| 高鐵 的个人资料網絡分享系統-網絡日記照片日志列表 |  工具  帮助 |
|
2006/1/23 續談昨日城市論壇內容係今日香港電台已經將昨日城市論壇的內容放了上去它的官方網頁內，
所以我就立即下載果段有個學生胡亂批評九鐵的片來睇，結果又
真係發現到，所以我就將果個學生講的野寫底，再貼係度比大家睇！
好危險(未拿咪之前已立即講)
我係救恩書院的中五學生
就今朝我搭火車來呢道(維多利亞公園)，覺得好危險，無啦啦度門唔閂呢好危險架嘛，所以我而家有個秘訣大家聽住，呢入去最後果D位(指連結位付近的位)，咁就唔驚度門唔閂了，係咪先，一來唔驚因為又無防，又無安全門呀嗎？呢樣野又好危險架嘛，(主持問：無閂幾耐啊？)，好彩今日無(嘉賓笑)，就係就係今日有咁多位九鐵同事係度呢，多謝你地先，但我想講呢，我唔係唔信你地啊，唔係唔信你地，而家人手已經唔夠啦，你地仲可以支持係度，我唔係話你地會好得行，我知道你地係個心情好疑重咁來的，但我想講呢，我都係信自動操作(ATO)多過人手(ATP)，真係唔好意思，真係唔好介意我咁講，我好驚，因為我今朝我媽都叫我小心D。(嘉賓大笑)
我就一段段反駁佢！
就今朝我搭火車來呢道(維多利亞公園)，覺得好危險
你覺得危險可以搭307線巴士來(救恩書院係大埔)，無人迫過
你搭東鐵。另外你搭得東鐵即係你覺得佢安全，你又搭佢而又
話佢唔安全的時候，是否自打嘴巴呢？
無啦啦度門唔閂呢好危險架嘛
甚麼叫「無啦啦唔閂門」？列車一向都係閂了關先開得架啦！無
錯，即使在開門狀態下，司機可以解除制動，不過正如九鐵所講，
列車會拒絕司機使用電門加速，所以列車只會在有暗
斜的車站向前或向後滑動，但我強調而家所有司機都會在停站
時使用一定力度的制動，列車無可能移動！
所以我而家有個秘訣大家聽住，呢入去最後果D位(指連結位付近的位)，咁
就唔驚度門唔閂了
如果人多時或者係中途站上車，呢道的位早就比人坐+企
哂啦，你有得選嗎？仲有講野唔好咁串，乜野叫「我而家有
個秘訣大家聽住」...
我都係信自動操作(ATO)多過人手(ATP)
ATO唔係神，ATO一樣會出錯，一樣會過走，一樣會
停得唔正確，機會仲大過用ATP行車。而且香港一向設定
ATO都麻麻地，開車及停車非常大力，唔似得用ATP，慢
慢加速同慢慢停而做乘客的我係無感覺的。而且班司機只係
比ATO寵壞，一時間下禁令唔比用ATO之下未能適應使用ATP
行車，但過多兩三個星期，找回停車的節奏之後一定會比而
家好！另外如果你話信ATO的話，真係唔好搭輕鐵啦，因為輕
鐵連ATP都無，你實會好驚~XD
我好驚，因為我今朝我媽都叫我小心D。
都係果句，你覺得危險可以搭307線巴士來，無人迫過你
搭東鐵。
我駁完咁多句之後，我發現其實佢只係一些「惟恐天下不亂」的無
知青年，人地個個係度提問，佢就只係識得係班前線
九鐵職員面前罵佢地，仲要做埋一副目中無人的樣出來，
恨本就有心係度搗亂，影衰間學校，影衰埋自已。
有興趣的人可以入去搵番果集城市論壇來睇，至於果位無知責年發展偉論
的果段大約係第二節9分30-45秒左右。
P.S. 今日入了去西九龍海濱長廊度睇過，發現影香港海景相一流！因為風
景好場地又乾淨，所以玩Cosplay都勉強得的，不過路程過長，而且附近太
