搭到去尖東，之後再搭番同一抽列車返旺角先落車走，返
到屋企之後就係等睇萬花筒之星，不過今話好一般，除了見到蘇
非真人之外~XD (話時話，蘇非真係好靚女呀~ ((( >O< )))，不過咁早就死
了真係可惜！)
P.S.1 果幅SP1900圖亦都放了上去相薄內的「鐵路相」度了~
P.S.2 聽日就測Science了，不過我連按計數機機都唔識按，而且仲係一返到學校就
測，又溫極都唔識，今次死緊了...OTL 2005/11/22 今日真係搞笑今日要返早，所以我好早就返了學校上堂，首先係上英文~
今日堂英文係教你點寫公司信件，不過我上年已經學了，今年只係當係
重溫。不過我因為答唔到問題而弄出兩個笑話，第一個係Miss問我
問題，而果題如果用中文答的話我係識的，但Miss叫我用英
文答，所以我因為未能將果句翻譯做英文而要答「Sorry,I
don't know」...OTL 至於第二個就係我答問題果時講錯了對方的
稱呼，之後Miss問我「佢係咪你女朋友？」(指稱呼錯了而引伸的問
題)，但我果時因為回應緊同學問題，所以就答「係啊係啊」，
結果全班都因為聽到呢個「答案」而笑起來...XD 不過同一個問
題其實一星期前都發生過，仲差點玩出火...OTL
至於之後的OO Programming，我就趕埋果份今個星期要交的Java功課，
而我最開心的就係，我竟然係一日之內就做好兩個部份！都係因
為用了一個好正的方法去做...XD 不過啊Sir睇來已經識穿了上次交的
果三份Java Take Home Exam好多人都係複製貼上，佢叫我地拿到答案
之後就真係要讀下喎~ 由於最後一個部份係要將之前做過的部份合併，
之後要再加Array先交得，所以仍然未可以做，要問了人先可以
繼續。不過今日都有好消息的，就係Design的SoftCopy同Hardcopy可以遲
到30號先交，但Program就仍然要係25號前交到，不過只係差一個部
份，我相信三日內都可以搞掂的~ 因為無野好做，所以我就過了去
同同學談天，談談下啊Sir就走過來問下我地做成點，之後我個同學就問
佢其實Java有無限死要用某些字先可以做到某效果，啊Sir就話唔係，其實係
睇你有無用腦去思考下應該用甚麼去寫個Program，而他之後就話自已
當時因為唔想讀某些科目而拿一個剛剛合格的分數，結果就係因為僱
主覺得佢唔夠學歷而唔請佢，佢要邊讀邊學先拿番個較高的學
歷先搵到份好工(雖然佢之前話努力工作都可以搵得多錢...)，最後
佢再提醒我地一次，要諗清楚先好學佢咁讀書...
而我交完學費返到屋企之後，因為發現今話Pitch可憐及沙羅會登場，所以我
吃完飯後就立即開支e-karamix來唱歌慶祝下，而且仲要係計分的！而
果三首歌分別係：
1)オーロラの風に乗って(可憐專用歌)(83分)
2)Return to the Sea(沙羅專用歌)(86分)
3)Super Love Songs！(88分)
不過係唱完之後開電腦再睇番今日果話，先發現原來沙羅未登場，全因我
睇錯了隻燒錄DVD的集數...OTL 到了六叔版Pitch播的時候，除了佢個標誌
太光，搞到我好唔舒服之外，竟然仲發現了佢將個Eye Catch由細路
向的廣告定格改了做明○台播電影時廣告間斷所用的普通
動畫呢！我突然感到好有睇戲Feel同令Pitch Pro了好多~XD(講
真，因為我由星期日起至今日都無睇過六叔台播的動畫，所以我唔知佢原
來轉了) 不過如果用番Pitch原先所用的Eye Catch就好了...(妄想中~XD)
P.S.另外今日問了英文測驗的分數，結果係剛剛合格，我總算對得住街坊啦~而
Miss對我的評語係「間斷時間過多」同「未能即時將個Point講出來」，之後都無
乜問題了... 2005/11/21 繼續都係無題今日又係一個很平常的一日。
我起了身之後，就立即開電腦趕起份Java佢，不過因為未裝Java，所
以都係做唔到乜野架啦~ 所以我好快就放棄了，改為上網睇新
聞同埋一個由同人所開的Pitch字典，呢個字典裡面所記載的野都
好真實，唔係亂吹的。睇到咁上下，因為哥返了來，所以我就比番部機
