| 高鐵 的个人资料網絡分享系統-網絡日記照片日志列表 |  工具  帮助 |
|
2006/10/17 我的存在感係咪真係咁弱？今日一去到課室門口，我班的班主任就剛剛出來並對我說「你咁遲先到架，
要上美術堂了，去503啦！」，我當然點頭回應啦，因為係班主任對我講架嘛~
(不過又懷疑無端端上甚麼美術課...)
點知上到去503，又發現原來係另一班上美術堂，當我覺得奇怪的時候，就打
電話去問同學究竟係邊道上堂，結果果位同學答我「303B」(即係我當初到達的課室)。
當我開門入去後，更無奈的事又發生了。
「同學，你入來做甚麼？」←我要極度強調，這是我班的班主任對我說。
我當然說我是來上課吧！之後其中一位同學開始對我說「你的存在感太弱了」
，我的班主任先意識到我真係佢果班的同學，之後佢就問我點解咁遲，我當然作個原因
了事話「因昨天太多事要做而太累，最後唔知醒」，最後我就係入了有熟人的一組。
我只是連續兩星期畜意遲一小時上課，但演講堂我有返的！而且我果班得15人，比其他
正常班級少一半人，其他初次見面的人都認到我，班主任你竟然仲未認得我，唔係掛...
P.S.1 不過我入的果組就偏偏要想一個「警菲+愛情」的故事出來，所以我只係諗到好少野...
P.S.2 魔法老師第152話，蒔繪同班長已經慢慢步千雨妹妹後塵，進入魔法世界內，我相信
她們成為涅吉後宮的日子指日可待了~XD 2006/10/10 今日認真夠哂驚嚇事件起因係咁的~
因為昨日太多野做，而今日朝早上果堂又係睇戲，講真，人都未訓醒就要睇戲，
睇乜都無精神啦，所以我今日特登遲30分鐘起身，之後放慢動作梳洗，再開電
腦睇完魔法老師第151時間目漫畫先出門口。
不過就係出門口之時(其實都未算出了)，有一件非常驚嚇的事發生係我眼前！
當我行出門口的時候，外邊有人按動電梯的呼喚掣，由於我住的果一層唔係得
我一個單位，有其他人按掣係正常到唔正常，所以我並無特別去理會按掣的人，
之後我就向家人交代一下聯絡方法後，就關門穿鞋，此時可能是關門聲的問題，
按動電梯呼喚掣的人把頭伸到我面前看看發生何事，而我亦看看是那家人望我，
準備對佢地打招呼(我係好好禮貌的)，只不過...
係我眼前出現的人竟然是現在教我某科的啊SIR！！
我頓時無言以對，定神後立即開門並問啊SIR為甚麼在這裡，不過我見佢著得很
整齊，而手上只是拿著一個透明保鮮袋(裡面放了野但睇唔清楚)，又無帶相機，
根本唔似來影相...
就係搭電梯之時，佢問我幾點返學，我答佢8：30(我出門口的時間是9點)，佢立
即好大反應話我遲到，不過我就話係特登的，一出大廈門口，我就立即飛奔回校。
到了中午食飯，我又見到佢，而佢亦將我今朝的事講比其餘果兩個啊SIR聽(佢兩
個都有教過我)，之後我就係咁而對佢地解畫，再問一次啊SIR點解會係我住的大
廈出現，但佢話佢無處不在，結果都係問唔到答案...
不過如果啊SIR係外人的話，咁樣即係暴露了我住緊的大廈有保安漏動...
但我真係要查下佢係我座大廈出現的原因才能了...
P.S.1 其實魔法老師第151時間目的內容都好夠驚嚇度架，例如麻帆良黃牌明日菜同
剎那一出場就比超鈴音KO，之後都無再係151時間目出過聲，以及麻帆良大戰正
打得火熱，麻帆良學園師生正處於下風之時，全學園竟然得蒔繪同班長唔知，呢
兩點真係令我極之驚嚇！
P.S.2 千雨妹妹拿住從者道具時做出的無奈表情真係很萌啊！XD 2006/10/8 輕鐵761線要摺了所以，我係昨日入了元朗影761線的最後一面...
一入到元朗，我立即到幾個可以影靚相的地方影，而且加上腳架的幫助，
很多相都影得幾好，但某幾幅因為Set錯野而太光，要用軟件較番暗佢...
之後就係到塘坊村，搵番一個兩年前係同一位置影過相的位準備再影一次，
只不過果時的靚位，現在竟然滿是高高的雜草，根本唔可能影到靚相，加上
付近出奇地好多重型貨車停了係度，又有惡犬，我為安全起見，影了半個鐘
就走，之後行到某個公園內的遊樂埸之時，竟發現裡面有一個外邊遊樂場沒
有的設施，就係「9面併圖」遊戲！(雖然我玩開16面併圖)，所以我立即整亂
佢，之後用了大約150秒島就併好，可能係睇完16面併圖攻略法，所以知道9
面併圖點玩啦~XD
這時，某位網友打電話比我，問我今日去唔去秋祭，這時我才想起今日是秋祭...
但算了，星期日去一樣姐~
之後就搭車入天水圍，行下果兩個成日話行，但最後會唔記得去的商場睇野，
睇完後再經西鐵天水圍站到輕鐵天水圍站搭706線去天榮站，轉761線返元朗，
作個記念~
等了約兩分鐘，761線的列車就到了，而到站的呢抽車，是今日全線唯一一列
第三期列車，仲係拖卡呢！有幸我可以搭到佢，雙重驚喜~XD
用了約30分鐘，我終於都到了元朗站，再轉西鐵到天水圍站，之後搭回頭車
返南昌站，之後行去電腦商場問電腦零件的價錢，順便再買電腦書，不過因為
各本書的內容差距太大，睇到我頭暈，無法作出比較，所以今晚看來都要問下
啊Sir大約會教到幾深，再跟番佢提供的資料來搵書囉...
P.S.係我由車站用急步行去電腦商場的時候，竟然可以快過經同一路段的巴士... |
|
|