荒蕪，所以唔建議唔行得的人去。(另外仲影了場地相，想睇的話問我拿了) 2006/1/22 理大藝墟第二日今日我係屋企睇完城市論壇之後，覺得某個中六學生的行為及所講的
野好白癡。至於我跟據乜野來評論佢的說話係白癡呢？就是跟據
今日的討論內容「九鐵事故要問責 監管營運須得法」而定的。至
於呢條友一開聲就罵「好危險」(指九鐵)，之後就不斷唱衰九
鐵及其前線職員，最後仲要補多句「我只係想用自動駕駛系統
行車」(以減少佢認為係危險的事發生)。我聽完佢所講的野之後，首
先要比個膠佢，之後就要話比佢聽「你咁唔滿意九鐵，你
可選擇乘搭巴士，從來無人迫過你搭九鐵」，另外當台
下個個觀眾都係提供有用問題給嘉賓回答時，你怎可能只係
識給予負面意見，將自已的意見當係大部份香港人
的意見，只係識不斷罵人，又唔幫手諗點樣去解決問題？
九鐵職員都係人，不應該無理地責罵他們，令佢地增
加壓力，所以我係好憎呢類得個講字的人，另外希望當日有
在場聽的果20幾個穿著制服的九鐵員工不要介意佢這些無
理的說話。
上完日文之後就去了理大藝墟繼續參觀，而且仲一口氣購入了8張
Rozen Maiden Traumend的同人書簽(其中一張係賣比人
的)，之後就同撞到的網友一起找目標，結果又影到另一個水
銀燈呢~XD
返屋企之前，我特登搭一次MLR列車去尖東站同返去紅磡站來錄
加速音，因為呢段平時係用ATO行的，加速會就住就住唔出
咁多力行，不過今次用ATP行，司機會令抽車行得彭湃一點以減
少工作量，聲都會大點~XD
去到旺角站之後，我原先諗住用自動售賣機買杯熱朱古力來飲，不過
部機好似壞了，就算唔係壞，佢整野的速度都好慢，所以我決
定改目標，係車站的自動售賣機買了罐凍的TaKaRa(唔係玩具商
TAKARA)牌密桃汁來飲，之前就係聽住AIR首Ending返屋
企...等等，觀玲唔係就係鐘意飲密桃汁架咩！？頭先一路聽AIR
首Ending，一路飲密桃汁，咪變了貼題，記念觀玲曾經係呢個世界
上存在過！？
P.S. 原來日本的罐裝飲品指示仲低能過香港...XD 2006/1/21 理大藝墟第一日今日係一年兩日，理大舉辦Cosplay及售賣同人誌活動的日子，我諗住
去睇下見唔見到有我想影的人。
不過我係去影之前，就先行去九龍塘廣播道睇下各間電台及電
視台的總部，仲係每間電台及電視台的正門都影了一幅相呢~XD
之後就係九龍塘站搭九廣東鐵經尖東站(搭回頭車)去紅磡站搵網友
一齊搜尋目標，而我因為係鐵路迷，比其他人對鐵路系
統更加熟悉，所以我係絕對唔會信報紙所講的野，我對九
鐵的服務非常有信心，只不過班司機太耐無操過ATP，手
車唔係太得，公司一唔比用ATO班司機手車就現形了...=.="
不過再過多一兩個星期應該就會好好多。
同個網友入去兜了個圈之後，就因為太少人同想影的人未出現，
所以我地就行了去海邊，海○城，一間專賣日本書的書
店睇過之後，就行了返去理大，結果一入到會場就發現了一班出
RozenMaidenTraumend的人，不過網友話成班人係有九
樣野係做錯了~XD 另外呢班人真係齊得好緊要，除了雛苺
之外，包括羅真(父親大人)，ラプラスの魔(兔子)，ラプラスの魔(人形)，
純(著住Lolita衫)都有！
因為已經捉到今日想影的目標，所以就搭東鐵去旺角，行了
信和，而且係呢道又撞見另一個網友。不過因為我行得太多
路好累，所以送了網友走之後就回家休息..