啊哥用，我就繼續睇ETV睇到1200之後，我就睇txbN同○洲電視的新聞，由
1200睇到1245。
睇完之後就返學上Science，今堂教光，不過因為課室部電腦壞了，所以節
奏就慢了好多，條式我到而家都仲記到，但個答案唔知點解計極
都錯的...OTL 而啊Sir終於都為搵課室測驗的事而投降，因為佢無辦法
搵到一個課室係可以同時放到3班的人落去，雖然學校有禮堂，
但我早前講過，個禮堂豪裝中，所以全間學校根本就無一個適合
的課室去做測驗，而佢最後決定，使用我地平時用開的LT02室(演講
室)來測驗！XD 呢個係我返了學咁多年來第一次要係演講室做測
驗...XD
返到屋企之後我就打了陣MGS3，不過今次就唔係玩大屠殺，今次係玩扮
少佐，玩下軍人敬禮同用拳頭打下果班無能的士兵同科學家，
佢地仲要同我道歉呢~XD
到了夜晚我拿番部電腦之後，我就裝了Java，因為真係好急住用，結果成
功裝到，所以我就立即改過部份唔係太完美的Java同埋根據功課
的排列來排番對個位佢，結果發現我仲有3份功課同Design
未做，不過份功課的死線係25號，所以仲有少少時間參考下人地的~ 2005/11/20 無題因為今日太過平靜了，加上我今日做了一日衰仔，所以先改個Topic
名做「無題」...XD"
今日一起身，就係等媽買早餐比我食，不過份早餐其中一樣野買錯了，
不過唔買都買了，所以就食埋佢...(不過媽果時拿住份買錯的早餐時仲
要對我講「呢樣係你的至愛」時，我真係好無言，因為我係佢買之
前已經講了唔係食果樣野，不過我唔想追究...)
食完之後就係等睇Suger，不過因為見仲有1個鐘先播，所以我就打了陣
MGS3，Snake著住套踢死免，拿住支機關槍衝入穌聯某個軍士基地，
展開大屠殺的時候的感覺真係好正！XD
終於到了睇Suger的時候了，沙嘉因為熊人先生佢錯誤操作部鋼琴，最
終操爛部鋼琴而對佢非常不滿，甚至唔想佢掂到她媽媽生前用
過，但早已易手的鋼琴，因為我唔係太記得劇情，所以我都想熊
人先生解釋下點解容許部鋼琴被操爛呢？
睇完Suger之後，就去了學日文，不過到我返到去的時候竟然未上堂，所以
我就係接待處等了陣，同先生談下天，人齊之後就上堂了，不過我開始發現
我自已追唔上，唔知係咪同某件事有關呢...？(この件に関するお問
い合わせはご遠慮ください)(有關這件事的事情請勿詢問)，不過我仍會試下用其他方法追番的。
返到屋企之後，又玩了陣MGS3，Snake繼續著住套踢死免展開大屠殺~XD 如事者
玩到爆機之後，我就改開電腦，不過都係漫無目的咁上網同談天...
因為我果時唔肚餓，所以我叫媽幫我買晚飯，但結果又係買了第二樣
野，雖然唔多滿意，但因為媽咁做係有原因的，所以我都唔想多加
評語，食完先算，下次自已出去先食番果樣野。
P.S.1 廣管局又收到一單關於Pitch的膠投訴，不過估唔到被投訴的人竟然是麗娜，
內容係關於佢出拳打海斗，但最後一刻停了唔打的部份，呢道我覺得無問題，因
為係日本套野都係For小學至初中生睇，如果真係打落去的話，就唔會係當時放
0800呢個時間，而且打交係唔配合Pitch的需要，所以就算係見到打的鏡頭，都只
係得非常少的暴力存在，所以我覺得Pitch的打交片段全部都可以出街。
P.S.2 星期二就要交Java功課，但而家都未動過，今次大件事了...OTL
P.S.3 點解今晚MSN Space會咁慢架... 2005/11/19 我今日影鐵路相真係好失敗今日睇完無人惑星Survive，銀河鐵道物語同係txbQ內播的Suger之後，就做家務，
跟住再等屋企人返來，但呢個時候我好似諗起一些甚麼，但我真
係記唔起係甚麼... 到我睇到有好多賽車在轉入葡景灣時炒車的時
候，我就突然醒起我要為Flash Project搜集素材，由於個Flash Project的
自定題目係我的強項，所以我就決定即時出發去搭東鐵，影
AWS信號機做素材，順路影番少少鐵路相做Wallpaper。
到搭車的時候，我最擔心的事終於都發生了！就是「新聞直線」播播下
突然出現M$ Windows XP的關機畫面(但我因為係靜音車廂，所以
