| 高鐵 的个人资料網絡分享系統-網絡日記照片日志列表 |  工具  帮助 |
|
2007/1/26 去迪士尼要做足準備~係啊！我真係做足準備架！我係外邊物價正常的地方食完午飯先搭地鐵入去架~XD
不過今次特別點，我想順次序列Point作答，唔想用故事模式講今日發生乜事，
因為我想節省番點編輯時間...(被打中)
明日世界-太空山
我入了迪士尼之後，第一件事就係慢慢行去太空山玩「飛越太空山」，結果係近乎唔需要停低的情況下就可
以玩到~XD 而係呢道亦係我差唔多係唯一可以搵番係東京迪士尼裡面果時的感覺。我玩完之後，唔知點解會
有種頭暈同發冷的感覺...
幻想世界-米奇幻想曲
其實呢個係3D影院來，又係果句，係近乎唔需要停低的情況下就可以入去睇戲，原先我諗住錄埋內容的，不
過諗到要錄煙花表演時，我就決定停機，並洗了錄了的片。只不過就係我做完呢個動作10幾秒之後，竟然有
水從天而降，而且份量算係幾多(但並至於弄濕身體)！雖然呢個係套戲的其中一個Event，只不過如果當時我
唔收埋部機的話，部機一定會比水淋濕，真係好彩...
探險世界-森林河流之旅
呢個項目其實都算係幾好睇的，因為河流上的Event幾多，而且亦都感受到個Event的威力(例如濕身同感覺到
有火燒埋來的感覺)，不過美中不足的係導遊講得唔夠精彩...或者可以話講得唔夠投入，悶了點。另外我係呢
道收到張問卷調查卡(謎之聲：假的！果張係比演藝人員Check排隊時間用的卡來！)，係上船前我交番比演藝
人員。
美國小鎮大街-迪士尼巡遊表演
係從森林河流之旅果位導遊的口中得知的，所以係差唔多的時間就去到等巡遊隊來，而且仲影齊咁多隊的相~XD
我覺得個巡遊唔錯啦，演藝人員跳得唔錯~
探險世界-泰山樹屋
睇完巡遊後，我就到泰山樹屋參觀，不過首先要克服搭船呢個問題，因為人龍好長，而首船的載客量又少，變
了好難清客，不過排了25分鐘島就可以上船，到泰山樹屋睇，而我係呢個時候先知道，泰山一家係比一隻好普
通的豺滅口的...XD" 係我走的時候，可能係演藝人員發現人流太多，所以已經加開一隻船去載人。
香港迪士尼樂園鐵道
講真，呢個係我今日最唔滿意的項目來(聲明：我唔係從鐵道技術去睇呢條鐵道)，因為人流太多同車上好多乘
客唔落車，外邊又無確實等車時間，車站又無坐椅比人坐，又唔加車，結果等完15分鐘又15分鐘先上到車，但
又坐唔到想坐的位，又累又失望，真係一大失敗！結果我為了「報仇」，決定搭足1.5個圈！，仲要坐自己想
坐的位，之後拍埋片！
熱朱古力
係搭完火車之後，唔知點解我開始覺得冷，所以到火箭餐廳同小鎮大街兜下睇下有乜野可以買來食，但唔得，
物價太高買唔落...OTL 結果係行過一個快餐亭果時，我見到有熱朱古力賣，但要$20一杯，雖然我想打消購買
念頭，但諗諗下買杯熱野飲的話可能可以解決冷同餓的問題，所以我最後決定買一杯來飲，呢杯熱朱古力比外
邊賣的略大，而且味道幾濃，有朱古力味，係飲完之後我真係唔覺得冷同餓。
※當返到屋企果時我先知道天文台係下午四點發出寒冷天氣警告，同我發冷的時間吻合...