不過我仍然好期待聽日仲搵唔搵到其他想影的角色及網友~^^ 2006/1/19 估唔到我為了件衫乜都做得出今日打開洗手間的窗通風的時候我無聊望望下面，結果竟然發現我早前
被大風吹走的衫居然係果度！(謎之聲：屋企晒衫的位置唔係
洗手間果邊架喎，點解件衫又會係果度出現的...？)，就係因為
咁，所以我就望望件衫付近的環境，結果發現付近有一個天井位，
天井位可由氣窗進入，而天井位內有一把木梯，我諗我可
以用呢個位爬上去拿番件衫，不過要先解決由氣窗爬入去
呢個天井位的問題先...
之後我就落到大堂，問看更我可唔可以爬入去，結果看更話可以，所
以我就立即找工具，之後又輕易地就爬了入去。不過爬到入去先發
現原來把木梯係鎖了...不過把木梯其實都好近件衫的位置，所以我
就爬上去，結果真係發現件衫好近把梯，所以我就再問看更借了把
掃把來釣住件衫，又真係釣到喎，所以我就拿埋件衫返屋企
洗了，不過係天井由氣窗爬番入大樓果時就辛苦好多，要看更幫手
先爬得番入去...
最衰我無帶相機，如果唔係就可以試下由另一角度去影下層樓...XD" 2006/1/13 原來個160GB的HDD真係壞了係今個月8號我買了個新的160GB HDD來送比自已當係生日禮
物，主要係因為我個舊的30GB HDD就快爆滿，而且因為容量
太細，無辦法配合我將來的需要，所以我兩個月前就決定
買一個120GB的HDD(謎之聲：你唔係話買了一個160GB的HDD嗎？)，
原先我的確係買一個120GB的HDD的，不過到買的時候卻發現只需
加$13就可以買個160GB的HDD的時候，我就決定買果個HDD
了，仲要盡量趕及係10號生日當日可以投入服務！但最後都
係失敗了...OTL
不過個HDD買了返來之後的第二日，我先發現間格的方法不同於舊的
HDD，係需要一隻Format碟去間的，不過我無果隻碟係手，所以就
去問親戚有無解決方法，結果我就拿了隻舊版本的Format碟返屋企
試下Fidisk，不過隻碟讀唔到我個HDD的容量，所以整完之後個HDD
就出了一個我之前未見過的問題，之後我就上網查，結果發現只
是輕微的問題，後來又有網友主動聯絡我，提供了解決
方法給我，所以我就再試，結果成功入到Windows的安裝畫面，不
過Windows只是檢查到個HDD得33GB，裝來裝去都係咁...
第三日我就問親戚發生甚麼事，親戚說他給的係舊版Format碟，所
以隻碟有機會檢查唔到個HDD的實際容量，所以他就即場幫我
間了格，再拿番屋企安裝，不過個Windows都只係檢查到我個
HDD得33GB，而且我因為唔係太熟悉Windows的安裝程序，所以
就不斷係初期安裝畫面原地踏步...^^"
第四日我再問清楚安裝Windows的方法時，剛剛就有部機做
緊我想做的野，所以我小心觀察，後來再將記到的程序及兩隻好重
要的碟拿了返屋企跟住做了，雖然係做到間格同初期安裝，
不過唔知點解個Windows話比我聽搵唔到個"hal.dll"檔，無法
進入Windows繼續安裝，雖然我問過有關"hal.dll"檔的事，但我唔
識係未安裝Windows下將檔案Copy到HDD內，所以都
係用唔到個HDD...