只聽到列車的加速音聽不到Windows關機音，真係可惜~XD)，但
其實我係上車時就發現個「新聞直線」有點不妥，因為佢經常收不到
信號，不過我估唔到佢會嚴重到要關機呢~XD 之後就見到佢再開
機了，原來「新聞直線」所用的作業系統是M$ Windows XP SP2
呢，仲見到控制中心職員用滑鼠去重新設定「新聞直線」~XD 好彩列車的TMS
系統唔可能用Windows做作業系統姐，如果唔係行車時無端端「叮彈咚
冬」(Windows XP關機音)咁就大件事啦！XD
去到大學站之後，我就立即去北行方向車頭位置等對頭車來，因為果個位係
其中一個影車熱點，效果係非常之好的。但今日係東鐵行的SP1900真
係太少，得5抽(另外3抽係車廠)，而且北行SP1900比南行
SP1900多，所以我只係可以影烏蠅頭(原名MLR)同東風11當練習，但當
然係影車之餘，我亦不忙影係車站前的AWS信號機，而且比我想像中更快完
成，因為好彩北行線剛剛有直通車行過，所以好快就影完AWS信號機的
信號燈，可以專心影車了。不過烏蠅頭真係太多，所以影影下都無心
機影。但呢個時候，我發生了一個好嚴重的問題！就係相機無電！雖然
我一早就差多了一排電，但呢排電亦唔知點解會無電，所以
我真係好無言，仲因為咁走失了一幅不錯的相呢...OTL 由於
知道相機無電的關係，所以我亦改為即見即影策略，結果因為唔夠時
間度位，加上被北行列車阻攔著，所以我只係影到一幅好差的
SP1900相同一幅影得好差，但是無拖貨卡，單機運行的ER20相
(我情願佢拖貨，咁樣易影好多)
由於就到時限，所以我就係沙田站出閘，順路去買○王睇下有無Doremi的新
書賣，結果又搵唔到，之後就去埋沙田中央公園睇下有無一些適合取
景的位可以影風景相或私影相，結果完全搵唔到，所以就搭車返
去旺角了，但我仍然心有不甘，所以就再去一次大學站影相，不過天開
始黑了，所以我要爭取時間影，我一落車時，剛剛有抽SP1900入站，
但因為我唔夠時間準備，所以就無影，而且我以為下班SP1900亦會
緊貼上一班SP1900好快到，點知一等就等了30分鐘...OTL 雖然中途
我想練下位置，但北行列車係呢個時間唔知點解會密到好赫
人，我想影的時候北行列車永遠都會阻住我影，所以我根本試唔
到位，到最後雖然都等到SP1900來，但實在太黑，就算拿到位影
都已經影唔到，所以我就想影SP1900停站相，但呢個時候部相機
竟然無電，我果時激氣到真係想將排電扔落垃圾筒...
因為相機無電，影唔到相，所以我就無功而回了，我覺得今次失敗的原因除
了係部相機無電同SP1900太少之外，東鐵的行車時間表亦係我意
料之外，因為中午車不密，但一到放工時間就密到赫親
人，但加密班次後，四班車得一班係迫爆6卡(全列有12卡)，其餘
的列車都是很少人，甚至係仲有位可以坐呢！如果改善一下放工
時間時的列車時間表，減班的話，除了可以善用列車之外，仲可以減
輕經營開支同路線負荷呢！
P.S.1 列車型號可參照「相薄」內的「鐵路相」。
P.S.2 係六點半之後，六叔台係電視上顯示的公司標誌同下個節目預告又改了，但
其實而家你地所睇到的規格係抄自同公司經營的收費電視的新聞台的標誌，不過
個標誌太過刺眼了，唔夠以前果個好，而且太深色會傷到LCD電視，所以用LCD
Mon睇電視的人就唔好睇咁多六叔台，以免傷到部電視。至於後面個節目預告，更
加係差過之前，字又細粒了，又唔夠以前的簡潔，點解近年咁多野都越做越差架... 2005/11/18 今日上完堂後無端端要留步今日係過得比較平靜同比較不滿的一日。
上WAG堂時，除了交了Flash Project的組員名單同題目比啊Sir之外，就只係跟
住份Worksheet做Classwork，不過有部份技巧唔識，所以我都係要聽聽啊Sir點用
個技巧先做到，而份Classwork實在太容易做，所以好快就交了功課了，
而且仲有半個鐘先落堂，所以我就上了一陣網，問人借了Java功課來
參考及搵同學談天呢~XD 不過呢個時候班長就話全班係放學之後要留
低，因為有個唔知乜野計劃要全班都要參與的(而個計劃係院
長所創的，名稱同計劃的內容我要下星期再收料先可以答到你地了...)，