睡公主城堡-「星夢奇緣」煙花表演
呢個煙花表演係配合動畫同音樂做表演的，係表演時廣場的燈光會調暗，而且煙花同音樂真係好震撼！為了
可以重溫呢場煙花表演，所以我早就預留了11分04秒的錄映片段來錄呢個煙花表演...但可惜竟然差10秒！差10
秒我就可以錄哂成個煙花表演架啦！！T^T+OTL
結果，部相機的Save Card就首次發生一件我唔想見到的事...塞爆卡...OTL
雖然錄唔哂整個煙花表演，但係某情度來睇，呢件係一件好事，因為只係迪士尼呢個咁細的地方都可以塞爆
卡，咁出外旅行果時點算？不過而家都有Notebook囉，就算塞爆卡我都可以將相過落Notebook度，咁張Save Card
就重生了~XD 所以我今次應該要帶埋Notebook去迪士尼至係正路，反正有儲物櫃...OTL
另外，我有好多想玩的項目都因為某些原因而無排隊去玩，因為得一個男仔，去玩某些項目會比人用奇異的
眼光望住架嘛(謎之聲：呢道係香港唔係日本)...所以，下次去迪士尼最好都係同女友，女性朋友或者一班朋友
去，咁就可以玩到最多項目了~
P.S. 我就來受唔住新房昭之的惡搞啦！佢仲要折磨我的蒔繪折磨到幾時呀！！OTL 2007/1/23 MWSP測試成功所以從今日起，我可以係部份大型之Cosplay活動中提供即時進階執相+分發相片服務，另外係趕功課的時期，
我亦可以唔需要同人爭電腦用(最重要係亦可禁止人地使用我部電腦)，工作效率自然可以快好多倍~XD
其實MWSP的全名為「Moving Workstation System Project」(移動工作站系統計劃)，講得簡單點，即係利用高性
就係琴日我終於都買齊哂所有Notebook的配件，所以今日就決定拿部機出去試用，而試用地點就係海港城！
因為我成日都見到果度有人上網！咁當然，我唔係去到就立即試用啦，因為我都要行商場架嘛。
結果係入了去10幾分鐘後，我就搵個地方坐低，之後開著部Notebook，只不過我唔係果時第一個開電腦的人
來，因為係我隔離已經有一位女士開了電腦，仲用MSN的視像功能同人開會(不過佢隻「眼」超大)~XD"
開著部機後，我就睇睇海港城有幾多個無線網絡，結果真係喜出望外呢！竟然有兩個！XD
其實我好想試用有○寬頻好耐架啦，所以我就諗住連去有○寬頻果度，只不過真係可惜，佢個網絡我連唔到...
結果我只可以死死氣咁去連第二個網絡，結果好快就得了，而且仲係商場少見的802.11g網絡呢~XD
結果全部都能夠成功上載~XD
只不過我係呢個時候發現，使用Notebook上網的人，已經由2個大幅增加至8個+1個人用PDA！(謎之聲：唔怪
得上網速度咁慢啦！)，而佢地使用的電腦牌子，大多數都係HP，COMPAQ(已經比HP食了)，真係高級呢~XD
上載完之後其實都已經無乜野可以試，不過舊電的消耗速度好似真係快了點，開機一個鐘已經無了一半(謎之
聲：已經調校到自設的最省電模式架啦！)，所以如果係Cosplay活動中要用到呢部機的話，都係搵個有插頭的
地方先再講啦~
之後，我就離開海港城，去第二個地方試野，但測試內容同Notebook無關之餘，仲唔多方便講，所以唔講了~XD
整體來講，部機無比到負擔我，而且亦無影響我步行的速度，加上我亦可以使用佢係平時無辦法上網的地方
上網(謎之聲：呢樣最重要呀！)，所以我覺得測試非常成功~XD
P.S.其實部Notebook唔只可以用來執相，仲可以用來打機，用來睇動漫架，尤其是遇到天地堂同Cosplay團的人
想睇動畫，或者我想指出某些動作時就可以大派用場啦~XD 2007/1/21 理大藝墟第二日今日，比昨日更成功之餘！仲有組蔥頭團希望！
原先我係諗住為了大邪神參拜儀式先去的，不過又諗起琴日有人問我支杖點造，但又問唔哂，加上我仲想繼續
玩，所以決定今日去埋。去到會場之後，我就帶番個假髮，之後到賣同人誌的部份睇睇，結果搵到原先約定的
人，並發現個場轉了樣，所以我又重新睇睇個場有無合我的野賣，但可惜仍然係無...