到了今日，我就等到中午，決定找機會問親戚再問他有無方法
解決問題，結果親戚就說「個"hal.dll"檔原先一定係個HDD裡
面，如果無的話個HDD肯定係故障，拿去換了」，雖然我
昨日亦講了我想拿去換，不過其中一個親戚話無證無據人地
唔會換，所以我先無拿去換，但今日聽完我第二個身為系統工
程師的親戚講可以換之後，我就立即拍板拿個HDD去換，結果
就換了個同一牌子但型號不同的160GB HDD，而且外
觀上比未換時的果個好~XD 我按照之前所得的經驗來
間格，再安裝Windows，結果個Windows好成功咁裝到落
去個HDD上，不過我只係將Windows裝了落去，未得閒裝其
他要用的程式，所以我諗住個160GB HDD係15號先正式投
入服務，不過舊的30GB HDD唔會因為咁而廢棄，我仲要拿
佢來做功課同放Data架~XD"
P.S.1 買了個160GB HDD後，我就要計劃去買張新的Display卡同TV卡了，
因為我買個新HDD的其中一個原因係為了打機同錄電視節目~XD
P.S.2 睇完RMT 10話之後我覺得純好似給父親大人，水晶同兔仔玩緊，因
為佢竟然可以係同一個地方一次過見到佢地~XD 2006/1/10 2005年高鐵大事回顧油了紅字的字係我覺得對我來講比較重要的事。
2005年1月
自會考後第一次返母校拿會考證書
舉行Doremi感謝Off會
2005年2月
買了一套Doremi情景模型 係我的上學歷史上第一次要「初四啟市」
在CW中認識到新朋友
開始迷上「人魚旋律PichiPichiPitch」
2005年3月
組成棒也戰隊參加動漫問答比賽，但最終都係因為實力不足而出局
舉辦了一次Doremi私影
首次借了e-pitch來玩
2005年4月
因為交Project期限迫近，所以和同學開了好多次會
開始籌備Pitch私影
正式迷上「人魚旋律PichiPichiPitch」
購入「Pitch Pretty Cure 2」
2005年5月
參加香港駕駛執照考試，筆試合格
相信係全港第一支的e-karamix及Save Card入手
2005年6月
Doremi全201話在香港播完
參加毅進計劃的期終考試
收到消息「人魚旋律PichiPichiPitch」會在香港播出(無奈)
2005年7月
我第一次出Cos，是Cos PangYa裡面的主角之一 KEN
同日舉辦Pitch私影，但因下午落暴雨及有團員病倒而需要中止私影
Pitch Web啟用
「人魚旋律PichiPichiPitch」正式在香港播出，劣評如潮(無奈)
在科大的活動認識到新朋友
開始迷上「Rozen Madien」 參加香港駕駛執照考試，因練習太少，轉灣時車輪撞到行人路而不合格
毅進計劃合格，我已經有相等於會考5科合格的學歷
2005年8月
在香港漫畫節2005正式出Cos，是Cos PangYa裡面的主角之一 KEN
從網上購入「Pitch Pretty Cure」
e-kara中未出現過的Pitch歌「希望の鐘音~Love goes on~」特別版入手
去拿毅進計劃畢業證書，同日試乘地鐵迪士尼線
在交友上出現小挫折
幫SBI宣傳它的毅進計劃課程及人生中第一次打工(雖然得一日)
參加了CW
首次在地鐵迪士尼線迪士尼站出閘，除入場外，看完整個迪士尼及迪欣湖 2005年9月
參加香港駕駛執照考試，路試輕易合格
正式在MH上堂，不過但上學初期所預到的事卻非常不如意
首次參觀九廣鐵路公司何東樓維修中心