這時全班嘩然。
之後，就係去對面課室上CDG堂，聽講今次要做GameMaker的Lab呢(但呢套野真
係好廢，我都唔想花時間去記住佢點做Game)，不過係做Lab之前啊Sir
就教了今堂Lab要做的野，所以都算係做得幾順利，我記得做完同交
了之後仲有半個鐘，所以就Download了BVE同BVE東急東橫線來玩，如事者
半個鐘過後，班長又提醒大家要留係度，但仍然不知道應該去邊道
等，不過因為好多人趕住返工同做其他野，加上這是即日通知，
根本來不切改變行程，而且負責人的電話更打不通，所以令很多同
學都唔滿意。最後電話打通，知到要上六樓等之後，班同學就帶住怒氣
上了六樓，但上了六樓之後知道仲要等的時候，班同學(包括我)終於無
辦法再忍受係1730落了堂之後仲要無了期咁等果個遲到的負
責人來，所以就拉大隊走人，而我決定走的原因係因為我遲走的話就
需要係繁忙時間搭最繁忙的地鐵路線回家，隨時上唔到
車。(因為我好累，無興致等多一班車，之後仲要罰企)
最後，媽比我早一步返到屋企，不過好在我係唔趕時間，而且一返到屋
企就有飯食，如果唔係我可能真係會罵埋一份呢~
P.S. 我屋企下面個公園的治安一日比一日差，下次我要係夜晚比野人的話我情願
叫佢上我座大廈的天台等算，我座大廈的天台點都安全過我間屋下面個公園... 2005/11/17 啊Sir我真係好對你唔住今日係有兩份功課要交同有一個測驗要測，至於其中一份功課由於唔
係我做的關係，所以我就將資源全部集中係另一份功課上，而果份功課
就係我其中一樣最驚同最苦手的科目，Science...OTL
一返到去上的第一堂，就係Science，不過我地交功課的時間係幾自
由的，唔一定要係上堂交，只要係死線前交到的話就可以，而
且我完全唔識，所以一返到去就用一個方法去快速KO，不過都只
係做到頭兩題，其餘的要問其他人拿答案了...~~"
至於後面的VAD堂，要交的野亦都好簡單，只係造字型，而且只需要造
大階就可以，但因為好遲先有人通知我只要造大階就夠，所
以我就用多了少少時間造埋細階，但其實咁都係為自已買保險
姐，費事啊Sir突然話「要造埋大細階先可以交」就死啦！不過後來我問
過啊Sir，佢話「你咪造埋細階囉，如果夠時間的話」，即係真
係可以唔造細階架，不過唔造都造了囉，咪交埋囉...由於仲
有少少時間，所以我又繼續問人拿Science的答案了。
食飯的時候，我又去了果間有宗教色彩的餐廳食午餐，但今日因為我
見到特餐之中有我想食的野，所以一入去就決定叫果樣野來食。而果
份野真係好快就到了，而且個份特餐雖然幾大份，但都係只需要
$22就食到(因為我叫了凍野飲)，比起同區N間茶餐廳都平(上次順發的
事我唔會忘記)，而且就算係食飯繁時都好容易就搵到位，
所以有機會的話我真係想將呢間野推薦比係我間學校讀的朋友同網友。
返到去之後繼續上WAG堂，但其實都唔係上堂的，係要做開卷測驗
，測試下你識唔識用Flash，但我因為今日成日都唔夠精神，
所以睇住份題目根本諗唔到野，所以就偷雞問同學要貼做，好
彩問多兩問就開始記番起要點做，加上同學借了本Flash書我
睇，所以我就好快搞掂，仲有時間重新畫過一幅背景圖出來
呢~XD 不過這時班長就收Science功課，但因為我同埋好多同學都未
做完，所以佢收得好少，而且我決定自已交，所以就跟埋班
長去451室睇下佢點收，結果發現要交功課的話係要行入去教員室
交的，但教員室門口貼住「學生嚴禁內進」...
而最後上CGD堂，由於院長借用了我地平時上堂的LT02室來同班Year
2生談天，所以我地就改了去LT01上，而這個時候，我就同我班同學作最
後衝剌，快快手做埋份Science佢，結果我只係做了5題(全7
題)，就因為唔夠時間再做而放棄，之後我同我班同學行了上去451室，同
埋入了去交功課(因為只要同門口的職員講聲就可以行入去交)，交完之後
我就繼續留係度聽書，而其他同學就走堂。(而今堂CGD是要交計
劃書的，不過計劃書不是我寫，所以不是我交，而今堂的內容則是
說解謎Game...OTL)
啊Sir，我今日先做你份功課，真係好對唔住！希望無事發生了...