只不過想行出去的時候突然有一位女性叫停我，原來係昨日的果位，因為我都想搵佢的關系，所以二話不說，
繼續講解我支杖同之前封印之鍵的製作方法，睇來佢都大開眼界呢~XD
之後我又兜出場外睇野，又兜番入場，結果終於搵到我想搵的Cosplay，就係麻帆良學園的學生們~XD
我立即走到叫停佢地，請佢地比我影相，最後當然係順利啦~XD 但估唔到的係呢幾個人之後竟然比了驚喜我！XD
之後我就再出去，搵了貞德同辛巴達影了幅相，再返去場裡面，並去到大邪神的檔口前，剛好呢個檔的人開始
有異動...原來佢地開始Cos祖國版大邪神！並且做了好多好搞笑的動作，同一時間，亦同一個認識了多年的網友
談天，同時又係呢道認識了今年第一個新網友~XD
之後大邪神出巡，我就同果位新網友跟住佢地行了個圈，影了幾幅相~XD
返到去之後，佢地繼續惡搞，真係笑死我地~XD
之後我就同果位新網友談了一陣，再去買飲品飲的時候，奇跡就出現啦！XD
茶茶丸突然係我後面叫我，話想同我打番場，不過我飲緊野，所以話遲點去搵佢。當我飲完野之後就立即搵佢
(同埋依文潔琳)打番場，但因為明日菜唔係我身邊，我又無從者卡的關係...最後打輸了...OTL
而驚喜就係呢個時間出現！
依文潔琳說想搞蔥頭團，而且又見我出蔥頭，所以就話有團的時候搵我一齊出團，我聽到之後好開心！因為我
諗住係今年四月先開始諗組團的事，但估唔到可以早三個半月開始組團，我當然高興啦！
係交換了E-Mail之後，依文潔琳她們就走了，而我同新網友亦繼續兜圈，竟然又發現大邪神又惡搞！今次的惡搞
係跳「印度麥可傑克森」舞！(不過只係跳了1分30秒...XD)，我仲拍了片呢！XD
好了，我來呢道唔係仲有一個目的架咩？無錯啦！係睇大邪神參拜儀式！不過果邊等了四個鐘頭都仲未開始，
所以我決定唔等，同網友道別之後，就同新網友離開會場，之後搭東鐵走~(真係唔好意思，因為太開心，所以中
途講得太多鐵路上的野比呢位新網友知...>_<"+OTL)
所以今日去理大的相片+人際關係收鑊比起昨日更好，同上年比，上年簡直係無得同今年比！XD
P.S. 不過去到大快樂買飯的時候，明明平時兩分鐘可以搞掂的外賣飯，唔知點解要用成兩個字先比到我...不過塊
排幾脆就真的，因為剛剛整好~XD 2007/1/20 理大藝墟第一日今日係理大藝墟第一日，好奇怪，我唔知點解會有種想玩Cosplay的感覺，所以我係琴晚臨急臨忙之下去完成
蔥頭用的果支杖，之後直接著住套Cosplay衫搭車到理大玩，但都比原定時間遲了兩個鐘先出發。
係同網友會合之後，我就帶番個假髮，同佢地一齊到售賣同人誌的地方行下，不過仍然都係無我想要的野賣...