單身人士計分制通過，排隊上公屋由等三年變成無限期(不過可能是好事)
參加了由KT IVE舉辦的「螢之祭」
第二套Cosplay衫"劍士Hippo"造好
2005年10月
我第二次出Cos，是Cos Pitch裡面的劍士Hippo
因為我思維錯誤，令我的交友歷史上再出現嚴重的錯誤
正式返母校探舊先生及交代我上年的行蹤
因地鐵荃灣線壞車，所以我再一次乘到由觀塘線開出去中環的「直通列車」
2005年11月
舊的MSN User正式停用，但會保留e-mail
為配合我的形像工程，新MSN User及「網絡分享系統」正式啟用
正式迷上「Rozen Madien」
在啊Sir知情的情況下在課室吃牛肉飯
在校內一次過認識了幾個同學
首次參觀立法會
2005年12月
首次及首個在學校玩自已的PS2 Game的人
香港高鐵南北線延線正式通車
正式取得第一及二類香港駕駛執照
首次進入跑馬地行街
TS KTK成功購入AE形
因世貿會議而令灣仔發生自1967年以來最嚴重的暴動，令我多了四日假期
在AGS第一日發現海外第一次公開的"Mobile TS KTK"
在AGS第二及四日Cos Pitch裡面的劍士Hippo
在AGS第四日正式面對面向當事人道歉
正式迷上「魔法少女奈葉」
上年我所發生的大事我就寫哂係度，主要係比我自已睇的，不過如果你地
想知道個別事件的詳情，都可以問我的，我樂意講的。另外今年我亦會切
實執行謹慎政策，小心處理所有問題，希望部份事件唔會再次發生。
※呢日的日記可能會因為要加上補充資料而作出更改，敬請留意。 2006/1/5 今日超早起身睇動畫+發了個怪夢今日起身之前發了個好怪的夢，個夢都好真實下，而個夢的內容
係咁的~
我夢見自已著住藍色的病人衫，而自已就拿住一張紙，搭一部好似係
設於街市內的電梯(因為我感覺到部電梯好大陣街市先有的味，而且設於電
梯內的抽氣扇好嘈)，去了醫院3/F找一樣東西，但去到3/F時，我只係見到
一個著住藍色+少少紅色線病人衫的病人，其餘的人(大約有8
個)就係著住綠色病人衫，不過佢地的神情真係好奇怪，好似對任
何野都無反應咁。而我搵完之後發現搵唔到我想找的野，所以我就想
睇電視，而且仲係想睇某個動畫台，而我又見到呢道有兩部電
視，其中一部比人用緊，而第二部係無人用的，不過我埋到去之後又
突然唔多想睇...之後我就醒了。
(我打呢篇野出來其實唔係想人地特登睇同回應我呢個怪夢，我只係想
搵個地方記底佢，有機會的話我就搵人解夢。)
至於醒了之後，我就聽到我個電話響(因為我Set了時間係0625響)，再睡
多4分鐘後我就立即落床，開電視睇某個動畫台播緊的「銀河天使A」，雖然
呢套野係1530會重播一次，不過因為我呢個時候返緊學，而且又播
到該輯的最後一話，我又係好耐之前就收到風知道銀河天使每輯的最後一話
的風格都不同平時播開的，所以我就非常有興趣睇！或者
有人會問我點解唔錄映？其實係因為我只有DVD錄映機，而個收
費電視解碼器係禁止用DVD錄映機錄映的，所以迫於無奈之下只
好早起身現場睇。結果我好成功咁睇完銀河天使A 26話，呢話真係同
我收到的風一樣，風格同之前的完全唔一樣，個OP睇落去
就好開心，但內容係兩回事，真係完全笑唔出，呢點我非
常欣賞！
不過咁樣係有代價的，除了唔可以嘈醒家人而需要使用外置揚
聲器來傳聲，搞到要拿住個揚聲器而令隻手好累之外，仲因為電視太
光同唔夠睡而搞到隻眼同個頭好痛...=.="
P.S. 今日行灣仔188的時候竟然撞到一個網友！仲同佢講了幾句呢~XD |
|
|