而我會係測驗之前就溫書的...OTL
P.S.Pitch Web已經再加入了兩話的故事介紹，並將於不日上載。 2005/11/16 今日感到好大壓力今日返到去學校上VAD堂的時候，啊Sir就講了佢不滿現今香港人影相的趨勢，
就係買相機只為影女，有時甚至是在街上一見到有可愛的女人
就影，完全無構圖，返到去就用Photoshop不斷拾相，為的只是
要突出果個女人。而且更有人根本連最基本的相機功能及需要的配
套都唔知就走去買一部成萬元的相機，再買一個成萬元的鏡頭，為的
只係影女。其實我都覺得無必要為了影女而買部咁貴的機，雖
然部份貴機品質係好，但用者使用不當的話，部機幾好都無
用。所以我從來唔會將部相機的用途集中在影鐵路相，仲會試下開發
其他用途，例如影Cosplay(不過有一段時間我都係集中影
女，但我已經修正了呢種錯誤的思維，下次再有機會影的時候我就會改
向我熟悉的Cosplay角色下手~)，影風景(可以睇下我本相薄架~)等等。
另外，佢仲講了一樣好重要的道理，就係諗野永遠係最值錢，
做的就多多都有。佢舉例，佢的妹妹在交大學畢業功課的時候，就交了一個
即用即棄餐具出來(此餐具的設計特色係好似玩模型咁要拉部件出來先用
得)，結果一本雜誌用了這份功課做題材，一個月後，她的e-mail就收到很多
廠商的信，要求她賣出專利權，但她想自已做，之後將製成品賣比
人。另外在國內，一個負責為動畫角色上色的人，人工只係值
$2000。兩個案例證明創意是值錢過只是跟住做的人。
之後，啊Sir就走了，我地繼續跟住上OO Programming，呢個啊Sir就偷了VAD的
啊Sir講的果句，「諗野永遠係最值錢」來比喻我地唔好只係做了個Program
就算，要先有Design... 之後他又不滿某同學好似想同佢玩針對咁，之後
佢就話「如果你同我玩針對，我可以同你玩的，我會玩到你無得翻身囉」，
之後更爆一句「我至多比三次機會一個同學，如果佢用哂果三次機會，我就
唔會對佢客氣」。但我覺得佢講野真係非常難明，而且最大的
問題係佢當我地係識的咁，但其實好多人都唔識，講一樣野
係都要兜大灣，而且講程式方面又講得快，我地又睇唔切，又
聽唔切，試問點會好架！交到功課已經係奇跡啦！
和同學講完CGD要交的功課要點做之後，因為Doremi又出了新書，所以我就
去○越同○光睇下有無果本書賣(順路去睇下有無合心水的N-Gauge
路軌賣，基本上已經睇中一盒，但未有錢買住)，結果我見唔到有果
本書賣，所以就無功而回...
返到屋企之後，我就繼續搞埋我份Science功課，雖然有Notes，但我有好
多題都係唔識，又唔敢阻住人地... 死啦！聽日就要交，點算
好...OTL
P.S.1 關於11月12日的日記，我有野想補充，就係「星際流浪記」的正名為「無人
惑星サヴァイヴ」(無人惑星Survive)，感謝網友話比我聽，下次再講同一套野就
會用正名講。
P.S.2 因為我比播歌專用的果話Pitch影響了，所以今日返學同係銅鑼灣搭車返屋企
時所聽的歌的次序又係好特別，是跟住Pure 39話所播的歌的次序來聽，但因為轉
車遲了，所以加了Rozen Maiden的OP同ED來攝時間...XD 而我聽歌的次序係咁的~
返學
1)Before the Moment
2)KIZUNA
3)Birth of Love
4)禁じられた遊び(Rozen Maiden OP)
5)Beautiful Wish
由銅鑼灣返屋企
6)闇のBAROQUE~バロック~
7)夢のその先へ
8)希望の鐘音~Love goes on~
9)愛の温度C
10)透明シェルター(Rozen Maiden ED)
到最後我發現仲有少少時間，所以仲錄了A131的行車音比自已遲點聽呢~XD 2005/11/15 今日可能會慘死 + 睇Pitch前做的少少趣事首先祝「網絡分享系統」終於可以正式對外開放了(其實已經開了15
日架啦，不過我無公開，想試真點系統姐~XD)，以後打日記同放相
都可以方便點了~
講完呢件事之後，就係講下我今日發生乜事，今日果兩堂真係好大件
事，因為英文要測驗，OO Programming要交功課！而我琴日已經講過，
我會做好學生，所以就係測英文之前1個鐘頭就返到學校，同我的拍
擋一起練習，而我用VTC Tower的電梯上六樓的時候，亦然見到我的拍擋都係剛
剛返，所以就立即去了圖書館繼續操，而今日好了好多，雖然有
字唔識讀，但已經可以跟據拍擋所問的問題而比適合的答案，所以我
相信係測驗的時候一定無問題。結果我地就練到10點，之後去測驗
的課室等，但我地係到達課室後先發現，係我地之前仲有兩組人未測，
而我地係準時到達的。至於未到的人，其實係因為唔知係邊道測
驗，咁只好怪班長啦，因為Miss係同班長講係邊道測，而叫佢同
同學講的，但班長似乎係用腦內無線傳送的方式去同同學講，
所以好多人都收唔到，即使係我呢類知道係邊道測的人，都係因
為當時有懷疑，所以直接問班長才知，所以我地班的班長的服
務態度真係呢...