只不過行行下，突然之間有幾個人叫停了我，我轉身後，發現原來果幾個人係想同我影幾張蔥頭相！
結果係果十多秒之間，就有十多個人一起影我，真係好！我係第一次試到比人圍影的滋味！
之後，我地就走到大邪神的祭壇前，係呢道，我果邊的網友又有新搞作，就係齊齊跪拜大邪神！XD
只不過我跪大邪神的話會比果31個後宮打死，所以我唔跪得，只好助興同影相了...XD"
之後我地就兜了出去外邊行了個圈，可惜無人搵我影相...(更可惜的係我亦搵唔到很多目標影相...OTL)
再返入去售賣同人誌的地方行下時，我突然聽到一首好耳熟能詳的歌，但因為唔記得係邊套動畫的歌，所以
就去問司令台而家播緊乜歌，最後司令台的人答我播緊的歌係數碼暴龍第四輯的ED(啊！我終於記番起了！XD)
，只不過我地無因知道答案而離開，因為果位人兄見我支造得話好唔好，但又唔算差的杖後，就講了少少造道
具的技術比我知，唔錯架~XD
只不過當我地轉身離開之際，突然有一位女性叫停我，不過唔係問我影相，而係問我支杖係怎樣造，之後我就
同佢講呢支杖係點造，同用了幾多時間造，係談話的時候，我知道原來佢係某檔的職員之一，因為佢要看鋪，
但又見我地一直係大邪神個檔度唔肯行過去佢果邊，所以一到可以交更的時候，佢就立即衝來問我野~XD
之後我地就係室外某張長椅上休息，之後仲玩撲克牌，結果五個人之中，我以一勝三和的成績告終，終算對得
住鄉親父老囉！XD
之後，我就兜多幾次個場，確認無其他想影的人之後，我就同班網友道別，返了屋企了~
雖然今日相片收入唔多，但人際關係方面的收鑊反而是以往最多的呢！ 2007/1/10 祝朝倉和美生日快上！今日係魔法先生裡面其中一個角色朝倉和美的生日，我祝佢新一年胸部要變得更大...XD
而佢的生日，對我來講亦都好有意義...
好了，要開始入正題了~
係上個月，我屋企終於都有無線網絡用了。
但估唔到係短短的一個月間，我就可以將個網絡升級至可以對應PS3，PSP，Notebook及大腦可同時高速上網的
頻率，而投資的成本亦創下無人能及的新記錄，就係$0...
我原先諗住要投資$500做無線網絡升級，但點知早前家人賭錢勝了，所以我問佢拿了$200買了隻手指，用來比
部舊Notebook上網。而係月尾，我家人就買了部新Notebook，而部Notebook亦都跟了成千圓的禮品，唔知係我
好彩定係怨念太強，剛剛禮品之中就送了個無線Router，而非常奇怪，果個無線Router剛剛就係我預定會購買的
果個來...
結果，屋企係無洗過一毫子之下就完成整個網絡升級程序，而家我係有能力將部大機同Notebook四圍搬，都唔
驚要重新拉上網線，而將來會購入的PS3亦唔驚因為無得無線上網而廢了武功...XD
另外，個新Router亦無出現好似舊Router咁因經常用BT而斷線及防火牆過度阻擋利用MSN等程式傳送檔案的情
況呢~XD 2007/1/1 今年應該會幾好運~網絡分享系統祝各位網友新年快上~
今年第一件要做的事，就係去搭九鐵~(邊條線都可以~XD)，而我自己就選擇了搭東鐵，
因為東鐵有兩隻型號的列車可以比我選擇XD
不過我當然唔係只係搭，仲會影相了，所以我就去了大學站影相了。
不過係企係月台的30分鐘裡面，居然比我影到多個難得的鏡頭！
1)兩列MLR列車合照
2)兩列SP1900合照
3)三部東風十一機車頭，其中兩部前後相距只是十多秒
因為超額完成的關係，所以我亦提早離開大學，到沙田行街，不過同時仲要搵埋合適的手提電腦，因為我真係
有需要買部手提電腦來應付急劇增長的功課...
結果，我竟然搵到一部性能極好，但售價平過外面$3000元的手提電腦！只不過因為機身顏色同比錢果位唔係
我身邊的問題，我只可以視而不見...OTL
到返屋企時，就係我試下自己運氣的時候，睇下自己係咪係唔需要選車搭的情況下來回都搭中SP1900，結果來
的真係SP1900，而且仲係由大埔墟出發的呢！(由大埔墟出發的列車的特點係好多位可以坐)。
結果，我今日就可以無視MLR的存在(雖然影了好多MLR的相)~XD
而且今日都總算是心想事成，加上用BT下載的速度比預期快，所以今年我覺得應該會幾好運~XD |
|
|