到了1030(上OO Programming的時間)，終於到我地果組做了，Miss叫了我
出去抽簽，我拍檔好想我抽到2同3，因為係六張題目紙之中最易
的，但我唔敢抽，所以就由我拍擋代勞，給果佢抽到2。至於我，就
係第二輪抽簽之中出戰，而我拍擋就說「一定要抽到3」，而我很快就
抽完了，結果竟然係3...即係今次測驗的題目是2同3，同我地的期望
係一模一樣，真係非常少見...XD
測驗的時候我好勉強都叫問到野同答到野(但都有一題比錯答案，不過
好快就修正了)，而我拍擋亦知道我有字唔識讀，所以就搵機會講
埋，我要多謝佢~ >3<，不過我覺得自已有好多個字都唔識讀，所
以我驚今次英文測驗會炒，希望無事了...OTL
到了OO Programming，其實我想聽我拍擋講走堂，但因家裡電腦無法安裝
Java(原因不明)，所以迫住係學校搞，但我到製作Class檔時先發現
我原來有好多題都未做...OTL 不過而家做都趕唔切，所以只好交做
了的出去先，但有部份係抄錯了(啊Sir亦都知係抄書的)，所以
佢就不斷咁罵我(不過都算了)，而且他叫我加一個數據的時候因為我笨
手笨腳做唔到佢想要的效果(但最後我自已都做到佢想要的效果)，所
以他都無心機再睇，話「我知道你程度去到邊了」，佢咁講我都知自已
死緊架啦，不如快些搞埋佢，下星期正式交呢批功課比佢了咗個
心事算啦~
返到屋企之後，我迫了玩緊GTA的啊哥走來唱Pitch的歌，因為今集
Pitch係其中一話最多歌唱的(可以話係特登咁安排，比睇緊的人重
聽下之前Pitch唱過的歌)，而且裡面有首歌「Splash Dream」我真係唱唔
掂，所以今朝又聽過，之後又唱下，好好練習~XD 因為今集咁
多歌唱，所以我就興起想唱Pitch歌，順便做Review，方便一陣唱的
時候唔會記錯歌詞~XD 至於今次我唱Pitch歌係有點特別的，因為我
係跟住今話裡面有的歌的次序來唱，不過係唱長版(我從來唔唱短版)
，而我唱的次序係咁的~
1)太陽の楽園 ~Promised Land~
2)Ever Blue
3)Splash Dream
4)恋はなんだろう
5)Super Love Songs！
6)Legend of Mermaid
7)Star Jewel
8)大事な宝箱
另外有兩首係突然想唱，而且仲係用計分模式唱的呢~XD (括號為總分)
9)KODOU～パーフェクト．ハーモニー～(82分)
10)夢のその先へ(92分)
所以就總共用了52分鐘無間斷唱歌，而家先發現我原來係好長
氣的...XD 到了Pitch播的時候，我果然好順利咁唱足咁多首歌(因為唔係
首首播足，所以相應要唱的段落係短好多，但OP同ED我就無唱過)，
雖然有好多歌我都可以用背的方式來唱，不過「Splash Dream」始終都
要睇住歌詞先唱到...OTL
之後我就好似平時咁Review今集的內容，之後先再睇六叔台版的
Pitch，不過我覺得染五郎真係好神奇，就咁寫封情信，又無講係寫比邊
個，又無話係邊個寫，塔基就知道染五郎的心意，真係掂！(不過要知道染
五郎係邊個？就要睇Pure 19話啦！如果照現時六叔台的播放進度，
2年啦！2年就差唔多架啦~XD)，不過對於的配音我仍然係不予置
評。
P.S.係做英文測驗的時候Miss唔知點解只係識叫我去抽簽的，不斷叫「Hippo過來抽
簽啊」(Hippo呢個名我自已改的)，不過又幾過引，個名簡單易明~XD 不過我亦發
現了佢而家原來已經完全記得我地的樣，我地的正名同我地的Nicename了，Miss的
記憶力真係好。 2005/11/14 今日要做下好學生先其實今日要返一堂姐，但因為英文測驗迫近，所以個拍擋就叫我早點
回校同佢練習，而且我都覺得有道理，所以就聽佢講，早三個鐘準時
回校練習了，但我發現雖然明白條問題係講乜，但有好多個字都講唔到
出口，唔再改善真係會死...OTL
而我亦決定早半個鐘食飯，費事要同人迫，順路去影印英文
測驗的後三條題目，因為唔知點解我會無了後面果三條題目，
好彩發現得快，如果唔係又死過... 之後就係灣仔區一些平時少行
的地方行了一陣，再回校上堂。
至於Science堂，我就係思考問題的時間走去問同學關於Java的
野，但就係呢個時候，啊Sir就走過來，睇下我地討論成點，但結果發現
我地係討論緊，但討論緊的係Java的野，之後佢就無出聲咁去了
睇後面果幾個，我果時就意識到我好對佢唔住...OTL (不過今堂所學的野
都算係幾快上腦)
返到屋企之後就休息一陣，之後繼續打Java Code，但發現我好似有更多的題
目同解釋都未做，要聽日一次過快速KO佢地同製作Class
檔，又要溫英文，之後又要立即做數，真係越來越大壓力...OTL
因為聽日就係英文測驗的實戰日，所以我又會繼續做好學生(被打
中)，早點回去同人練習的，希望聽日唔會出事了...~~"
P.S.聽日起，使用了一年多的「小車日記」就會正式刪除，而*.zip檔亦已經做好，
而家只係差一個可以放到呢批檔案的地方比我放低，咁就可以將11月之前的日記
再公開架啦。 2005/11/13 今日同網友行了好多地方其實琴日講的野，就係同今日做的事有關，不過係做乜野，我唔想
透露，我至多透露今日去過邊同部份買過的物品。
因為呢位網友話有本Java書可以賣比我，我又急需一本Java書來做功
課，而且我又要帶佢去一個地方，所以就決定唔上日文，改去拿書同帶路。
因為去灣仔前需要去東鐵沿線辦點事，所以就令到我出發時間遲了，我
決定聽另一位網友早前提供的意見，就搭東鐵去尖東，之後轉
地鐵過海，雖然呢個方法要洗多$3.6，但我真係唔想遲到，又
要網友等我，所以我覺得今次洗多$3.6係值得的。
到了灣仔之後，比原定的集合時間早了3分鐘，而且他都到了，所
以我地就立即做了交易先，就係我買佢本Java書，比完錢之
後，我就帶佢去一個地方辦點事了。
而呢件事好快就辦完了，而且他未食午飯，所以就去哈○斯食了個午餐，
就係呢個時候，我就睇睇本Java書，結果發現了呢本書裡面的其中
一Part竟然有我要做的Homework的答案！只要跟住Copy
就可以用了！不過我仲未明白裡面的Code係點解，所以都係
要問佢，但絕對唔係而家問。之後我就再帶佢去會展影風景相，好彩會
展今日無展覽，所以我地可以好順利咁用平時去Event的路
，去到海邊，指了可以取景的位置之後，連我都影埋一份，因為我
影的海景相真係太少了，不過美中不足的係，今日天氣真係唔多
好，見唔到太陽...~~"
影完相之後，我本來想帶他影戰前舊樓的，但因為見個天都黑齊，而
且這些樓都唔會有射燈(即係會好黑)，所以就由影戰前舊樓改為去金鐘影
高樓大廈，因為一入黑這些高樓大廈就會亮起裝飾燈，好靚架~
結果，去到金鐘影中○銀行大廈的時候，它剛剛就亮起裝飾燈
(而我亦好好彩，係三秒內就可以影到無亮裝飾燈同有亮裝飾燈的中○
銀行大廈~XD)影完之後，就係去搭地鐵油麻地買假髮給我出Hippo時用的~XD
搭車時，我就順路問佢我想要的Java的Code係點解，而佢亦都解釋比我聽，聽
完之後我發現要理解唔難，但啊Sir就講到好難，將簡單的野
複雜化，唉...
去到果間出名的假髮鋪之後，我就去選假髮，給果店員一找就找到個頭髮長
度合適的假髮比我，但顏色唔對，所以我就問店員有無我想要
的顏色的同形假髮賣，雖然店員話無，但可以訂造。經過一輪試
驗之後，我決定訂造，只需$168乍！早知係咁我就係呢間鋪訂，
唔鬼去女人街買了個唔合用的假髮，浪費自已的金錢！
訂完假髮之後，我就同佢去了旺角信○中心朝聖，朝聖期間佢突然話
「如果我買了果件野之後，我就要食谷種了...」，但我就將無錢用的情況講得
再嚴重一些，「這時應該要食麵包皮了」...XD，而在這裡佢又買了本同人
誌來睇~
當去完○萬之後，我就帶埋他去○旺商場，途中又開玩笑咁話「呢本同人
誌你一定會覺得唔夠，所以睇完之後你就會不自主地去拍賣網，
去找果有關的同人誌，又不自主咁抄低ID，之後突然有人叫你，你
先有番意識，但呢個時候你唔知點解你手上會有一堆ID」...XD
睇完○旺商場之後，就搭地鐵回家，因為真係好累，而且我都想睇果
本同人誌呢~XD 而我返到屋企之後，第一件事就係要研究本Java書
先，聽日就立即打Code同寫份程序表出來...OTL
P.S.1 係○和中心的某間要搬的漫畫鋪，我見到一本名叫「企鵝反擊」的漫畫，我
立即諗起Hippo應該要來個反擊了，不過之後又同網友講起Hippo亂入女仔房，仲要
望住人地換衫的時候，真係覺得Hippo反擊都無用~XD
P.S.2 係○旺商場內，當我地去到一間鋪頭裡面的時候，個老闆同我地講野真係非
常有自信~XD P.S.3 死了，而家又突然醒起有份要計數的功課要係星期四交，要問人了...OTL 2005/11/12 無題今日我會求求其搵野講~XD
睡醒之後，就睇了一套同美帝樂園賣廣告的節目同兩套動畫，頭果
套唔想評論，至於後面果兩套，頭果「星球流浪記」(它的正名正尋找
中)，我覺得佢的節奏實在太慢，有可能趕客，不過我仍會花
點時間去追的。而後面的「新銀河鐵道物語」，其實都唔錯的，因為
集集都要睇的人反思，要諗野的話自然就好睇架啦~XD
睇完呢三套野之後就做家務，而我發現上星期將家務交比其他人做的效果
係好差，最後都係要我拾手尾，唔通我要踏上Hippo的命運...OTL
哥哥返了屋企之後，我就落街買飯食，而去到街口時，發現因為塞車，所以有
幾個司機唔想跟住塞而偷雞違例掉頭同衝紅燈，而我又要行
過果個路口，所以我就係第四個司機跟住違例掉頭同衝紅
燈時立即行出馬路慢行，因為我所行的行人過路線是綠燈，所以
他必須停車，否則撞到我的話他就需要負上全部法律責任~XD
至於食完飯之後，我就睇了新聞同Suger 8話，鹽鹽做野都口不對心的，呢
頭佢話唔想人地做到北極光，果頭又要拼命去幫人，好似
RM的翠星石一樣，純係度就扮乖女，純一走就立即打壓雛苺~XD
至於晚上，只係同網友談過一些幾重要的事及交換意見，但整體
來講無乜特別...
所以，呢篇日記可能會令對今日篇日記有期望的人失望囉~XD 2005/11/11 今日最後果堂真係靜~咁首先講下WAG堂先啦~，而家起開始教用Photoshop，不過暫時來講就同
VAD堂所教的Photoshop有少少不同，好似呢堂咁，佢係教你點將相轉做
*.PDF(謎之聲：這是高鐵的夢想來~XD)，點樣去改幅相的顏色，增加
鮮明度，將相由斜改為正等等，實用性好似比VAD堂所教的高，因VAD
堂集中教你怎樣用Photoshop上色。而呢堂WAG，只係用了1小時15分就上完，
其餘45分鐘就用來做自已野。
而後面的CGD堂，今次就改了係357室上(謎之聲：打唔到機囉...)，不過啊
Sir的傷風因為拖到琴日先睇醫生，而上我地堂前就食了候糖，所
以出唔到聲，點名都要靠同學幫手，大部份時間只是將想講的野用白板
寫低，所以個課室真係好靜。但其實我同我的組員都無準備過今次的CGD
演講，全部靠即場表演，所以我就決定用上堂的時間來上六樓
飲了罐白茶，之後又去了還書，費時放學又要上去還，另外
仲講了比我果組其中一個組員知我們造那類型的Game，不過原來其中兩個
組員的其中一人話比我聽，我上年搶了他們其中兩個組員落我果組
度，我在此致歉，真係對唔住了，我會係今年幫番你地手來補
償的...OTL
由於我地上年已有同樣的經驗，加上這堂不會有人懂得發問
(謎之聲：上年就係因為有人懂得發問，講穿了我套遊戲的致命缺點
而令高鐵的總分很差，但好彩仍合格...)，所以我地果組就輕易講完，
放學後，因為我係組長，所以就跟啊Sir上了四樓影印演講稿(其實都唔洗印
架啦)，我地臨走前，啊Sir就同我地講「Goodluck」，之後我就返屋企休息
了。
P.S.1 返到屋企之後發現有人講Rozen Maiden Traumend 4話的野，所以我就知道已
經有字幕組做了野，我就立即去Download，話時話，真係好快，用了12分鐘都唔
夠就可以睇了。而睇完今集之後，我覺得除了雛苺係大輸家之外，純亦都係大輸
家，因為真紅呢個人偶已經夠煩，而家仲要加多個比佢更煩的人偶去佢屋企，而
且以前翠星石同純係平等的，但而家翠星石係主，純係僕。所以純，我只可以同
你講「Goodluck」...
P.S.2 而家做果份Flash Project越做越開心，因為組員決定用我最強的果範野做題目~XD |
|
|
